Дуброўна (Баранавіцкі раён)

Вёска Дуброўна Краіна Беларусь Вобласць Брэсцкая Раён Баранавіцкі Сельсавет Крошынскі Каардынаты 53°12′26″ пн. ш. 26°07′20″ у. д. Насельніцтва ▼24 чал. (2019) Часавы пояс UTC+3 Тэлефонны код +375 163 Аўтамабільны код 1 СААТА 1204830021 Дуброўна Дуброўна Дуброўна

Дуброўна на Вікісховішчы

Дубро́ўна (трансліт.: Dubroŭna, руск.: Дубровно) — вёска ў Баранавіцкім раёне Брэсцкай вобласці. Уваходзіць у склад Крошынскага сельсавета. Размешчана за 16 км на паўночны ўсход ад Баранавіч, за 16 км ад чыгуначнай станцыі Баранавічы. Насельніцтва 36 жыхароў, 21 гаспадарка (2005).

Гісторыя

У 1909 годзе ў Сталовіцкай воласці Навагрудскага павета Мінскай губерні. Побач з вёскай знаходзіўся аднайменны фальварак.

З 1921 года ў складзе Польшчы, вёска ў Сталовіцкай гміне Баранавіцкага павета Навагрудскага ваяводства.

З 1939 года ў складзе БССР, з 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне.

У Вялікую Айчынную вайну з канца чэрвеня 1941 года да 8 ліпеня 1944 года акупіравана нямецка-фашысцкімі захопнікамі, на франтах вайны загінулі 2 вяскоўцы.

Інфраструктура

Працуе магазін.

Насельніцтва

• 1909 год — 30 двароў, 225 жыхароў; фальварак — 1 двор, 7 жыхароў.
• 1921 год — 12 дамоў, 50 жыхароў.
• 1959 год — 113 жыхароў.
• 1998 год — 27 двароў, 45 жыхароў.
• 2005 год — 36 жыхароў, 21 гаспадарка.
• 2019 год — 24 жыхары.

Вядомыя асобы

• Аляксандр Мітрафанавіч Бабко (нар. 1932) — Герой Сацыялістычнай Працы.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы ёсць медыяфайлы па тэме Дуброўна (Баранавіцкі раён)