Філатэлістычная экспертыза

З пляцоўкі Вікіпедыя
Jump to navigation Jump to search

Філатэлісты́чная эксперты́за (лац.: Expertus — дасведчаны, абазнаны) — даследаванне марак і іншых філатэлістычных матэрыялаў спецыялістамі высокай кваліфікацыі — экспертамі з мэтай верыфікацыі сапраўднасці маркі і гашэння, ацэнкі якасці, выяўлення касметычнага рамонту, схаваных дэфектаў, правільнасці франкіроўкі.

Апісанне[правіць | правіць зыходнік]

У калекцыяніраванні марак часта звяртаюцца да паслуг экспертных камісій або асобных экспертаў. Даследаванне праводзяць з дапамогай аптычных і іншых сродкаў. Для экспертызы марак выкарыстоўваюць лупы, кварцавыя лямпы, мікраскоп, а ў асобных выпадках і іншыя прылады.

На клеявым баку марак, якія прайшлі экспертызу, ставіцца з дапамогай маленькага штэмпеля экспертны знак, размяшчэнне і напрамак якога адлюстроўвае вынікі экспертызы, а таксама выдаецца пасведчанне (атэстат), на якім у павялічаным выглядзе размяшчаецца фотаздымак маркі, якая праходзіла экспертызу.

Экспертыза ажыццяўляецца за плату.