ФК Фулхэм

Фулхэм
Поўная назва	Fulham Football Club
Мянушкі	Дачнікі, Белыя (The Cottagers, The Whites)
Заснаваны	1879
Горад	Лондан, Англія
Стадыён	Крэйвен Котэдж Умяшчальнасць: 25 700
Уладальнік	Шагід Хан[d]
Прэзідэнт	Шагід Хан[d]
Галоўны трэнер	Марку Сілва[d]
Чэмпіянат	Прэм’ер-ліга
2022/23	10 месца
Сайт	Афіцыйны сайт
Асноўная форма Гасцявая форма Рэзервовая форма

«Фу́лхэм» (англ.: Fulham F.C.) — англійскі футбольны клуб з Лондана. Названы па імені лонданскага раёна Фулхэм, які размяшчаецца ў паўднёва-захадняй частцы Лондана. Клуб быў заснаваны ў 1879 годзе.

Клуб правёў 29 сезонаў у вышэйшым дывізіёне англійскага футбола, большасць з якіх прыпадае на 1960-я і 2000-я гады. Апошнія поспехі звязаны са старшынёй клуба Махамедам аль-Фаедам, пасля таго, як клуб падняўся з чацвёртага дывізіёна ў 1990-х гадах. «Фулхэм» ніколі не перамагаў у нацыянальных і міжнародных спаборніцтвах, але ўдзельнічаў у двух фіналах. У 1975 годзе клуб аспрэчваў перамогу ў фінале Кубка Англіі адзіны раз у сваёй гісторыі, атрымаўшы паражэнне з лікам 2:0 ад «Вест Хэм Юнайтэд». У 2010 годзе «Фулхэм» дасягнуў фіналу Лігі Еўропы, але там атрымаў паражэнне ад іспанскага клуба «Атлетыка» з Мадрыда з лікам 2:1 у дадатковы час.

За клуб у розныя часы выступалі вядомыя ігракі, як Джоні Хейнс, Джордж Коэн, Бобі Робсан, Родні Марш і Элан Малеры. Свае хатнія матчы клуб праводзіць на стадыёне «Крэйвен Котэдж», які размяшчаецца на беразе ракі Тэмзы. Пляцоўка з’яўляецца хатняй арэнай клуба з 1896 года. Трэнеровачная база клуба знаходзіцца побач з Матспурскім паркам, дзе таксама размяшчаецца і клубная акадэмія.

Гісторыя

Канец XIX стагоддзя

У пачатку сваёй гісторыі «Фулхэм», як многія іншыя каманды тых гадоў, быў вымушаны здымаць для гульняў чужыя палі, бо не мог забяспечыць сябе ўласным стадыёнам. Свая арэна, якая атрымала назву «Крэйвен Котэдж», з’явілася ў клуба ў 1894 годзе, аднак як паўнавартасны стадыён яна была дабудавана толькі да 1896 года. У тым жа 1896 годзе «дачнікі» (мянушка клуба сярод заўзятараў) атрымалі статус прафесійнай каманды і пачалі выступаць у другім дывізіёне Лонданскай лігі. У наступным сезоне клуб заявіў пра сябе ўжо ў спаборніцтвах Паўднёвай лігі.

XX стагоддзе

Першым сур’ёзным поспехам клуба прынята лічыць трапленне «Фулхэма» ў паўфінал Кубка Англіі ў сезоне 1907/08. Паступова каманда перабралася з Трэцяга ў Другой дывізіён, а потым здолела выйсці ў першы. На працягу першай паловы XX стагоддзя «Фулхэм» не дасягаў якіх-небудзь вышынь, застаючыся тыповым серадняком, часта змагаючыся за выжыванне. На працягу 1950-х і 1960-х гадоў у складзе «дачнікаў» рэгулярна з’яўляліся таленавітыя ігракі, як Джоні Хейнс, сэр Бобі Робсан, Элан Малеры і многія іншыя. Аднак у Першым дывізіёне (вышэйшай англійскай лізе на той момант), які пасля стаў Прэм’ер-лігай, «Фулхэм» выступаў не вельмі ўдала, застаючыся ў сярэдзіне табліцы і перыядычна вылятаючы з эліты.

У канцы 1960-х гадах у клуба пачаўся заняпад. У 1968 годзе «Фулхэм» пакінуў эліту англійскага футбола на доўгія 33 гады. На працягу гэтага перыяду «дачнікі» вагаліся паміж другім і трэцім дывізіёнамі, часам трапляючы ў кубкавыя спаборніцтвы. У 1975 годзе клуб дабіўся найвышэйшага дасягнення ў сваёй кубкавай гісторыі: «дачнікі» дайшлі да фіналу Кубка Англіі, дзе прайгралі «Вест Хэму Юнайтэд» з лікам 2:0.

Склад

Станам на люты 2024 года.

№ Паз. Імя Нар. 1 Бр Марак Радак 1996 2 Аб Кені Тэтэ 1995 3 Аб Калвін Бэсі 1999 4 Аб Тасін Адарабіёя 1997 6 ПА Гарысан Рыд 1995 7 Нап Рауль Хіменес 1991 8 ПА Гары Уілсан 1997 9 Нап Арманда Броя 2001 10 ПА Том Кэрні (капітан) 1990 11 Нап Адама Траарэ 1996 12 Аб Фадэ Бало-Турэ 1997 13 Аб Тым Рым 1987

№ Паз. Імя Нар. 14 Нап Бобі Дэкардова-Рыд 1993 17 Бр Бернд Лена 1992 18 ПА Андрэас Перэйра 1996 19 Нап Радрыгу Муніз 2001 20 Нап Віліян 1988 21 Аб Цімаці Кастань 1995 22 ПА Алекс Івобі 1996 23 Бр Штэвен Бенда 1998 26 ПА Жуан Пальінья 1995 28 ПА Саша Лукіч 1996 31 Аб Іса Дыяп 1997 33 Аб Энтані Робінсан 1997

Спасылкі

• На Вікісховішчы ёсць медыяфайлы па тэме ФК Фулхэм
• Афіцыйны сайт
• «Фулхэм» Архівавана 22 лістапада 2011. на premierleague.com
• «Фулхэм» Архівавана 5 лютага 2013. на uefa.com
• «Фулхэм» на skysports