Залюбічы

Вёска Залюбічы Краіна Беларусь Вобласць Брэсцкая Раён Баранавіцкі Сельсавет Крошынскі Каардынаты 53°10′04,70″ пн. ш. 26°13′36,50″ у. д. Насельніцтва 133 чалавекі (2005) Часавы пояс UTC+3 Тэлефонны код +375 163 Аўтамабільны код 1 Залюбічы на карце Беларусі ±

Залюбічы на Вікісховішчы

Залю́бічы (трансліт.: Zaliubičy, руск.: Залюбичи) — вёска ў Баранавіцкім раёне Брэсцкай вобласці. Уваходзіць у склад Крошынскага сельсавета. Размешчаны за 16 км на поўнач ад Баранавіч. Насельніцтва 133 жыхары, 76 гаспадарак (2005).

Гісторыя

Паводле перапісу насельніцтва 1897 года ў Сталовіцкай воласці Навагрудскага павета Мінскай губерні, дзейнічала карчма. У 1909 годзе дзейнічала народнае вучылішча.

З 1921 года ў складзе Польшчы, у Сталовіцкай гміне Баранавіцкага павета Навагрудскага ваяводства.

У 1939 годзе ў складзе БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне.

У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі, на франтах вайны загінулі 13 жыхароў.

Насельніцтва

• XIX стагоддзе:
  • 1897 — 202 двары, 501 жыхар.
• XX стагоддзе:
  • 1909 — 110 двароў, 590 жыхароў.
  • 1921 — 69 дамоў, 478 жыхароў.
  • 1939 — 507 жыхароў.
  • 1959 — 427 жыхароў.
  • 1998 — 115 двароў, 157 жыхароў.
• XXI стагоддзе:
  • 2005 — 133 жыхары, 76 гаспадарак.

Інфраструктура

Працуе магазін.

Вядомыя асобы

• Міхаіл Канстанцінавіч Буза (нар. 1940) — беларускі матэматык, спецыяліст у галіне матэматычнага і праграмнага забеспячэння вылічальных машын, комплексаў і камп’ютэрных сетак. Доктар тэхнічных навук (1992), кандыдат фізіка-матэматычных навук (1971), прафесар (1988).

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы ёсць медыяфайлы па тэме Залюбічы