Іван Майсеевіч Стальмашонак

З пляцоўкі Вікіпедыя
Jump to navigation Jump to search
Іван Майсеевіч Стальмашонак
Дата нараджэння 30 красавіка 1902(1902-04-30)
Месца нараджэння
Дата смерці 12 студзеня 1976(1976-01-12) (73 гады)
Род дзейнасці хірург
Навуковая сфера медыцына, гемалогія
Навуковая ступень кандыдат медыцынскіх навук
Альма-матар

Іва́н Майсе́евіч Стальмашо́нак (30 красавіка 1902, в. Хімное Асіповіцкага раёна Магілёўскай губерніі — 12 студзеня 1976) — вядомы беларускі хірург, заслужаны ўрач БССР, аўтар навуковых работ па пераліванню крыві, брушной хірургіі.

Біяграфія[правіць | правіць зыходнік]

Нарадзіўся ў вёсцы Хімнае (Хімное) Асіповіцкага раёна Магілёўскай губерні. Закончыў медыцынскі факультэт БДУ, працаваў дырэктарам школы медсясцёр Таварыства Чырвонага Крыжа і Чырвонага Паўмесяца, асістэнтам хірургічнай клінікі Беларускага медыцынскага інстытута і дэканам яго санітарна-гігіенічнага факультэта, намеснікам дырэктара інстытута па вучэбнай частцы, загадчыкам Мінгараддзела аховы здароўя, начальнікам упраўлення падрыхтоўкі кадраў Наркамата аховы здароўя БССР. Быў першым дырэктарам Беларускага Навукова даследчага інстытута пералівання крыві. У гады Другой Сусветнай вайны — галоўны хірург эвакашпіталяў, начальнік лячсанупраўлення Наркамата аховы здароўя БССР, пасля вайны — дырэктар Мінскага медінстытута.

Асноўныя напрамкі навуковай і практычнай дзейнасці Стальмашонка — рашэнне праблем хірургічнага лячэння хвароб і пашкоджанняў стрававальнай сістэмы, асабліва стрававода, а так сама праблем службы пералівання крыві. Ён першым у Беларусі выканаў некалькі складаных аперацый на страўнікава-кішачным тракце. Актыўна спрыяў развіццю ў рэспубліцы дзіцячай хірургіі і ўдасканаленню падрыхтоўкі медыцынскіх кадраў Беларусі рознага ўзроўню.

Заслугі І. М. Стальмашонка перад Беларуссю адзначаны не толькі ордэнамі і медалямі, але і званнямі заслужанага ўрача БССР і ганаровага грамадзяніна горада Асіповічы.

Зноскі