Баляслаў Запамятаваны

Баляслаў Запамятаваны
Bolesław Zapomniany
Князь Польшчы 1034 — 1038 або 1039
Папярэднік	Мешка II Ламберт
Пераемнік	Казімір I Аднавіцель
Нараджэнне	да 1016
Смерць	1038 або 1039
Род	Пясты
Бацька	Мешка II Ламберт

Баляслаў Запамятаваны (польск.: Bolesław Zapomniany, раней за 1016—1038 або 1039) — паўлегендарны кіраўнік Польшчы з 1034 да 1038 або 1039 гадах, прадстаўнік дынастыі Пястаў.

Згодна з Велікапольскай хронікай, якая была напісана ў XIV стагоддзі, ён стаў кіраўніком Польшчы пасля смерці свайго бацькі Мешкі II Ламберта як яго старэйшы сын. Пасля гэтай жа хронікі ён быў забіты і выдалены з усіх спісаў польскіх манархаў з-за сваёй жорсткасці.

Згадкі аб жыцці Баляслава таксама існуюць у Вінцэнта з Кельчы (XIII стагоддзе) і ў іншых крыніцах. У нататках кракаўскіх аналаў 1038 год узгадваецца як смерць караля Баляслава. Гэтая дата не можа быць аднесена да смерці Баляслава I Храбрага (1025) і Баляслава II Смелага (1081), што з'яўляецца яшчэ адным пацверджанем існавання Боалеслава Запамятаванага. Тым больш, што ў той жа крыніцы Баляслаў II Смелы ўзгадваецца як Баляслаў III.

Згадкі аб Баляславе Запамятаваным існуюць таксама ў чэшскіх і венгерскіх хроніках. Але ў той жа час у хронікі Гала Ананіма апісанне Баляслава адсутнічае, што верагодна звязана з язычніцкай рэакцыяй у Польшчы тых часоў.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• «Вялікая хроніка» аб Польшчы, Русі і іх суседзях XI—XIII стст.
• Мазавецкія анналы