Папскі інстытут сакральнай музыкі

Папскі інстытут сакральнай музыкі
лац.: Pontificium institutum musicae sacrae
Арыгінальная назва	лац.: Pontificium institutum musicae sacrae
Заснаваны	1910
Размяшчэнне	Рым
Сайт	musicasacra.va/content/m…

Папскі інстытут сакральнай музыкі (лац.: Pontificium institutum musicae sacrae) — каталіцкая вышэйшая навучальная ўстанова з сядзібай у Рыме, якая кіруецца Святым Прастолам.

Гісторыя

Інстытут быў створаны Папам Піем X у 1910 годзе як Школа духоўнай музыкі. Фактычна школа адкрылася ў 1911 годзе. У ліпені 1914 года школа была абвешчана Папскай установай і атрымала паўнамоцтвы выдаваць навуковыя ступені.

23 верасня 1914 года новаабраны Папа Бенедыкт XV назваў інстытут часткай спадчыны, якую пакінуў яму папярэднік, заявіўшы, што будзе падтрымліваць і спрыяць яму найлепшым чынам. У наступным месяцы ён прызначыў палац Сант-Апалінарэ рэзідэнцыяй школы, перанёсшы яе з вуліцы Машэронэ.

З апостальскай канстытуцыяй ад 1931 года інстытут атрымаў сваю цяперашнюю назву і быў уключаны ў шэраг папскіх акадэмічных інстытутаў. У 1983 годзе інстытут пераехаў у былое папскае абацтва Святога Іераніма.

Мэтамі інстытута з'яўляюцца навучанне музыцы ў практычным, тэарэтычным і гістарычным плане, садзейнічанне распаўсюджванню традыцыйнай духоўнай музыкі і заахвочванне мастацкага выяўлення музыкі ў цяперашні час, а таксама аказанне музычных паслуг каталіцкім цэрквам па ўсім свеце.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Афіцыйная інтэрнэт-старонка ўстановы