Вішнёўка (Пухавіцкі раён)

Вёска Вішнёўка Краіна Беларусь Вобласць Мінская Раён Пухавіцкі Сельсавет Дукорскі Каардынаты 53°35′54″ пн. ш. 28°02′25″ у. д. Ранейшыя назвы Кастрынь Кастрын Насельніцтва ▼1 чал. (2019) Часавы пояс UTC+3 Тэлефонны код +375 1713 Аўтамабільны код 5 СААТА 6244830016 Вішнёўка на карце Беларусі ±

Вішнё́ўка (трансліт.: Višnioŭka, руск.: Вишнёвка; да 1920-х — маёнтак Кастрынь) — вёска ў Пухавіцкім раёне Мінскай вобласці. Уваходзіць у склад Дукорскага сельсавета.

Гісторыя

У канцы XIX стагоддзя маёнтак Кастрынь (Кастрын) Навасёлкаўскай воласці Ігуменскага павета Мінскай губерні, уласнасць Эдуарда Эдуардавіча Катовіча, двараніна рыма-каталіцкага веравызнання. Было 490 дзесяцін зямлі.

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай воласць абвешчана часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. Уласнасць нацыяналізавана, на месцы маёнтка створаны пасёлак Вішнёўка.

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі.

Да 28 мая 2013 года вёска ўваходзіла ў склад Дрычынскага сельсавета.

Насельніцтва

• 1908 год — 1 двор, 11 жыхароў
• 1917 год — 1 двор, 24 жыхары, усе палякі
• 1926 год — 8 двароў, 38 жыхароў
• 1960 год — 27 жыхароў
• 2002 год — 2 двары, 2 жыхары
• 2010 год — 1 гаспадарка, 1 жыхар
• 2012 год — 0 жыхароў
• 2019 год — 1 жыхар

Літаратура

• Вішнёўка // Гарады і вёскі Беларусі: Энцыклапедыя. Т. 8: Мінская вобласць, кн. 4 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2013. — С. 126. — 2 000 экз. — ISBN 978-985-11-0735-9.
• Памяць: Пухавіцкі раён: Гісторыка-дакументальныя хронікі гарадоў і раёнаў Беларусі / Укл. А. А. Прановіч; Рэдкал.: А. М. Карлюкевіч і інш.. — Мінск: Беларусь, 2003. — 749 с. — ISBN 985-01-0251-9.
• Список населенных мест Б.С.С.Р. (б. Минской губернии) / Центральное Статистическое Бюро Б.С.С.Р.. — Минск: Белтрестпечать, 1924.
• Ярмоловичъ В. С. Списокъ населенныхъ мѣстъ Минской губерніи. — Минскъ: Изданіе Минскаго Губернскаго Статистическаго Комитета, 1909. — 231 с.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх