Арсеній Ігаравіч Бандарэнка
Поўнае імя | Арсеній Ігаравіч Бандарэнка | |||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Нарадзіўся |
9 кастрычніка 1995[1] (28 гадоў) |
|||||||||||||||||||||||||||
Грамадзянства | Беларусь | |||||||||||||||||||||||||||
Рост | 185 см | |||||||||||||||||||||||||||
Вага | 78 кг[2] | |||||||||||||||||||||||||||
Пазіцыя | абаронца | |||||||||||||||||||||||||||
Інфармацыя пра клуб | ||||||||||||||||||||||||||||
Клуб | Гомель | |||||||||||||||||||||||||||
Клубная кар’ера[* 1] | ||||||||||||||||||||||||||||
|
||||||||||||||||||||||||||||
Нацыянальная зборная[* 2] | ||||||||||||||||||||||||||||
|
||||||||||||||||||||||||||||
Арсеній Бандарэнка (нар. 9 кастрычніка 1995, Мінск) — беларускі футбаліст, абаронца клуба «Гомель» (у арэндзе з жодзінскага «Тарпеда-БелАЗ»).
Клубная кар’ера
З 2012 года пачаў выступаць за дубль мінскага «Дынама», дзе пазней замацаваўся ў складзе. Сезон 2015 правёў у арэндзе ў «Бярозе-2010». Па заканчэнні сезона бярозаўская каманда спыніла існаванне, і малады абаронца ў пачатку 2016 года трэніраваўся з асновай «Дынама», аднак у выніку быў аддадзены ў арэнду ў «Зорку-БДУ».
Да сезона 2017 зноў рыхтаваўся з асноўнай камандай «Дынама», аднак у сакавіку быў аддадзены ў чарговую арэнду, на гэты раз у «Прамень»[3]. Стаў асноўным абаронцам клуба і дапамог яму атрымаць перамогу ў Першай лізе. У студзені 2018 года арэнда была падоўжаная на сезон 2018[4]. У жніўні 2018 года перайшоў у «Прамень» на трывалай аснове[5].
У пачатку 2019 года ў сувязі з пераездам «Промня» ў Магілёў і аб’яднаннем з мясцовым «Дняпром» стаў іграком аб’яднанай каманды, якая атрымала назву «Дняпро». Быў трывалым абаронцам каманды, але не выратаваў яе ад вылету з Вышэйшай лігі.
У лютым 2020 года пасля прагляду падпісаў кантракт з жодзінскім «Тарпеда-БелАЗ»[6]. Не здолеўшы атрымаць месца ў аснове, пачынаў сезон 2020 у дублі жодзінцаў, і ў сакавіку быў аддадзены ў арэнду ў «Смалявічы»[7], дзе стаў асноўным абаронцам. У ліпені 2020 года вярнуўся ў з арэнды «Тарпеда-БелАЗ»[8] і неўзабаве быў пераведзены ў «Гомель»[9].
Міжнародная
Выступаў за юнацкая зборныя Беларусі. 1 чэрвеня 2016 года згуляў у сваім адзіным матчы за моладзевую зборную Беларусі, выйшаўшы на замену ў другім тайме таварыскага матча супраць Македоніі (1:1).
Дасягненні
- Пераможца Першай лігі чэмпіянату Беларусі: 2017
Статыстыка выступленняў
Сезон | Дывізіён | Клуб | Краіна | Матчы | Галы |
---|---|---|---|---|---|
2012 | дубль | Дынама | 16 | 0 | |
2013 | дубль | Дынама | 22 | 0 | |
2014 | дубль | Дынама | 32 | 1 | |
2015 | Д2 | Бяроза-2010 | 27 | 1 | |
2016 | Д2 | Зорка-БДУ | 22 | 2 | |
2017 | Д2 | Прамень | 28 | 4 | |
2018 | Д1 | Прамень | 25 | 0 | |
2019 | Д1 | Дняпро | 28 | 1 | |
2020 (пач.) | дубль | Тарпеда-БелАЗ | 2 | 0 | |
2020 (1) | Д1 | Смалявічы | 10 | 0 |
Грамадзянская пазіцыя
Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі[10].
Зноскі
- ↑ Arseni Bondarenko // Transfermarkt — 2000. Праверана 9 кастрычніка 2017.
- ↑ https://teams.by/bondarenko-arseniy-igorevich/player-1858/
- ↑ Футбол. Арсений Бондаренко арендован "Лучом" у минского "Динамо"
- ↑ Футбол. Максим Плотников и Арсений Бондаренко арендованы "Лучом" у минского "Динамо"
- ↑ "Луч" объявил о подписании Осипенко и Кийко
- ↑ Павлюковец и Бондаренко стали игроками "Торпедо-БелАЗ"
- ↑ Горбунов покинул "Торпедо-БелАЗ", По и Бондаренко на правах аренды перешли в "Смолевичи"
- ↑ Аренда Бондаренко в "Смолевичах" закончилась
- ↑ Денис Левицкий и Антон Богданов отданы в аренду
- ↑ 93 беларускія футбалісты выступілі з асуджэннем гвалту ВІДЭА
Спасылкі
- Профіль на сайце transfermarkt.com (англ.)
- Статыстыка на сайце footballfacts.ru (руск.)
- Профіль на сайце by.tribuna.com (руск.)
- Профіль на сайце soccerway.com (руск.)
- Профіль на сайце teams.by (руск.)
- Профіль на сайце pressball.by (руск.)
- Нарадзіліся 9 кастрычніка
- Нарадзіліся ў 1995 годзе
- Нарадзіліся ў Мінску
- Асобы
- Спартсмены паводле алфавіта
- Футбалісты паводле алфавіта
- Футбалісты Беларусі
- Ігракі ФК Гомель
- Ігракі ФК Смалявічы
- Ігракі ФК Тарпеда-БелАЗ
- Ігракі ФК Дняпро Магілёў
- Ігракі ФК Прамень Мінск
- Ігракі ФК Энергетык-БДУ
- Ігракі ФК Бяроза-2010
- Ігракі ФК Дынама Мінск