Касцёл Беззаганнага Зачацця Найсвяцейшай Дзевы Марыі (Касцяневічы)
Касцёл | |
Касцёл Беззаганнага Зачацця Найсвяцейшай Дзевы Марыі | |
---|---|
![]() | |
54°35′24,45″ пн. ш. 27°12′24,39″ у. д.HGЯO | |
Краіна |
![]() |
Вёска | Касцяневічы |
Канфесія | Рымска-каталіцкая царква |
Епархія | Мінска-Магілёўская дыяцэзія |
Благачынне | Вілейскі дэканат |
Архітэктурны стыль | барока |
Будаўніцтва | 1763[1] — 1763 |
Статус |
![]() |
![]() |
Касцёл Беззаганнага Зачацця Найсвяцейшай Дзевы Марыі — помнік архітэктуры позняга барока. Пабудаваны ў сярэдзіне XVIII стагоддзя ў в. Касцяневічы Вілейскага раёна.
Архітэктура[правіць | правіць зыходнік]
Прамавугольны ў плане будынак накрыты высокім двухсхільным дахам з вальмай над алтарнай часткай. Сцены апрацаваныя плоскімі пілястрамі. Галоўны фасад завершаны атыкавым франтонам складанай формы з паўцыркульным аконным праёмам. Франтон упрыгожаны валютамі, пілястрамі, шматслаёвым карнізам. Уваходны партал і аконныя праёмы лучковыя. Да ўсходняга фасада далучаная прыбудова, накрытая стромкім двухсхільным дахам з атыкавым барочным франтонам над уваходам.
Інтэр'ер[правіць | правіць зыходнік]
![](http://upload.wikimedia.org/wikipedia/commons/thumb/8/88/%D0%9A%D0%B0%D1%81%D1%86%D1%8F%D0%BD%D0%B5%D0%B2%D1%96%D1%87%D1%8B._%D0%86%D0%BD%D1%82%D1%8D%D1%80%27%D0%B5%D1%80_%D0%BA%D0%B0%D1%81%D1%86%D1%91%D0%BB%D0%B0.jpg/220px-%D0%9A%D0%B0%D1%81%D1%86%D1%8F%D0%BD%D0%B5%D0%B2%D1%96%D1%87%D1%8B._%D0%86%D0%BD%D1%82%D1%8D%D1%80%27%D0%B5%D1%80_%D0%BA%D0%B0%D1%81%D1%86%D1%91%D0%BB%D0%B0.jpg)
Унутраная прастора перакрытая каробчатай столлю. Падлога выкладзеная каляровай мазаікай. Сцены аздобленыя двухслаёвымі пілястрамі. Алтар сіметрычнай кампазіцыі з вялікай паўцыркульнай нішай у цэнтры, аздоблены шасцю паўкруглымі калонамі з іанічнымі капітэлямі, якія падтрымліваюць шматслойны карніз. Паміж калонамі гіпсавая пафарбаваная скульптура. На невысокія драўляныя хоры вядзе бакавая лесвіца.
Ахова[правіць | правіць зыходнік]
Занесены ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэспубліканскага значэння.
У мастацтве[правіць | правіць зыходнік]
![](http://upload.wikimedia.org/wikipedia/commons/5/58/11-2013-03-21-card_cr1.jpg)
У 2013 годзе Белпошта выпусціла паштовую картку з арыгінальнай маркай, на якой знаходзіцца касцёл у Касцяневічах.
Гл. таксама[правіць | правіць зыходнік]
Літаратура[правіць | правіць зыходнік]
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- Габрусь Т. В. Мураваныя харалы: Сакральная архітэктура беларускага барока / Т. В. Габрусь. Мн.: Ураджай, 2001.— 287 с.: іл. ISBN 985-04-0499-X, с. 265.
Спасылкі[правіць | правіць зыходнік]
![]() |
Касцёл Беззаганнага Зачацця Найсвяцейшай Дзевы Марыі (Касцяневічы) на Вікісховішчы |
---|