Элкано Маркавіч Гальдштэйн

З пляцоўкі Вікіпедыя
Jump to navigation Jump to search
Элкано Маркавіч Гальдштэйн
Элкано Маркавіч Гальдштэйн.JPG
Дата нараджэння: 28 сакавіка 1923(1923-03-28)
Месца нараджэння:
Дата смерці: 28 ліпеня 2006(2006-07-28) (83 гады)
Альма-матар:
Месца працы:
Узнагароды:
Заслужаны архітэктар Рэспублікі Беларусь

Элкано Маркавіч Гальдштэ́йн (28 сакавіка 1923, Мінск — 28 ліпеня 2006) — беларускі архітэктар. Заслужаны архітэктар Беларусі (1991).

Біяграфія[правіць | правіць зыходнік]

Э. М. Гальдштэйн нарадзіўся 28 сакавіка 1923 года ў Мінску, у сям’і служачага. У 1940 годзе скончыў сярэднюю школу № 1, паступіў архітэктурны факультэт Ленінградскага інжынерна-будаўнічага інстытута. У час Вялікай Айчыннай вайны ў ліпені 1941 годзе ўступіў па камсамольскай мабілізацыі ў атрад народнага апалчэння. Ваяваў на Заходнім, Паўднёва-Заходнім, Паўночна-Каўказскім франтах у якасці палітбайца, снайпера, сапёра. У кастрычніку 1945 года вярнуўся ў інстытут і ў 1950 годзе абараніў дыпломны праект «Універмаг у г. Ленінградзе». Накіраваны на працу ў разбураны Мінск[1].

Працаваў ў праектным інстытуце «Ваенпраект», дзе ў складзе аўтарскага калектыва займаўся праектаваннем комплексу будынкаў насупраць штаба БВА (раён вуліц Чырвонай, Камуністычнай, Куйбышава)[1].

У красавіку 1952 года пераведзены ў «Белдзяржпраект»[1].

Творчасць[правіць | правіць зыходнік]

Асноўныя работы: у Мінску — комплекс жылых дамоў па вул. Краснай (19521953, у сааўтарстве)[2], жылыя дамы па вул. Першамайскай, Омскім завулку, пл. Свабоды, у пасёлку трактарнага завода ў г. Мінску, гарадах Магілёве і Лідзе[1], Мінскі радыётэхнічны тэхнікум (1956), Фундаментальная бібліятэка АН Беларусі (1967; праект быў паўторна выкарыстаны ў г. Запарожжа ва Украіне), Дом настаўніка (1976; цяпер ліцэй БДУ), комплекс вучылішча кінамеханікаў, комплекс будынкаў Мінскага медыцынскага інстытута (абодва 1979, у сааўтарстве)[2] і інтэрнат для студэнтаў па праспекце Дзяржынскага[1]; эксперыментальныя школы ў Салігорску (1966), Брэсце (1969), Мінску (1976), серыя тыпавых праектаў школ і дашкольных устаноў (19601980)[2], дзіцячая школа мастацтваў у г. Нароўля, краязнаўчы музей у г. Касцюковічы і шмат іншых праектаў[1].

Аўтар васьмі навуковых работ па архітэктуры школьных будынкаў, шэрагу артыкулаў па абагульненні вопыту іх праектавання, будаўніцтва і эксплуатацыі[1].

Конкурсныя праекты[правіць | правіць зыходнік]

Элконо Маркавіч удзельнічаў у складзе аўтарскага калектыва ў міжнародным конкурсе на праект эксперыментальнага жылога раёна ў паўднёва-заходняй частцы г. Масквы, у міжрэспубліканскім конкурсе (БССР і Літва) 1971 года на праект манумента ў гонар сумеснай барацьбы беларускіх і літоўскіх партызан у гады Вялікай Айчыннай вайны 1941—1945 гг., у рэспубліканскім конкурсе на праект помніка маці-патрыётцы Купрыянавай у г. Жодзіна, якому прысуджана 2-я прэмія[1].

Зноскі

  1. 1,0 1,1 1,2 1,3 1,4 1,5 1,6 1,7 К 90-летию со дня рождения Э. М. Гольдштейна 28.03.1923 — 28.07.2006
  2. 2,0 2,1 2,2 Гальдштэйн Элкано Маркавіч // Архітэктура Беларусі: Энцыклапедычны даведнік. — Мн.: БелЭн, 1993.

Літаратура[правіць | правіць зыходнік]

  • Гальдштэйн Элкано Маркавіч // Архітэктура Беларусі: Энцыклапедычны даведнік. — Мн.: БелЭн, 1993.