Мікалай Іванавіч Дземянцей

Мікалай Іванавіч Дземянцей
Старшыня Прэзідыума Вярхоўнага Савета БССР 28 ліпеня 1989 — 19 мая 1990
Папярэднік	Георгій Таразевіч
Пераемнік	пасада скасавана
Старшыня Вярхоўнага Савета БССР 19 мая 1990 — 25 жніўня 1991
Папярэднік	Іван Навуменка
Пераемнік	Станіслаў Шушкевіч
Нараджэнне	25 мая 1930(1930-05-25) Хотліна, Чашніцкі раён, Віцебская акруга, БССР, СССР
Смерць	10 ліпеня 2018(2018-07-10) (88 гадоў) Ждановічы, Ждановіцкі сельсавет, Мінскі раён, Мінская вобласць, Беларусь
Месца пахавання	Усходнія могілкі
Партыя	КП(б)Б, КПСС
Адукацыя	Беларуская дзяржаўная сельскагаспадарчая акадэмія
Дзейнасць	палітык
Узнагароды

Мікалай Іванавіч Дземянце́й (нар. 25 мая 1930, вёска Хотліна, Чашніцкі раён, Віцебская вобласць) — беларускі дзяржаўны дзеяч.

Біяграфія

Скончыў Беларускую сельскагаспадарчую акадэмію (1959) і Вышэйшую партыйную школу пры ЦК КПСС (1964). Працаваў галоўным аграномам і дырэктарам МТС у Полацкім раёне. У 1957 годзе ўступіў у КПСС. У 1958-62 гадах інструктар Віцебскага абкама, 2-і сакратар Віцебскага райкама КПБ, старшыня Віцебскага райвыканкама. З 1964 года інструктар, намеснік загадчыка, загадчык сельскагаспадарчага аддзела Віцебскага абкама КПБ, 1-ы сакратар Ушацкага райкама КПБ. З 1970 года інспектар ЦК КПБ, з 1974 года сакратар Віцебскага абкама КПБ.

У пачатку 1990 годзе ўзначальваў Вярхоўны Савет БССР 12-га склікання. Пад яго старшынствам Вярхоўны Савет 27.07.1990 года прыняў Дэкларацыю аб дзяржаўным суверэнітэце Беларускай ССР. У 1991 годзе, у перыяд Жнівеньскага путчу ў Маскве, выступіў у падтрымку ДКНС (пасля Мікалай Дземянцей сцвярджаў, што з яго боку аніякай падтрымкі не было). 25 жніўня 1991 г. заявіў аб сваім сыходзе на пенсію.

Літаратура

• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).