Перайсці да зместу

Дзмітрый Аляксандравіч Падстрэлаў

З Вікіпедыі, свабоднай энцыклапедыі
Футбол
Дзмітрый Падстрэлаў
Поўнае імя Дзмітрый Аляксандравіч Падстрэлаў
Нарадзіўся 6 верасня 1998(1998-09-06)[1][2] (26 гадоў)
Грамадзянства  Беларусь
Рост 175 см
Вага 70 кг[4]
Пазіцыя паўабаронца, нападнік
Інфармацыя пра клуб
Клуб Беларусь Дынама (Мінск)
Нумар 19
Клубная кар’ера[* 1]
2014—2019 Беларусь Дняпро (Магілёў) 61 (7)
2020—2022 Беларусь Шахцёр (Салігорск) 84 (13)
2023 Казахстан Каспій (Актау) 13 (2)
2023 Беларусь БАТЭ (Барысаў) 11 (3)
2024— Беларусь Дынама (Мінск)
Нацыянальная зборная[* 2]
2017 Беларусь Беларусь (да 19) 2 (0)
2018—2019 Беларусь Беларусь (да 21) 8 (1)
2020— Беларусь Беларусь 14 (1)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 23 студзеня 2024.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 27 лістапада 2022

Дзмітрый Падстрэлаў (нар. 6 верасня 1998) — беларускі футбаліст, паўабаронца мінскага «Дынама» і нацыянальнай зборнай Беларусі.

Клубная кар’ера

[правіць | правіць зыходнік]

З 2014 года пачаў выступаць за дубль магілёўскага «Дняпра». Па выніках сезона 2014 «Дняпро» вылецеў у Першую лігу, і Дзмітрый стаў прыцягвацца да асноўнага складу, у асноўным выхадзіў на замену.

У снежні 2016 года падоўжыў кантракт з магіляўчанамі да канца сезона 2018[5]. У сезоне 2017 выступаў у асноўным за дубль магіляўчан. 3 лістапада 2017 года дэбютаваў у Вышэйшай лізе, выйшаўшы на замену ў другім тайме матча з мазырскай «Славіяй» (5:3) і паспеў адзначыцца галявой перадачай.

Сезон 2018 пачынаў у дублі, а з лета пачаў прыцягвацца да асноўнай каманды, у кастрычніку замацаваўся ў стартавым складзе.

У лютым 2019 года, пасля таго як стала вядома пра аб’яднанне «Дняпра» з мінскім «Промнем», накіраваўся на прагляд у аб’яднаную каманду. У сакавіку 2019 года афіцыйна стаў іграком аб’яднанай каманды, якая атрымала назву «Дняпро»[6], хутка замацаваўся ў стартавым складзе ў якасці аднаго з асноўных нападнікаў.

У снежні 2019 года, пасля таго як «Дняпро» страціў месца ў Вышэйшай лізе, перайшоў у салігорскі «Шахцёр», падпісаўшы трохгадовы кантракт[7]. Замацаваўся ў асноўным складзе гарнякоў, у сезоне 2020 правёў усе 30 матчаў у чэмпіянаце Беларусі, пераважна ў стартавым складзе, і дапамог камандзе стаць чэмпіёнам краіны. У 2021—2022 гадах заставаўся іграком асновы, заваяваў яшчэ два чэмпіёнскія тытулы.

У лютым 2023 года перайшоў у казахстанскі «Каспій»[8]. У ліпені 2023 года па пагадненні бакоў пакінуў клуб[9] і хутка падпісаў кантракт з барысаўскім БАТЭ[10]. У снежні 2023 года пакінуў барысаўскі клуб[11].

У студзені 2024 года далучыўся да мінскага «Дынама»[12].

Міжнародная кар’ера

[правіць | правіць зыходнік]

У сакавіку 2017 года выступаў за юніёрскую зборную Беларусі (да 19 гадоў) у элітным раўндзе чэмпіянату Еўропы ў Англіі.

14 лістапада 2018 года дэбютаваў у моладзевай зборнай Беларусі, выйшаўшы на замену ў другім тайме таварыскага матча супраць Харватыі (1:3). У далейшым стаў адным з асноўных нападнікаў моладзевай зборнай.

23 лютага 2020 года дэбютаваў за нацыянальную зборную Беларусі ў таварыскім матчы супраць Узбекістана (1:0), выйшаўшы на замену ў канцы сустрэчы. У наступным матчы, 26 лютага 2020 года супраць Балгарыі (1:0), адзначыўся дэбютным голам за зборную.

Дасягненні

[правіць | правіць зыходнік]

Статыстыка выступленняў

[правіць | правіць зыходнік]
Сезон Дывізіён Клуб Краіна Матчы Галы
2014 дубль Дняпро Беларусь 14 0
2015 Д2 Дняпро Беларусь 17 1
2016 Д2 Дняпро Беларусь 11 1
2017 Д1 Дняпро Беларусь 1 0
2018 Д1 Дняпро Беларусь 10 1
2019 Д1 Дняпро Беларусь 22 4
2020 Д1 Шахцёр Беларусь 30 8
2021 Д1 Шахцёр Беларусь 26 0
2022 Д1 Шахцёр Беларусь 28 5
2023 (1) Д1 Каспій Казахстан 13 2
2023 (2) Д1 БАТЭ Беларусь 11 3

Крыніцы

[правіць | правіць зыходнік]
  1. ↑ Dmitri Podstrelov // Transfermarkt — 2000. Праверана 9 кастрычніка 2017.
  2. ↑ Dzmitry Padstrelaw // FBref.com
  3. ↑ https://www.fcshakhter.by/player.asp?id=Dmitrij-Podstrelov-211&season=2020MEN
  4. ↑ https://www.pressball.by/footballstat/dmitri_podstrelov/
  5. ↑ Левицкий, Рыбаков и еще три футболиста продлили контракты с могилевским «Днепром» (руск.). by.tribuna.com (22 снежня 2016). Праверана 23 студзеня 2024.
  6. ↑ Четыре игрока "Днепра" будут выступать в объединенной команде (руск.). football.by (11 сакавіка 2019). Праверана 23 студзеня 2024.
  7. ↑ Подстрелов из "Дняпро" перешел в "Шахтер" (руск.). football.by (19 снежня 2019). Праверана 23 студзеня 2024.
  8. ↑ "Каспий" подтвердил переход Подстрелова (руск.). football.by (2 лютага 2023). Праверана 23 студзеня 2024.
  9. ↑ Подстрелов покинул "Каспий" и может перейти в БАТЭ (руск.). football.by (8 ліпеня 2023). Праверана 23 студзеня 2024.
  10. ↑ Подстрелов подписал контракт с БАТЭ (руск.). football.by (10 ліпеня 2023). Праверана 23 студзеня 2024.
  11. ↑ БАТЭ объявил об уходе пятерых игроков (руск.). football.by (29 снежня 2023). Праверана 23 студзеня 2024.
  12. ↑ Дмитрий Подстрелов стал новобранцем минского "Динамо" (руск.). football.by (23 студзеня 2024). Праверана 23 студзеня 2024.
Узята з "https://be.wikipedia.org/w/index.php?title=Дзмітрый_Аляксандравіч_Падстрэлаў&oldid=4684232"