Яўген Юр’евіч Барсукоў

Яўген Барсукоў
Агульная інфармацыя
Поўнае імя	Яўген Юр’евіч Барсукоў
Нарадзіўся	5 ліпеня 1990(1990-07-05) (29 гадоў) Гомель, Гомельская вобласць, БССР, СССР
Грамадзянства	Беларусь
Рост	178 см
Вага	71 кг
Пазіцыя	нападнік
Інфармацыя пра клуб
Клуб	Смалявічы
Нумар	8
Кар’ера
Клубная кар’ера*
2006 — 2013	Гомель	28 (1)
2011 — 2013	→  Ведрыч-97 (Рэчыца)	62 (18)
2013 — 2014	Рэчыца-2014	39 (9)
2015	Гомельчыгунтранс	30 (8)
2016 — 2017	Гомель	36 (12)
2017 — 2018	Дняпро (Магілёў)	44 (2)
2019 —	Смалявічы	27 (15)
Нацыянальная зборная**
2008 — 2009	Беларусь (да 19)	6 (0)
2010	Беларусь (да 20)	4 (0)
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 12 студзеня 2020. ** Колькасць гульняў і галоў за нацыянальную зборную ў афіцыйных матчах, адкарэктавана станам на 19 ліпеня 2017.

Яўген Барсукоў (нар. 5 ліпеня 1990, Гомель) — беларускі футбаліст, нападнік клуба «Смалявічы».

Кар’ера

Клубная

Выхаванец гомельскага футбола, у 2006 годзе пачаў выступаць за дубль «Гомеля». З 2008 года стаў таксама прыцягвацца да асноўнай каманды, але працягваў гуляць пераважна за дубль, у сезонах 2008—2009 правёўшы ў Вышэйшай лізе 9 матчаў. Па выніках сезона 2009 «Гомель» вылецеў у Першую лігу, пасля чаго Барсукоў быў пераведзены ў асноўны склад і дапамог камандзе вярнуць месца ў эліце. У снежні 2010 года падоўжыў кантракт з «Гомелем», але на яго ўжо не разлічвалі ў асноўным складзе, таму нападнік быў аддадзены ў гадавую арэнду ў рэчыцкі «Ведрыч-97». У рэчыцкім клубе здолеў замацавацца ў аснове, пазней арэнда з «Гомеля» была падоўжана.

У ліпені 2013 года вярнуўся з арэнды ў «Гомель», аднак згуляў за каманду толькі адзін матч (21 ліпеня супраць мінскага «Дынама», калі выйшаў на замену ў пачатку другога тайму, але праз паўгадзіны быў заменены), і ўжо ў жніўні канчаткова пакінуў гомельскі клуб, зноў далучыўшыся да «Ведрыча-97» у якасці свабоднага агента. У 2014 годзе дапамог рэчыцкаму клубу (які змяніў назву на «Рэчыца-2014») заняць высокае пятае месца ў Першай лізе, але на наступны год у сувязі з фінансавымі праблемамі клуба пакінуў яго і стаў іграком «Гомельчыгунтранса».

У пачатку 2016 года праходзіў прагляд у «Віцебску», але беспаспяхова, і пазней зноў стаў іграком «Гомеля». У сезоне 2016 з 10 галамі стаў найлепшым бамбардзірам каманды і дапамог ёй атрымаць перамогу ў Першай лізе. У снежні 2016 года падоўжыў кантракт з «Гомелем». У першай палове сезона 2017 у асноўныў з’яўляўся на полі, выходзічы на замену, у 11 матчах забіў два галы.

У ліпені 2017 года пакінуў гомельскі клуб і неўзабаве стаў іграком магілёўскага «Дняпра», дзе замацаваўся ў стартавым складзе. У студзені 2018 года на год падоўжыў кантракт з магіляўчанамі. У сезоне 2018 быў трывалым іграком асновы, але не здолеў выратаваць магілёўскую каманду ад вылету ў Першую лігу.

У снежні 2018 года далучыўся да «Смалявічаў». Замацаваўся ў стартавым складзе каманды, з 15 галамі стаў яе налепшым бамбардзірам у сезоне і дапамог вярнуцца ў Вышэйшую лігу. У студзені 2020 года падоўжыў кантракт са «Смалявічамі».

Міжнародная

Гуляў за юніёрскую зборную Беларусі ў кваліфікацыі чэмпіянату Еўропы. У 2010 годзе правёў таксама чатыры матчы за малодшую моладзевую зборную Беларусі (да 20 гадоў).

Дасягненні

• Пераможца Першай лігі чэмпіянату Беларусі (2): 2010, 2016

Статыстыка выступленняў

Сезон	Дывізіён	Клуб	Краіна	Матчы	Галы
2006	дубль	Гомель		11	2
2007	дубль	Гомель		24	2
2008	Д1	Гомель		5	0
2009	Д1	Гомель		4	0
2010	Д2	Гомель		18	1
2011	Д2	Ведрыч-97		29	6
2012	Д2	Ведрыч-97		24	9
2013 (1)	Д2	Ведрыч-97		9	3
2013 (сяр.)	Д1	Гомель		1	0
2013 (2)	Д2	Ведрыч-97		15	5
2014	Д2	Рэчыца-2014		24	4
2015	Д2	Гомельчыгунтранс		30	8
2016	Д2	Гомель		25	10
2017 (1)	Д1	Гомель		11	2
2017 (2)	Д1	Дняпро		15	0
2018	Д1	Дняпро		29	2
2019	Д2	Смалявічы		27	15

Спасылкі

• Профіль на сайце transfermarkt.com (англ.) 
• Статыстыка на сайце footballfacts.ru (руск.) 
• Профіль на сайце by.tribuna.com (руск.) 
• Профіль на сайце soccerway.com (руск.) 
• Профіль на сайце teams.by (руск.) 
• Профіль на сайце pressball.by (руск.)