Аляксей Лявонавіч Ластоўскі

Аляксей Лявонавіч Ластоўскі
Дата нараджэння	12 верасня 1979(1979-09-12) (45 гадоў)
Месца нараджэння	Лукашова, Навасёлкаўскі сельсавет, Пастаўскі раён, Віцебская вобласць, БССР, СССР
Грамадзянства	Беларусь
Род дзейнасці	выкладчык універсітэта
Навуковая сфера	сацыялогія
Месца працы	Інстытут сацыялогіі НАН Беларусі Інстытут палітычных даследаванняў «Палітычная сфера» Беларускі Калегіюм Полацкі дзяржаўны ўніверсітэт імя Ефрасінні Полацкай
Навуковая ступень	кандыдат сацыялагічных навук
Альма-матар	гістарычны факультэт БДПУ імя М. Танка (2000)
Член у	Міжнародная асацыяцыя гуманітарыяў[d]
Узнагароды	прэмія Міжнароднага Кангрэса даследчыкаў Беларусі

Аляксей Лявонавіч Ластоўскі (нар. 12 верасня 1979, в. Лукашова, Пастаўскі раён, Віцебская вобласць) — беларускі сацыёлаг, кандыдат сацыялагічных навук.

Біяграфія

Скончыў гістарычны факультэт Беларускага дзяржаўнага педагагічнага ўніверсітэта імя Максіма Танка (2000) па спецыяльнасці «Гісторыя» з адзнакай. У 2002—2005 годзе навучаўся ў аспірантуры Інстытута сацыялогіі НАН Беларусі. Дысертацыю на саісканне вучонай ступені кандыдата сацыялагічных навук па спецыяльнасці «Сацыялогія культуры, духоўнага жыцця» абараніў 25 студзеня 2007 года ў той жа навуковай установе. Тэма дысертацыі: «Спецыфіка фарміравання калектыўнай ідэнтычнасці ў моладзевай контркультуры», навуковы кіраўнік — Ванда Іванаўна Русецкая.

У 2000—2002 гадах працаваў настаўнікам у Пастаўскім раёне. У 2005—2011 — навуковы супрацоўнік у Інстытуце сацыялогіі НАН Беларусі. З 2009 года старшы навуковы супрацоўнік Інстытута палітычных даследаванняў «Палітычная сфера». У 2013—2017 — кіраўнік аддзялення найноўшай гісторыі Беларускага Калегіюма. З 2014 года працуе ў Полацкім дзяржаўным універсітэце — дацэнт кафедры сацыяльна-гуманітарных дысцыплін (з 2019 — кафедры сацыяльных камунікацый). З 2024 года акадэмічны дырэктар Беларускага інстытута публічнай гісторыі.

Праходзіў стажыроўкі, браў удзел у розных акадэмічных мерапрыемствах у ЗША, Вялікабрытаніі, Польшчы, Славакіі, Венгрыі, Літве, Расіі, Украіне, Чэхіі, Латвіі, Германіі і іншых.

Навуковая дзейнасць

Займаецца даследаваннем шырокага кола пытанняў гістарычнай памяці, палітыкі памяці, нацыянальнай і этнічнай ідэнтычнасці, вывучае розныя аспекты гісторыі нацыяналізму.

Адзін з арганізатараў Міжнароднага Кангрэса даследчыкаў Беларусі, каардынатар Прэміі Кангрэса за лепшую навуковую публікацыю па сацыяльна-гуманітарных навуках.

Сябра арганізацыйнага камітэта Кангрэса Міжнароднай асацыяцыі гуманітарыяў, сябра Асацыяцыі славянскіх, усходнееўрапейскіх і еўразійскіх даследаванняў (ASEEES) і Міжнароднай рады музеяў (ICOM). Каардынатар і ўдзельнік шматлікіх навукова-даследчых і аналітычных праектаў. Намеснік рэдактара часопіса «Belarusian Political Science Review».

Спасылкі

• Біяграфія і спіс публікацый на сайце Полацкага дзяржаўнага ўніверсітэта(недаступная спасылка)
• Біяграфія і спіс публікацый на сайце Інстытута палітычных даследаванняў «Палітычная сфера» Архівавана 15 ліпеня 2020.