Горад Ляхавічы
| Горад
Ляхавічы
Ляхавічы
|
Ля́хавічы — горад у Брэсцкай вобласці Беларусі, адміністрацыйны цэнтр Ляхавіцкага раёна, на р. Ведзьма. У 225 км ад Брэста. Чыгуначная станцыя на лініі Баранавічы—Лунінец. Праз горад праходзіць дарога Брэст—Русінавічы. Насельніцтва 11,6 тыс. чалавек (2006).
|
[правіць] Гісторыя
Упершыню згадваецца ў 15 ст. як дзяржаўнае валоданне ВКЛ, цэнтр Ляхавіцкай воласці. Належалі Гаштольдам, Хадкевічам («графы на Ляхавічах»), Сапегам. У канцы 16 ст. у горадзе пабудаваная т.зв. «Ляхавіцкая фартэцыя», магутная крэпасць (не захавалася), адна з самых значных і непрыступных у Рэчы Паспалітай. У 17 ст. мястэчка, моцна пацярпела ў вайне 1654—1667 гадоў. Пасля 2-га падзелу Рэчы паспалітай у 1793 Ляхавічы у складзе Расійскай імперыі. У 1880-я праз Ляхавічы пракладзены ўчастак Палескай чыгункі Баранавічы—Лунінец, што падвысіла значэнне паселішча.
З 1910 дзейнічала Ляхавіцкая цукерачная фабрыка. Мела аддзяленні: варыльнае, карамельнае, сушыльнае, упаковачнае. Працавала больш за 50 чалавек. Разбурана ў 1-й сусветную вайну, адноўлена і зноў разбурана ў часы Другой сусветнай вайны на тэрыторыі Беларусі. У пасляваенны час пераабсталявана ў кансервавы завод.
З 1921 у складзе Польшчы, з 1939 у БССР.
[правіць] Эканоміка
Прадпрыемствы дрэваапрацоўчай (ДЛГУ «Ляхавіцкі лясгас»), харчовай (ААТ «Ляхавіцкі кансервавы завод», ПГУП «Ляхавіцкі кааппрам», СААТ «Ляхавіцкі малочны завод»), будаўнічых матэрыялаў прамысловасці. Чатыры будаўнічыя арганізацыі. Гасцініца.
[правіць] Культура
3 сярэднія школы, 4 дзіцячыя дашкольныя ўстановы, 5 культурна-асветніцкіх арганізацый, 12 аб'ектаў гісторыка-культурнага прызначэння. Свята-Крыжаўзвіжанская царква (1992).
[правіць] Вядомыя асобы
- Ф. Еўлашоўскі (1546—1616), вялікалітоўскі грамадскі дзеяч, мемуарыст
- Аляксандр Іванавіч Багданчук
