Акупацыя

Акупацыя (ад лац.: occupatio — «захоп, заняцце») у агульным выпадку — заняцце, звычайна часовае, узброенымі сіламі дзяржавы (акупацыйнай арміяй і флотам) тэрыторыі, што ёй не належыць, якое не суправаджаецца здабыццём суверэнітэту над ёй. Акупацыю варта адрозніваць ад анексіі, акту далучэння дзяржавай усёй ці часткі чужой тэрыторыі ў аднабаковым парадку.

У рымскім праве акупацыя азначала прысваенне і завалоданне рэчамі з намерам утрымаць іх за сабой.