Збірагі

З пляцоўкі Вікіпедыя
Jump to navigation Jump to search
Вёска
Збірагі
Збірагі. Свята-Параскева-Пятніцкая царква (01).jpg
Краіна
Вобласць
Раён
Сельсавет
Каардынаты
Насельніцтва
Часавы пояс
Тэлефонны код
+375 162
Паштовы індэкс
225002
Аўтамабільны код
1
SOATO
1 212 850 056
Збірагі на карце Беларусі ±
Збірагі (Беларусь)
Збірагі
Збірагі (Брэсцкая вобласць)
Збірагі

Збі́рагі[1] (трансліт.: Zbirahi, руск.: Збироги) — вёска ў Брэсцкім раёне Брэсцкай вобласці. Уваходзіць у склад Чэрнінскага сельсавета. Размешчаны за 19 км на паўночны ўсход ад Брэста, 10 км ад чыгуначнай станцыі Жабінка.

У складзе камунальнага ўнітарнага сельскагаспадарчага прадпрыемства «Маладая гвардыя» (цэнтр — в. Чэрні).

Гісторыя[правіць | правіць зыходнік]

Паводле пісьмовых крыніц вядомы з 16 стагоддзя як казённая ўласнасць у Берасцейскім старостве Троцкага ваяводства ВКЛ. У 1502 годзе тут існавала праваслаўная царква. Пад 1564 г. пазначана ў метрыцы караля Жыгімонта II Аўгуста. У 1566 годзе сяло — цэнтр Збіражскага войтаўства ў Берасцейскім ваяводстве ВКЛ. У 1568 годзе ўласнасць пана Рушчыца, потым Пацаў. У 1610 годзе ў вёсцы па фундацыі княгіні Агаты Пац з Сапегаў пабудавана драўляная ўніяцкая Параскева-Пятніцкая царква.

Пасля 3-га падзелу Рэчы Паспалітай (1795) у складзе Расійскай імперыі, у Слонімскай, з 1797 года — у Літоўскай, з 1801 года — у Гродзенскай губернях.

У 1862 годзе адкрыта народнае вучылішча, у якім у 1866 годзе вучыліся 45 хлопчыкаў. Уніяцкая царква была ператворана ў праваслаўную. Маёнтак належаў графу Грабоўскаму. У 1886 годзе сяло, цэнтр Збіражскай воласці, у якую ўваходзілі 29 сёл (310 двароў). У 1897 годзе былі 2 царквы, працавалі карчма, валасное праўленне, народнае вучылішча.

Паводле Рыжскага мірнага дагавора 1921 года ў складзе Польшчы, цэнтр Збіражскай гміны Брэсцкага павета Палескага ваяводства. У 1921 годзе дзейнічаў касцёл. У 1938 годзе працавала пачатковая школа.

З 1939 года ў складзе БССР. У 1940 годзе пачала працаваць 7-гадовая школа. З 12 кастрычніка 1940 года цэнтр Збірагскага сельсавета. У студзені 1949 года арганізаваны першы калгас «Шлях Леніна», з 27 двароў у яго ўступілі 25. Меў 110 га раллі і 30 га сенакосу, 17 коней. 16 ліпеня 1954 года Збірагскі сельсавет скасаваны, яго тэрыторыя далучана да Тэльмінскага сельсавета.

Інфраструктура[правіць | правіць зыходнік]

  • Базавая школа
  • Фельчарска-акушэрскі пункт
  • Аддзяленне сувязі
  • Бібліятэка
  • Клуб

Насельніцтва[правіць | правіць зыходнік]

  • 89 жыхароў (1566)
  • 4 двары, 26 жыхароў (1897)
  • 22 жыхары (1905)
  • 11 двароў, 30 жыхароў (1921)
  • 26 двароў, 213 жыхароў (1940)
  • 116 жыхароў (1959)
  • 166 жыхароў (1970)
  • 67 гаспадарак, 154 жыхароў (1997)
  • 63 гаспадаркі, 141 жыхар (2005)

Славутасці[правіць | правіць зыходнік]

Свята-Параскева-Пятніцкая царква са званіцай

Зноскі

  1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)

Літаратура[правіць | правіць зыходнік]

  • Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі[правіць | правіць зыходнік]