Маісеенкі (Віцебскі раён)

Вёска Маісеенкі Краіна Беларусь Вобласць Віцебская Раён Віцебскі Сельсавет Суражскі Каардынаты 55°20′50″ пн. ш. 30°47′08″ у. д. Насельніцтва ▼2 чал. (2009) Часавы пояс UTC+3 Тэлефонны код +375 212 Аўтамабільны код 2 СААТА 2212883061 Маісеенкі на карце Беларусі ±

Маісе́енкі, таксама Майсеенкі (трансліт.: Maisiejenki, руск.: Моисеенки) — вёска ў Віцебскім раёне Віцебскай вобласці. Уваходзіць у склад Суражскага сельсавета. За 33,5 км на паўночны ўсход ад Віцебска, 39,5 км ад чыгуначнай станцыі Віцебск.

Гісторыя

У 18 стагоддзі вёска ў Віцебскім ваяводстве ВКЛ. У 1770 годзе вёска ўласнасць Леанарда Пацея. Пасля 1-га падзелу Рэчы Паспалітай у 1772 годзе і далучэння да Расійскай імперыі ў складзе Суражскага павета (утвораны ў 1777 годзе ў Полацкай губерні). 12 снежня 1796 года Суражскі павет скасаваны, Маісеенкі ў складзе Веліжскага павета, з 1802 года зноў у Суражскім павеце, Віцебскай губерні.

У пачатку XIX стагоддзя ў складзе маёнтка «Каспляны», які належаў графу Аляксандру Міхаілу Пацею (1774—1846). З 1819 года маёнткам Каспляны валодаў памешчык Іван Нісцілоўскі. У 1840 годзе пасля смерці Івана Нісцілоўскага маёнтак перайшоў яго брату Ігнату. У 1866 годзе Суражскі павет скасаваны, вёска Маісеенкі ў Казакоўскай воласці Веліжскага павета Віцебскай губерні. У 1905 годзе вёска адносілася да Курашчанскага сельскай грамады.

Пасля вяртання ў склад БССР з 20 жніўня 1924 года ў Марчанкаўскім сельсавеце Суражскага раёна Віцебскай акругі. Да вайны ў суседніх Праніках быў арганізаваны калгас «Чырвоны партызан». 20 лютага 1938 года была ўтворана Віцебская вобласць, у якую ўвайшоў Суражскі раён.

У верасні і лістападзе 1942 года ў вёсцы Маісеенкі былі разбураны ўсе двары і было забіта 18 чалавек. На фронце загінула 4 чалавекі, у партызанах — 7 чалавек. Тут дзейнічала партызанская брыгада «імя А. Ф. Данукалава».

16 ліпеня 1954 года цэнтр Марчонкаўскага сельсавета перанесены ў в. Балашы і сельсавет пачаў называцца Балашоўскім. Пасля скасавання Суражскага раёна 20 лютага 1960 года, Балашоўскі сельсавет у складзе Віцебскага раёна. З 1962 года ў Лёзненскім раёне, з 1965 года зноў у Віцебскім раёне. 22 снежня 1960 года Балашоўскі сельсавет скасаваны, яго тэрыторыя была перададзена Суражскаму пассавету.

Вёска ў складзе КУСГП «Эксперыментальная база імя Шмырова».

Насельніцтва

• 9 двароў, 97 жыхароў (1785)
• 4 двары, 57 жыхароў (1846)
• 8 двароў, 58 жыхароў (1905)
• 13 двароў, 70 жыхароў (1926)
• 13 двароў, 48 жыхароў (1941)
• 2 двары, 2 жыхары (2000)
• 1 двор, 1 жыхары (2018)

Літаратура

• Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх