Барыс Уладзіміравіч Аракчэеў

З пляцоўкі Вікіпедыя
Перайсці да: рух, знайсці
Барыс Аракчэеў
Фатаграфія
Барыс Аракчэеў
Імя пры нараджэнні:

Барыс Уладзiміравiч Аракчэеў

Дата нараджэння:

19 красавіка 1926(1926-04-19)

Месца нараджэння:

Турбанава[d], Брэйтаўскае сельскае пасяленне[d], Брэйтаўскі раён[d], Расія

Дата смерці:

10 сакавіка 2013(2013-03-10) (86 гадоў)

Месца смерці:

Мінск, Беларусь

Грамадзянства:

Сцяг СССР СССРСцяг Беларусі Беларусь

Род дзейнасці:

мастак

Жанр:

пейзаж, нацюрморт, батальны жывапіс

Вучоба:

Мінскі дзяржаўны мастацкі каледж імя А. К. Глебава (1953), Беларуская дзяржаўная акадэмія мастацтваў (1959).

Стыль:

рэалізм, сацыялістычны рэалізм

Уплыў:

В. К. Цвірка, А. П. Мазалёў

Уплыў на:

У. Кожух, А. Кузьміч, У. Рускевiч, Ф. Янушкевіч, В. Ясюк

Узнагароды:
Ордэн Францыска Скарыны
Заслужаны дзеяч мастацтваў Рэспублікі Беларусь
Commons-logo.svg Працы на Вікісховішчы

Барыс Уладзiміравiч Аракчэеў (19 красавіка 1926, в. Турбанава (Яраслаўская вобласць, СССР) — 10 сакавіка 2013, Мінск) — беларускі мастак, педагог. Заслужаны дзеяч мастацтваў Беларусі (1996). Працаваў у станковым жывапісе, у жанрах пейзажа, нацюрморта, тэматычных карцін і батальных сцэн.

Біяграфічныя звесткі[правіць | правіць зыходнік]

Юнацтва мастака супала з гадамі Вялікай Айчыннай вайны. Ён запісаўся добраахвотнікам на фронт, адкуль у 1944 быў накіраваны ў Бабруйск, а затым у Мінскі штаб акругі, адкуль дэмабілізаваўся.

У 1950 годзе паступіў у Мінскае мастацкае вучылішча, якое датэрмінова, за добрую паспяховасць, скончыў у 1953. Затым Барыс Аракчэеў паступіў у толькі што адчынены ў Мінску Тэатральна-мастацкі інстытут. Яго настаўнікам і пасля кіраўніком дыплома стаў вядомы беларускі жывапісец і педагог Віталь Цвірка. Адначасова з Барысам Аракчэевым першымі выпускнікамі гэтага інстытута ў 1959 у сталі народныя мастакі Анатоль Анікейчык, Віктар Грамыка, Арлен Кашкурэвіч i Леанід Шчамялёў.

Творчасць[правіць | правіць зыходнік]

Дыпломная праца Барыса Аракчэева «Этапы вялікага шляху», напісаная на «выдатна», была адабрана для экспазіцыі ў Маскве на Усесаюзнай выставе, надрукавана ў шматлікіх маскоўскіх выданнях і цяпер знаходзіцца ва ўласнасці і пастаяннай экспазіцыі Нацыянальнага мастацкага музея Беларусі. Сярод твораў Аракчэева — пейзажы, нацюрморты, серыя партрэтаў сучаснікаў і знакамітых людзей. З'яўляўся адным з чатырох стваральнікаў дыярамы «Мінскі кацёл» (19691972) у Музеі гісторыі Вялікай Айчыннай вайны, разам з мастакамі Фёдарам Бараноўскім, Мікалаем Залозным і Леанідам Асядоўскім. Член Беларускага Саюза мастакоў з 1964 года.

Мемарыяльная дошка на доме, дзе працаваў беларускі мастак Барыс Уладзіміравіч Аракчэеў. Скульптар Яўген Колчаў.

З 1964 па 1971 Барыс Аракчэеў выкладаў жывапіс і кампазіцыю ў Мінскім мастацкім вучылішчы iмя Глебава. З 1971 па 1996 — у Беларускай Акадэміі мастацтваў, дзе атрымаў званне дацэнта кафедры. З'яўляўся настаўнікам многіх вядомых беларускіх мастакоў, сярод якіх Уладзімір Кожух, Аляксей Кузьміч, Вячаслаў Рускевіч, Фелікс Янушкевіч, Васіль Іларыёнавіч Ясюк і іншыя. З 1968 па 1977 Барыс Аракчэеў уваходзiў у праўленне Саюза мастакоў БССР.

Творы Аракчэева знаходзяцца ў многіх музеях Рэспублікі Беларусь: 18 работ у Нацыянальным мастацкім музеі, столькі ж у Фондзе Саюза Мастакоў Беларусі, яшчэ 17 работ у Магілёўскім мастацкім музеі , а таксама працамі Аракчэева валодаюць Музей сучаснага выяўленчага мастацтва ў Мінску, Музей гісторыі Вялікай Айчыннай вайны, Літаратурны музей Максіма Багдановіча, Музеі гісторыі горада Мінску, мастацкія галерэi Гомеля, Светлагорска, Полацка, Крупак, Баранавічаў, і прыватныя калекцыянеры замежных краін.

С дачкой Аксанай, якая таксама з'яўляецца жывапісцам

Жыў у Мінску[1].

Бацька трох дачок, кожная з якіх з'яўляецца мастаком-прафесіяналам[2].

Майстэрня мастака знаходзілася ў раёне Плошчы Свабоды, на скрыжаванні вуліц Леніна і Інтэрнацыянальнай.

Галерэя ў Крупках[правіць | правіць зыходнік]

2 красавіка 2015 года Крупскай мастацкай галерэі было прысвоена імя Барыса Аракчэева. Плошча галерэі складае 60 квадратаў. Яна размешчана ў двух пакоях раённага цэнтра культуры. Галерэя была адкрыта ў 2005 годзе і яе першым жывапісным палатном стаў твор Барыса Аракчэева «Генерал Кульнеў і гродзенскія гусары ў бітве пры Клясціцах». Праца над карцінай ішла 36 месяцаў. Два гады мастак рабіў замалёўкі, эскізы, складаў кампазіцыі і год пісаў. Аракчэеў асабіста падарыў карціну на адкрыццё культурнай установы ў 2005 годзе. Памеры твора не дазваляюць выстаўляць яго непасрэдна на галерэйных плошчах. Таму маштабныя батальныя творы Аракчэева — акрамя алейнага летапісу 1812 года, тут яшчэ і твор Барыса Аракчэева «Подзвіг абаронцаў Брэсцкай крэпасці» — экспануюцца ў адным з залаў краязнаўчага музея. Галерэя — філіял музея. Штогод галерэйны фонд папаўняўся творамі Барыса Аракчэева, які рыхтаваў і праводзіў там асабістыя і дынастычныя выстаўкі[3].

Пейзажны жывапіс[правіць | правіць зыходнік]

Нацюрморт[правіць | правіць зыходнік]

Зноскі

  1. Аксана Аракчэева Сайт дынастыi мастакоў Аракчэевых. Праверана 19 снежня 2012.
  2. Сталiчнае тэлебачанне Сямейная выстава Аракчэевых (2009-09-25). Архівавана з першакрыніцы 19 студзеня 2013. Праверана 19 снежня 2012.
  3. Крупскай мастацкай галерэі прысвоена імя Барыса Аракчэева

Спасылкі[правіць | правіць зыходнік]

Зноскі