Пераклад Бібліі Сёмухі

Біблія Сёмухі
Поўная назва	Біблія. Кнігі Сьвятога Пісаньня Старога і Новага Запавету кананічныя ў беларускім перакладзе
Іншыя назвы	Пераклад Сёмухі
Мова	беларуская
НЗ выдадзены	1995
Поўная Біблія апублікавана	2002
Аўтар(ы)	Васіль Сёмуха
Перакладзена з	Сінадальны пераклад
Мова крыніцы	руская
Выдавец	World Wide Printing
Наклад	10 000
Канон	праваслаўны
Вэб-старонка	Беларуская Палічка

Перакла́д Сё́мухі — пераклад усёй Бібліі, здзейснены Васілём Сёмухам і выдадзены ў 2002 годзе ў Мінску тарашкевіцай.

Васіль Сёмуха, які спярша пачынаў працу над перакладам Біблійнай камісіі Беларускай праваслаўнай царквы, у 1995 годзе выдаў уласны пераклад Новага Запавету і Псалтыру.

У 2002 выйшаў пераклад усяе Бібліі, здзейснены пад рэдакцыяй місіянера Юркі Рапецкага (Канада) з дапамогай мітрапаліта Беларускай аўтакефальнай праваслаўнай царквы Мікалая.

Асновай гэтых выданняў стаў рускі Сінадальны пераклад 1876 года. Сёмухаў пераклад вельмі багаты моўна, аднак крытыкуецца за «непрыкрытую вольнасць у перакладзе цяжкіх месцаў, дыялектнае напісанне біблейскіх імёнаў, нарэдка да страты іх запаветнай этымалогіі»; акрамя таго, даследчыца Ірына Дубянецкая, доктар сакральнай філасофіі, заўважае, што крыніца перакладу — руская Сінадальная Біблія — мае сама па сабе шмат тэкстуальных памылак.

Бібліяграфія

• Новы Запавет. Псалтыр / Пераклад В.С. Сёмуха. — Мн.: ВЦ «Бацькаўшчына», 1995. — 489 с. — 5 700 экз. — ISBN 985-6026-06-7.
• Біблія. Кнігі Сьвятога Пісаньня Старога і Новага Запавету кананічныя ў беларускім перакладзе. — Duncanville, USA: World Wide Printing, 2002. — 1535 с. — 10 000 экз. — ISBN 1-58712-085-2.

Спасылкі

• Біблія ў перакладзе Васіля Сёмухі на Беларускай Палічцы
• Беларускі пераклад (В. Сёмухі) на партале «Библия Онлайн» (люстэрка)
• БІБЛІЯ: КНІГІ СТАРОГА І НОВАГА ЗАПАВЕТУ ў перакладзе В.Сёмухі (2002) на сайце «Беларуская Біблія»
• Пераклад Бібліі Васіля Сёмухі Архівавана 5 красавіка 2012. на партале БАПЦ