Фантан Чатырох рэк

Славутасць
Фантан Чатырох рэк
41°53′56″ пн. ш. 12°28′23″ у. д.
Краіна	Італія
Месцазнаходжанне	Рым
Архітэктурны стыль	архітэктура барока[d]
Скульптар	Джавані Ларэнца Берніні
Архітэктар	Джавані Ларэнца Берніні
Дата заснавання	1640-я
Матэрыял	Карарскі мармур
Медыяфайлы на Вікісховішчы

Фантан Чатырох рэк (італ.: Fontana dei Quattro Fiumi) — адзін з самых знакамітых фантанаў Рыма. Знаходзіцца на п'яцца Навона. Збудаваны ў 1648—1651 гг. па праекце Берніні.

У 1644 г. Папа Інакенцій X вырашыў узвесці побач з сямейным палацам Памфілі егіпецкі абеліск, прывезены ў Рым імператарам Каракалам. Быў абвешчаны конкурс на лепшы праект, аднак вялікі Берніні не быў дапушчаны да ўдзелу з-за інтрыг ворагаў. Нягледзячы на гэта, Берніні падрыхтаваў праект фантана, які прадугледжваў размяшчэнне вакол абеліска статуй рачных багоў галоўных рэк чатырох частак свету (Ніла, Ганга, Дуная і Ла-Платы). Яго заступнік Людавізі, быўшы жанаты з пляменніцай Папы, паставіў макет фантана ў сталовай, дзе той абедаў. Інакенцій быў здзіўлены нечуванай патуль гармоніяй скульптуры і архітэктуры, адмяніў конкурс і загадаў Берніні без прамаруджання заняцца збудаваннем фантана.

Як і фантаны Трэві і Баркача, фантан Чатырох рэк сілкуецца вадой са старажытнага акведука Аква Вірга.

Спасылкі

• На Вікісховішчы ёсць медыяфайлы па тэме Фантан чатырох рэк