Марыс Тарэз

Марыс Тарэз
фр.: Maurice Thorez
Дата нараджэння	28 красавіка 1900(1900-04-28)[…]
Месца нараджэння	Нуаель-Гадо[d], дэпартамент Па-дэ-Кале, рэгіён Нор — Па-дэ-Кале, Францыя
Дата смерці	11 ліпеня 1964(1964-07-11)[…] (64 гады)
Месца смерці	Чорнае мора, Балгарыя
Пахаванне	Пер-Лашэз Grave of Maurice Thorez[d]
Грамадзянства	Францыя
Партыя	Французская камуністычная партыя Французская секцыя Рабочага інтэрнацыянала
Род дзейнасці	палітык, гарняк
Жонка	Jeannette Vermeersch[d] і Aurore Memboeuf[d]
Дзеці	Paul Thorez[d], Maurice Thorez[d], Jean Thorez[d] і Pierre Thorez[d]
Аўтограф
Медыяфайлы на Вікісховішчы

Марыс Тарэ́з (фр.: Maurice Thorez; 28 красавіка 1900 — 11 ліпеня 1964) — французскі дзяржаўны і палітычны дзеяч, адзін з кіраўнікоў французскага і міжнароднага рабочага і камуністычнага руху, генеральны сакратар Французскай камуністычнай партыі (1930—1964).

Біяграфія

Паштовая марка СССР)

Нарадзіўся ў горадзе Нуаель-Гадо (дэпартамент Па-дэ-Кале,Францыя) у сям’і шахцёра. Да 1920 года працаваў сельскагаспадарчым рабочым і шахцёрам. У 1919 годзе стаў членам Сацыялістычнай партыі і прымаў актыўны ўдзел у барацьбе за далучэнне яе да Камінтэрна. З 1920 года Марыс Тарэз член Французскай камуністычнай партыі, з 1924 года член яе Цэнтральнага камітэта, з 1925 года член Палітбюро Цэнтральнага камітэта, у 1930—1964 гадах — генеральны сакратар, у 1964 годзе — старшыня. Член Выканкама (1928—1943) і член Прэзідыума Выканкама (1935—1943) Камінтэрна. З 1932 года дэпутат Парламента Францыі. Адзін з арганізатараў і кіраўнікоў антыфашысцкага Народнага фронту ў Францыі ў 1935—1938 гадах.

У 1940—1944 гадах Марыс Тарэз жыў у СССР. Быў адным з арганізатараў руху Супраціўлення ў Францыі у час Другой сусветнай вайны. Пасля вяртання ў Францыю ў 1944—1945 гадах быў членам Часовай кансультатыўнай асамблеі, у 1945—1946 гадах дэпутат Устаноўчага сходу, з лістапада 1946 года — дэпутат Нацыянальнага сходу. У 1945—1947 гадах М. Тарэз міністр без партфеля, віцэ-старшыня Савета Міністраў Францыі.

Памёр Марыс Тарэз на борце цеплахода «Літва» на шляху ў Ялту падчас стаянкі ў Стамбуле (Турцыя). Пахаваны ў Парыжы на могілках Пер-Лашэз.

Літаратура

• Тарэ́з Марыс // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 448. — 10 000 экз. — ISBN 985-11-0035-8. — ISBN 985-11-0251-2 (т. 15).
• Торе́з Морис / Варфоломеева Р. С. // Т. 26. Тихоходки — Ульяново. — М. : Советская энциклопедия, 1977. — С. 104—105. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)

Спасылкі

• Андрей Дульцев Вспомним вождя французских коммунистов Мориса Тореза // Общероссийская общественная организация «Российские ученые социалистической ориентации» (РУСО) (руск.)