Казімір Канстанцін Плятэр

Казімір Канстанцін Плятэр
Kazimierz Konstanty Plater
Герб «Плятэр»
Падканцлер літоўскі 1793 — 1795
Папярэднік	Іахім Храптовіч
Пераемнік	пасада скасавана
Кашталян троцкі 1790 — 1793
Папярэднік	Тадэвуш Білевіч
Пераемнік	Юзаф Вінцэнт Плятэр
Нараджэнне	1749(1749) Мендзырэч, Гміна Мяндзыжач, Мендзыжэцкі павет, Любушскае ваяводства, Польшча
Смерць	4 жніўня 1807(1807-08-04) Новыя Даўгелішкі, Літва
Род	Плятэры
Бацька	Канстанцін Людвік Плятэр
Маці	Аўгуста Агінская
Жонка	Ізабеля Людвіка Борх
Дзеці	Людвік, Міхал, Канстанцін, Ян, Казімір, Станіслаў, Генрык
Член у	Таргавіцкая канфедэрацыя
Дзейнасць	пісьменнік
Узнагароды
Медыяфайлы на Вікісховішчы

Казімір Канстанцін Плятэр (Броэль-Плятэр) (1749 — 4 жніўня 1807) — дзяржаўны дзеяч Вялікага Княства Літоўскага.

Біяграфія

Сын Канстанціна Людвіка Плятэра, троцкага кашталяна, і Аўгусты Агінскай, дачкі троцкага ваяводы Юзафа Тадэвуша Агінскага.

У 1787 прызначаны абозным ВКЛ, але не прыняў пасады, кашталян троцкі ў 1790—1793, падканцлер ВКЛ з 1793; член Пастаяннай Рады ў 1776—1788 і 1793—1794.

Адзін з актыўных дзеячаў Таргавіцкай канфедэрацыі. У 1774 заснаваў у Кальніку родавую камандорыю Мальтыйскага ордэна.

Аўтар дзённікаў падарожжа караля Станіслава Аўгуста Панятоўскага ў Канеў на сустрэчу з Кацярынай II у 1787 і падарожжа ў Пецярбург у 1792 (выдадзены Ю. І. Крашэўскім у 1860 і 1859), публіцыстычных твораў.

Сям'я

Ажаніўся з Ізабеляй Людвікай Борх, дачкой вялікага кароннага канцлера Ян Анджэя Борха. У шлюбе нарадзіліся дзеці Людвік, Міхал, Канстанцін, Ян, Казімір, Станіслаў і Генрык. З іх Міхал, узяўшы шлюб з апошняй прадстаўніцай роду баронаў Зіберг цу Вішлінг (Ізабеляй Аленай), прыняў на сябе і нашчадкаў прозвішча Плятэр-Зіберг.

Крыніцы

• Вяроўкін-Шэлюта У. Плятэры // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 443. — 792 с. — ISBN 985-11-0378-0 (т. 2), ISBN 985-11-0315-2.