Дзяніс Аляксандравіч Палякоў

Дзяніс Палякоў
Агульная інфармацыя
Поўнае імя	Дзяніс Аляксандравіч Палякоў
Нарадзіўся	17 красавіка 1991(1991-04-17) (28 гадоў) Мінск, БССР, СССР
Грамадзянства	Беларусь
Рост	184 см
Вага	77 кг
Пазіцыя	абаронца
Інфармацыя пра клуб
Клуб	Урал
Нумар	19
Кар’ера
Клубная кар’ера*
2007 — 2011	Шахцёр (Салігорск)	55 (0)
2012 — 2017	БАТЭ (Барысаў)	134 (6)
2018	АПОЭЛ (Нікасія)	16 (0)
2018	БАТЭ (Барысаў)	8 (1)
2019 —	Урал (Екацярынбург)	11 (0)
Нацыянальная зборная**
2009	Беларусь (да 19)	3 (0)
2011 — 2012	Беларусь (да 21)	14 (0)
2011 — 2012	Беларусь (алімпійская)	5 (0)
2010 —	Беларусь	36 (1)
Міжнародныя медалі
Дзяржаўныя і ведамасныя ўзнагароды
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 12 чэрвеня 2019. ** Колькасць гульняў і галоў за нацыянальную зборную ў афіцыйных матчах, адкарэктавана станам на 12 чэрвеня 2019.

Дзяніс Палякоў (нар. 17 красавіка 1991, Мінск) — беларускі футбаліст, абаронца расійскага клуба «Урал» з Екацярынбурга і нацыянальнай зборнай Беларусі.

Кар’ера

Клубная

З 2007 года гуляў за салігорскі «Шахцёр», у пачатку 2010 года дзякуючы Эдуарду Малафееву ўпершыню трапіў у асноўны склад і хутка там замацаваўся на пазіцыі правага абаронцы.

10 снежня 2011 года было заключана пагадненне аб пераходзе Палякова ў барысаўскі БАТЭ. У Барысаве спачатку гуляў як цэнтральны абаронца, але потым стаў асноўным правым абаронцам.

Пачатак сезона 2013 быў прапушчаны з-за траўмы, і толькі з чэрвеня Дзяніс стаў трывала трапляць у асноўны склад. У другой палове 2013 выступаў як цэнтральны абаронца, на гэтай пазіцыі чаргаваўся з Віталем Гайдучыкам і Ягорам Філіпенкам.

З пачатку сезона 2014 канчаткова замацаваўся ў цэнтры абароны барысаўчан. У другой палове сезона 2015, у сувязі з траўмай Максіма Жаўнерчыка, выкарыстоўваўся на пазіцыі правага абаронцы. У лістападзе 2015 года падоўжыў кантракт з БАТЭ. У пачатку сезона 2016 прапусціў шэраг матчаў з-за траўмы, пазней вярнуўся на пазіцыю цэнтральнага абаронцы.

У снежні 2017 года падпісаў кантракт з кіпрскім клубам АПОЭЛ да 2020 года. У сезоне 2017/18 разам з АПОЭЛам стаў чэмпіёнам Кіпра. Аднак, не быў уключаны ў заяўку на еўракубкі на сезон 2018/19, і ў жніўні 2018 года па пагадненні бакоў разарваў кантракт з кіпрскім клубам.

Неўзабаве пасля зыходу з АПОЭЛа стаў трэніравацца з БАТЭ і ў выніку зноў стаў іграком барысаўскага клуба. Спачатку знаходзіўся на лаўцы запасных, пазней стаў з’яўляцца ў стартавым складзе.

У снежні 2018 года перайшоў у клуб расійскай Прэм’ер-лігі «Урал».

Міжнародная

У 2010 годзе дэбютаваў за нацыянальную зборную, і толькі пасля гэтага быў запрошаны ў моладзевую зборную Беларусі, гуляў на чэмпіянаце Еўропы ў Даніі ўлетку 2011 года. Пасля гуляў таксама за алімпійскую зборную на Алімпійскіх гульнях 2012 у Лондане.

Дасягненні

• 01 Чэмпіён Беларусі (7): 2012, 2013, 2014, 2015, 2016, 2017, 2018
• 02 Срэбраны прызёр чэмпіянату Беларусі (2): 2010, 2011
• Уладальнік Кубка Беларусі: 2015
• Уладальнік Суперкубка Беларусі (4): 2014, 2015, 2016, 2017
• У спісе 22 найлепшых футбалістаў чэмпіянату Беларусі (6): 2010, 2011, 2012, 2015, 2016, 2017
• 01 Чэмпіён Кіпра: 2017/18
• 03 Бронзавы прызёр моладзевага чэмпіянату Еўропы: 2011

Спасылкі

• Профіль на афіцыйным сайце БАТЭ(руск.) 
• Профіль на сайце transfermarkt.com (англ.) 
• Статыстыка на сайце National Football Teams (англ.) 
• Статыстыка на сайце footballfacts.ru (руск.) 
• Профіль на сайце by.tribuna.com (руск.) 
• Профіль на сайце soccerway.com (руск.) 
• Статыстыка на сайце UEFA.com (руск.) 
• Профіль на сайце teams.by (руск.) 
• Профіль на сайце pressball.by (руск.)