Аляксандр Генадзевіч Сялява

Аляксандр Сялява
Агульная інфармацыя
Поўнае імя	Аляксандр Генадзевіч Сялява
Нарадзіўся	17 мая 1992(1992-05-17) (26 гадоў) Бялынічы, Бялыніцкі раён, Магілёўская вобласць, Беларусь
Грамадзянства	Беларусь
Рост	180 см
Вага	74 кг
Пазіцыя	паўабаронца
Інфармацыя пра клуб
Клуб	Шахцёр
Нумар	8
Кар’ера
Клубная кар’ера*
2008	БАТЭ (Барысаў)	0 (0)
2010 — 2011	Клечаск (Клецк)	44 (5)
2012 — 2015	Тарпеда-БелАЗ (Жодзіна)	73 (4)
2016 —	Шахцёр (Салігорск)	62 (1)
Нацыянальная зборная**
2008	Беларусь (да 17)	3 (0)
2011	Беларусь (да 19)	3 (0)
2012 — 2014	Беларусь (да 21)	6 (0)
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 24 снежня 2018. ** Колькасць гульняў і галоў за нацыянальную зборную ў афіцыйных матчах, адкарэктавана станам на 8 сакавіка 2014.

Аляксандр Сялява (нар. 17 мая 1992, Бялынічы) — беларускі футбаліст, паўабаронца салігорскага «Шахцёра».

Клубная кар’ера

Выхаванец бялыніцкай ДЮСШ, у юнацкім узросце гуляў за магілёўскае «Хімвалакно» і барысаўскі БАТЭ-РМ, вучыўся ў мінскім РВАР. Пазней апынуўся ў дублі барысаўскага БАТЭ, адкуль быў адлічаны ў пачатку 2009 года з-за медыцынскіх праблем. Паўторнае абследаванне праз паўтары гады праблем не выявіла. З 2010 года выступаў за «Клечаск», дзе быў адным з асноўных ігракоў.

У 2012 годзе перайшоў у «Тарпеда-БелАЗ», дзе спачатку гуляў за дубль. У сезоне 2013 замацаваўся ў аснове жодзінскага клуба на пазіцыі цэнтральнага паўабаронцы. Першую палову сезону 2014 прапусціў з-за траўмы, у верасні 2014 года вярнуўся на поле і зноў замацаваўся ў аснове. У студзені 2015 года падоўжыў кантракт з «Тарпеда-БелАЗ».

У канцы 2015 года цікавасць да Сялявы стаў праяўляць салігорскі «Шахцёр». У студзені 2016 года ён разам з Ігарам Бурко афіцыйна стаў іграком салігорскага клуба. Першую палову сезону 2016 прапусціў з-за траўмы, у ліпені вярнуўся ў строй і заваяваў месца ў асноўным складзе салігарчан. У снежні 2016 года падоўжыў кантракт з «Шахцёрам». У першай палове сезону 2017 у асноўным выхадзіў на замену, пазней замацаваўся ў стартавым складзе на пазіцыі апорнага паўабаронцы. У кастрычніку 2017 года стала вядома, што Сялява застанецца ў камандзе на наступны сезон.

У лістападзе 2018 года падпісаў новы кантракт з «Шахцёрам».

Міжнародная кар’ера

У 2012 годзе быў упершыню выкліканы ў склад моладзевай зборнай Беларусі, але потым перастаў у яе трапляць. 14 жніўня 2013 года вярнуўся ў зборную ў матчы супраць Ісландыі, з таго часу трывала гуляў за моладзевую зборную, правёўшы да вясны 2014 года яшчэ чатыры матчы.

Дасягненні

• 02 Срэбраны прызёр чэмпіянату Беларусі (2): 2016, 2018
• 03 Бронзавы прызёр чэмпіянату Беларусі: 2017

Статыстыка выступленняў

Сезон	Дывізіён	Клуб	Краіна	Матчы	Галы
2008	дубль	БАТЭ		18	3
2010	Д3	Клечаск		20	2
2011	Д2	Клечаск		24	3
2012	Д1	Тарпеда-БелАЗ		6	0
2013	Д1	Тарпеда-БелАЗ		29	3
2014	Д1	Тарпеда-БелАЗ		16	1
2015	Д1	Тарпеда-БелАЗ		22	0
2016	Д1	Шахцёр		14	0
2017	Д1	Шахцёр		23	1
2018	Д1	Шахцёр		25	0

Спасылкі

• Профіль на афіцыйным сайце БАТЭ(руск.) 
• Профіль на сайце transfermarkt.com (англ.) 
• Статыстыка на сайце footballfacts.ru (руск.) 
• Профіль на сайце by.tribuna.com (руск.) 
• Профіль на сайце soccerway.com (руск.) 
• Профіль на сайце teams.by (руск.) 
• Профіль на сайце pressball.by (руск.)