Мікалай Пракопавіч Пакроўскі

Мікалай Пракопавіч Пакроўскі
Першы сакратар Баранавіцкага абласнога камітэта КП Беларусі ліпень 1950 — 1952
Папярэднік	Васіль Самуцін
Пераемнік	Іван Клімаў
Першы сакратар Барысаўскага гарадскога камітэта КП Беларусі 1944 — 1950
Нараджэнне	9 мая 1909(1909-05-09) Сарагожскае[d], Весьягонскі павет[d], Цвярская губерня, Расійская імперыя
Смерць	4 жніўня 1976(1976-08-04) (67 гадоў) Мінск, БССР, СССР
Месца пахавання	Усходнія могілкі
Партыя	УКП(б) (з 1931)
Ваенная служба
Прыналежнасць	СССР
Званне	Палкоўнік
Бітвы	Вялікая Айчынная вайна
Узнагароды	Медаль «У азнаменаванне 100-годдзя з дня нараджэння Уладзіміра Ільіча Леніна» Медаль «Партызану Айчыннай вайны» II ступені Медаль «За доблесную працу ў Вялікай Айчыннай вайне 1941-1945 гг.» Медаль «Ветэран працы» Медаль «50 гадоў Узброеных Сіл СССР»

Мікала́й Прако́павіч Пакро́ўскі (26 красавіка (9 мая) 1909, с. Сарагожскае, Цвярская губерня — 4 жніўня 1976, Мінск) — савецкі партыйны і дзяржаўны дзеяч, у час Вялікай Айчыннай вайны камандзір партызанскага атрада «Беларусь», партызанскай брыгады «Беларусь», палкоўнік, Герой Савецкага Саюза (15.08.1944).

Біяграфія

Нарадзіўся 9 мая 1909 года ў сяле Сарагожскае Лапацінскай воласці Весьягонскага павета Цвярской губерні ў сялянскай сям'і.

У перыяд з 1922 па 1927 год жыў і пачаў працоўную дзейнасць у горадзе Ленінградзе. У 1927—1929 гадах дапамагае арганізоўваць у Вышнім Валачке працоўную сельскую камуну, дзе становіцца сакратаром камсамольскай ячэйкі. У 1931 годзе ўступіў у члены УКП(б), вучыўся ў савецка-партыйнай школе ў Цверы, па заканчэння якой быў накіраваны па камсамольскай лініі ў Беларусь. У 1931 годзе абраны сакратаром Ушацкага райкама камсамола, а ў 1933 годзе — Добрушскага райкама камсамола. Затым працаваў у ЦК камсамола Беларусі. З 1939 года 1-ы сакратар Рудзенскага райкама КП Беларусі. У гэтым жа годзе скончыў два курсы Мінскага педінстытута.

З пачаткам Вялікай Айчыннай вайны застаўся на акупаванай тэрыторыі і стварыў партызанскі атрад «Беларусь», які дзейнічаў на тэрыторыі Мінскай вобласці, у сакавіку — чэрвені 1943 года камандаваў партызанскай брыгадай «Беларусь». Партызанамі пад яго кіраўніцтвам быў зруйнаваны Дукорскі палац Оштарпаў.

Пасля вызвалення Беларусі (1944—1950) — першы сакратар Барысаўскага гаркама КП(б)Б, быў пераведзен на пасаду другога сакратара, а з ліпеня 1950 па 1952 год — першы сакратар Баранавіцкага абласнога камітэта КП(б)Б.

У 1953—1960 гады быў інспектарам ЦК КПБ, з 1960 па 1971 — загадчык 1-м аддзелам СМ БССР.

Член ЦК КП(б)Б (1949—1952).

Памёр 4 жніўня 1976 года. Пахаваны на Усходніх могілках.

Узнагароды

• Указам Прэзідыума Вярхоўнага Савета СССР ад 15 жніўня 1944 года Мікалаю Пракопавічу Пакроўскаму прысвоена званне Героя Савецкага Саюза (медаль № 4048);
• ордэн Леніна;
• ордэн Чырвонага Сцяга;
• два ордэна Працоўнага Чырвонага Сцяга;
• медаль «Партызану Айчыннай вайны» 1-й ступені;
• медаль «Партызану Айчыннай вайны» 2-й ступені.

Памяць

• У памяць пра Героя ў родным сяле Сарагожскім у 2005 годзе была ўстаноўлена мемарыяльная дошка.

Літаратура

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
• Долгов И. А. Золотые звёзды калининцев. — М.: Московский рабочий, 1984. — Т. 2. — 383 с.
• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.

Спасылкі

Мікалай Пракопавіч Пакроўскі на сайце «Героі краіны»