Дрычынскі сельсавет (Асіповіцкі раён)

Дрычынскі сельсавет
Краіна	Беларусь
Статус	сельсавет
Уваходзіць у	Асіповіцкі раён
Уключае	10 населеных пунктаў
Адміністрацыйны цэнтр	Дрычын
Дата ўтварэння	23 ліпеня 1957
Старшыня	Яромаў Мікалай Ягоравіч
Насельніцтва	959
Часавы пояс	+2
Код аўтам. нумароў	6
Афіцыйны сайт

Дры́чынскі сельсаве́т — сельскі Савет на тэрыторыі Асіповіцкага раёна Магілёўскай вобласці Беларусі.

Геаграфічнае становішча

Дрычынскі сельсавет размешчаны на паўднёва-захадзе Асіповіцкага раёна. Мяжуе з Дараганаўскім сельсаветам Асіповіцкага, Суцінскім — Пухавіцкага і Дражнаўскім — Старадарожскага раёнаў Мінскай вобласці.

З 1957 года адміністрацыйным цэнтрам сельсавета з'яўляецца вёска Дрычын, якая знаходзіцца ў 29 км ад Асіповіч, у 12 км ад бліжэйшай чыгуначнай станцыі Фалічы Старадарожскага раёна Мінскай вобласці і размешчана на аўтадарозе Асіповічы — Баранавічы.

Гісторыя

Вёска Дрычын утварылася на пачатку XX стагоддзя.

Прамысловасць і сельская гаспадарка

На тэрыторыі сельсавета размешчаны:

• СВК «Калгас „Імя Чарняхоўскага“»
• Лясніцтва

Сацыяльная сфера

На тэрыторыі сельсавета працуюць: Комплекс сярэдняя школа-дзіцячы сад, СДК і сельскі клуб, урачэбная амбулаторыя і ФАП, чатыры крамы, дзве АТС, дзейнічае Праваслаўная Свята-Міхайлаўская царква.

Насельніцтва

Па стану на 2011 год пражывае 959 чалавек, з іх працаздольнага насельніцтва — 473, пенсіянераў-361, дзяцей — 125.

Знакамітыя землякі

• Міхаіл Дзмітрыевіч Верабей, 1930 года нараджэння — Герой Сацыялістычнай Працы, Заслужаны работнік сельскай гаспадаркі Рэспублікі Беларусь узнагароджаны ордэнамі Леніна і Працоўнага Чырвонага Сцяга.
• Сяргей Мікалаевіч Каданчык нарадзіўся ў вёсцы Майсеевічы, з 1928 года служыў у Чырвонай Арміі, у час Вялікай Айчыннай вайны прайшоў шлях ад камандзіра роты да камандзіра палка. Загінуў у 1943 годзе у баях за вызваленне горада Наварасійска. Удастоены звання Героя Савецкага Саюза (пасмяротна).
• Анатоль Уладзіміравіч Мошчын — ураджэнец вёскі Заняцечча, які загінуў у 1982 годзе ў Афганістане падчас праходжання службы ў шэрагах Савецкай Арміі. Узнагароджаны ордэнам Чырвонай Зоркі (пасмяротна). На могілках вёскі Жыцін яму ўсталяваны помнік.

Склад

Дрычынскі сельсавет уключае 10 населеных пунктаў:

• Вялікі Бор — аграгарадок.
• Дрычын — аграгарадок.
• Астроўкі — вёска.
• Дворышча — вёска.
• Жыцін — вёска.
• Заняцечча — вёска.
• Канцы — вёска.
• Крамок — вёска.
• Майсеевічы — вёска.
• Пясчанка — вёска.