Спецыяльнае гашэнне

З Вікіпедыі, свабоднай энцыклапедыі
Спецыяльнае гашэнне Беларусі 2017 г., прысвечана 125-годдзю Мінскай конкі. Адначасова гэта канверт першага дня.

Спецыя́льнае гашэ́нне, скарочана Спе́цгашэ́нне, — паштовае гашэнне, якое спецыяльна арганізуецца ведамствам паштовай сувязі ў гонар выдатнай падзеі ці памятнай даты.

Ажыццяўляецца вырабленым для кожнага выпадку спецыяльным паштовым штэмпелем, часта мастацкім, ці штампам. Арганізуецца на паштамтах ці ў некаторых паштовых аддзяленнях аднаго ці некалькіх гарадоў у строга абмежаваны тэрмін (найчасцей адзін ці некалькі дзён).

Часам да дня спецыяльнага гашэння прымяркоўваецца выпуск у абарачэнне адпаведных камемарацыйных марак ці цэлых серый.

Гісторыя[правіць | правіць зыходнік]

Спецгашэнні практыкуюцца ў свеце з 1862 года. У СССР спецыяльнае гашэнне, прысвечанае Дню філатэліі, упершыню адбылося 19 жніўня 1922 года.

У 1934 годзе адбылося першае гашэнне спецыяльным паштовым штэмпелем, прысвечаным савецкім партыйным форумам. Яно было прымеркавана да XVII з'езда УКП(б); пры гэтым выкарыстоўваліся некалькі відаў штэмпеляў стандартнага афармлення — з каляндарнай пераводнай датай і памятным тэкстам па крузе. Адным са штэмпеляў гашэнне нанасілася на паштовыя маркі СССР, наклееныя ў сувенірны альбом, які ўручаўся дэлегатам з'езда ад імя Наркампоштэля СССР.