Сяргей Сяргеевіч Ігнатовіч

Сяргей Ігнатовіч
Агульная інфармацыя
Поўнае імя	Сяргей Сяргеевіч Ігнатовіч
Нарадзіўся	29 чэрвеня 1992(1992-06-29) (26 гадоў) Магілёў, Магілёўская вобласць, Беларусь
Грамадзянства	Беларусь
Рост	192 см
Вага	84 кг
Пазіцыя	брамнік
Інфармацыя пра клуб
Клуб	Дынама (Мінск)
Нумар	35
Кар’ера
Клубная кар’ера*
2009 —	Дынама (Мінск)	43 (-27)
2012	→  Бяроза-2010	10 (-11)
2013	→  Бяроза-2010	20 (-19)
Нацыянальная зборная**
2008 — 2009	Беларусь (да 17)	6 (-7)
2010 — 2011	Беларусь (да 19)	5 (-9)
2012	Беларусь (да 21)	3 (-4)
2017	Беларусь	1 (-1)
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 26 снежня 2018. ** Колькасць гульняў і галоў за нацыянальную зборную ў афіцыйных матчах, адкарэктавана станам на 14 лістапада 2017.

Сяргей Ігнатовіч (нар. 29 чэрвеня 1992, Магілёў) — беларускі футбаліст, брамнік мінскага «Дынама».

Кар’ера

Клубная

Выхаванец СДЮШАР мінскага «Дынама», з 2009 года пачаў гуляць за дубль мінчан.

Першую палову сезону 2012 правёў у арэндзе ў «Бярозе-2010». Улетку 2012 вярнуўся ў «Дынама», гуляў за дубль, нярэдка з’яўляючыся на лаўцы запасных асноўнага складу. 26 верасня 2012 дэбютаваў за асноўную каманду «Дынама», выйшаўшы на замену на 67-й хвіліне ў кубкавым матчы з пінскай «Хваляй» (5:0).

Сезон 2013 зноў правёў у арэндзе ў «Бярозе-2010». У 20 матчах прапусціў усяго 19 галоў, чым дапамог «Бярозе-2010» заняць выніковае 5-е месца ў Першай лізе.

У пачатку сезону 2014 вярнуўся ў асноўную каманду «Дынама» і замацаваўся ў якасці другога брамніка. 24 жніўня 2014 дэбютаваў у Вышэйшай лізе чэмпіянату Беларусі, адгуляўшы увесь матч са «Слуцкам» (0:0). У далейшым стаў трывала з’яўляцца ў стартавым складзе мінчан, чаргуючыся з Аляксандрам Гутарам.

У сезоне 2015 Гутар замацаваўся ў асноўным складзе, а Ігнатовіч застаўся другім брамнікам каманды. У чэрвені 2016 года, пасля пераходу Гутара ў расійскі «Арэнбург», стаў іграком стартавага складу. У пачатку 2017 года, пасля няўдалай гульні ў першым матчы сезону (2:2 супраць брэсцкага «Дынама» ў Кубку Беларусі) саступіў месца ў аснове Андрэю Клімовічу, аднак у ліпені зноў стаў з’яўляцца ў стартавым складзе. У верасні 2017 года падоўжыў кантракт з дынамаўцамі да канца 2019 года. Канец сезону 2017 прапусціў з-за траўмы.

У сезоне 2018 быў другім брамнікам пасля Андрэя Гарбунова.

Міжнародная

У 2010—2011 гадах быў асноўным брамнікам юніёрскай зборнай Беларусі (да 19 гадоў).

У 2012—2013 гадах быў другім брамнікам моладзевай зборнай Беларусі (да 21 года) пасля Арцёма Сарокі. Усяго ў аснове за моладзевую зборную правёў тры матчы.

13 лістапада 2017 года дэбютаваў у нацыянальнай зборнай Беларусі, правёўшы на полі першы тайм таварыскага матчу супраць Грузіі (2:2).

Дасягненні

• 02 Срэбраны прызёр чэмпіянату Беларусі (3): 2014, 2015, 2017
• 03 Бронзавы прызёр чэмпіянату Беларусі (2): 2016, 2018
• У спісе 22 найлепшых футбалістаў чэмпіянату Беларусі: 2017

Статыстыка выступленняў

Сезон	Дывізіён	Клуб	Краіна	Матчы	Галы
2009	дубль	Дынама		11	-7
2010	дубль	Дынама		32	-21
2011	дубль	Дынама		25	-26
2012 (1)	Д2	Бяроза-2010		10	-11
2012 (2)	дубль	Дынама		10	-8
2013	Д2	Бяроза-2010		20	-19
2014	Д1	Дынама		8	-6
2015	Д1	Дынама		2	-0
2016	Д1	Дынама		16	-12
2017	Д1	Дынама		13	-6
2018	Д1	Дынама		4	-3

Спасылкі

• Профіль на афіцыйным сайце мінскага «Дынама»
• Профіль на сайце transfermarkt.com (англ.) 
• Статыстыка на сайце footballfacts.ru (руск.) 
• Профіль на сайце by.tribuna.com (руск.) 
• Профіль на сайце soccerway.com (руск.) 
• Профіль на сайце teams.by (руск.) 
• Профіль на сайце pressball.by (руск.)