Пётр (Карпусюк)

З пляцоўкі Вікіпедыя
Jump to navigation Jump to search

Схіепіскап Пётр (свецкае імя: Віктар Пятровіч Карпусюк; 5 студзеня 1959, Брэст) — епіскап Рускай Праваслаўнай Царквы, схіепіскап Дзятлаўскі, вікарый Навагрудскай епархіі (Беларускі экзархат Рускай праваслаўнай царквы).

Біяграфія[правіць | правіць зыходнік]

У 1982 скончыў Маскоўскую духоўную семінарыю, у 1986 — Маскоўскую духоўную акадэмію.

18 Сакавіка 1982 пастрыжаны ў манаства, 23 красавіка таго ж года пасвечаны ў іерадыяканы. Служыў як іпадыякан Патрыярха Пімена.

15 красавіка 1989 г. пасвечаны ў прасвітары (іераманахі); затым узведзены ў сан ігумена.

У 1990 годзе быў узведзены ў сан архімандрыта, прызначаны эканомам Троіца-Сергіевай лаўры.

17 ліпеня 1992 г. пастановай Святога Сінода прызначаны епіскапам Тураўскім і Мазырскім. 24 ліпеня таго ж года ў Пакроўскім кафедральным саборы Віцебска, за літургіяй, быў хіратанісаны ў епіскапы мітрапалітам Мінскім і Слуцкім Філарэтам (Вахрамеевым), архіепіскапамі Магілёўскім і Мсціслаўскім Максімам (Кроха), Гродзенскім і Ваўкавыскім Валянцінам, епіскапамі Віцебскім і Аршанскім Дзімітрыем (Драздовым), Пінскім і Лунінецкім Стэфанам (Корзунам), Гомельскім і Жлобінскім Арыстархам (Станкевічам).

24 снежні 2004 года прызначаны епіскапам Бабруйскім і Асіповіцкім.

27 сьнежня 2005 г. пастанаўленнем Святога Сінода быў вызвалены «ад кіравання Бабруйскай епархіяй і, да вызначэння аб далейшым яго служэнні ў межах Беларускай Праваслаўнай Царквы, яму належыць знаходзіцца ў Свята-Троіцкім Маркавым мужчынскім манастыры ў г. Віцебску».

11 красавіка 2006 года пастановай Святога Сінода прызначаны епіскапам Друцкім, вікарыем Віцебскай і Аршанскай епархіі.

Пастановай Свяшчэннага Сінода ад 26 снежня 2013 г. прызначаны епіскапам Смаргонскім, вікарыем Навагрудскай епархіі.

Пастановай Сінода Беларускага Экзархату ад 19 лістапада 2014 г. Праасвяшчэннаму Пятру прысвоены тытул «епіскап Дзятлаўскі, вікарый Навагрудскай епархіі».

У 2015 годзе пастрыжаны ў схіму.[1]

  1. http://church.by/by/sinod/petr-episkop-smorgonskij-vikarij-novogrudskoj-eparhii