Сінінкі

Вёска Сінінкі Краіна Беларусь Вобласць Мінская Раён Пухавіцкі Сельсавет Голацкі Каардынаты 53°43′51″ пн. ш. 27°47′34″ у. д. Ранейшыя назвы Баркі Часавы пояс UTC+3 Тэлефонны код +375 1713 Аўтамабільны код 5 Сінінкі на карце Беларусі ±

Сінінкі на Вікісховішчы

Сі́нінкі (трансліт.: Sininki, руск.: Сининки; раней таксама Баркі) — вёска ў Пухавіцкім раёне Мінскай вобласці. Уваходзіць у склад Голацкага сельсавета. Месціцца за 38 км на паўночны захад ад Мар’інай Горкі, 23 км ад Мінска, на рацэ Свіслач.

Гісторыя

Ранняя гісторыя

У XVIII стагоддзі ў Менскім павеце Менскага ваяводства Вялікага Княства Літоўскага, у складзе маёнтка Дукора, уласнасць Агінскіх, пазней Оштарпаў.

У выніку другога падзелу Рэчы Паспалітай 1793 года тэрыторыя апынулася ў складзе Расійскай імперыі. У XIX стагоддзі ў Ігуменскім павеце Мінскай губерні.

У 1858 годзе вёска ў маёнтку Феліцыянава, уласнасць А. Івашкевіча. З другой паловы XIX стагоддзя ў Пярэжырскай воласці. У 1880-х гадах працавала народнае вучылішча, у якім у 1892—1893 гадах вучыліся 43 хлопчыкі і 3 дзяўчынкі.

У 1916 годзе адкрыта аднакласнае народнае вучылішча.

Найноўшы час

Вясковая крама і прыпынак транспарту ў Сінніках.

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвяшчалася часткай Беларускай Народнай Рэспублікі. Жыхары Пярэжырскай воласці атрымалі пасведчанні Народнага Сакратарыята Беларусі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР.

У Другую сусветную вайну з канца чэрвеня 1941 года да пачатку ліпеня 1944 года вёска пад акупацыяй Германіі.

Насельніцтва

• 1897 год — 46 двароў, 334 жыхары
• 1908 год — 50 двароў, 480 жыхароў
• 1917 год — 49 двароў, 312 жыхароў
• 1970 год — 178 жыхароў
• 2002 год — 30 двароў, 55 жыхароў
• 2010 год — 26 гаспадарак, 46 жыхароў

Літаратура

• Сінінкі // Гарады і вёскі Беларусі: Энцыклапедыя. Т. 8: Мінская вобласць, кн. 4 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2013. — С. 180—181. — 2 000 экз. — ISBN 978-985-11-0735-9.
• Памяць: Пухав. р-н: Гіст.-дак. хронікі гарадоў і р-наў Беларусі / Укл. А. А. Прановіч; Рэдкал.: А. М. Карлюкевіч і інш.. — Мінск: Беларусь, 2003. — 749 с. — ISBN 985-01-0251-9.

Спасылкі

• На Вікісховішчы ёсць медыяфайлы па тэме Сінінкі