Бэрэзнэ

Горад Бэрэзнэ укр.: Березне Герб Сцяг Мікалаеўская царква Краіна Украіна Вобласць Ровенская вобласць Раён Бэрэзніўскі раён Каардынаты 51°00′ пн. ш. 26°45′ у. д. Першая згадка 1445 Горад з 2000 Плошча 3,5 км² Насельніцтва 13000 чалавек (2022) Часавы пояс UTC+2, летам UTC+3 Тэлефонны код +380-3653 Паштовы індэкс 34600 КААТУУ 5620410100 Афіцыйны сайт bermrada.gov.ua Бэрэзнэ на карце Украіны ±

Медыяфайлы на Вікісховішчы

Бэрэзнэ (укр.: Березне) — горад у Ровенскай вобласці Украіны, цэнтр Бэрэзніўскага раёна.

Гісторыя

Першае пісьмовае згадванне пра паселішча адносіцца да 1445 года. У 1549 годзе з насельніцтва спаганялі падатак 20 грошаў з «дыму». Мар’яна Сямашка, дачка Мікалая Сямашки, прынесла свайму мужу Станіславу Даніловічу паселішча і замак як пасаг. 27 сакавіка 1793 г. пасля другога падзелу Рэчы Паспалітай мястэчка ўваходзіць у склад Расійскай імперыі; насельніцтва складае 1086 жыхароў. Канец XIX стагоддзя — насельніцтва мястэчка складала 3,4 тыс. У 1920 годзе паселішча ўвайшло ў склад Польшчы і атрымала статус горада Кастопальскага павета Валынскага ваяводства. У 1939 годзе ўваходзіць у склад Савецкага Саюза; у Ровенскай вобласці УССР. У 1941 годзе горад занялі нямецкія войскі. У 1944 годзе заняты часткамі Савецкай Арміі. У 1957 годзе паселішча атрымлівае статус пасёлка гарадскога тыпу. 21 снежня 2000 года пастановай Вярхоўнай Рады Украіны пасёлак гарадскога тыпу Бэрэзнэ аднесены да катэгорыі гарадоў раённага значэння. У 2002 годзе па дадзеных Усеўкраінскага перапісу насельніцтва 2001 г. у горадзе пражывала 13669 чал.