ФК Макслайн Рагачоў

Макслайн Рагачоў
Макслайн Рагачоў
Заснаваны	1983
Горад	Рагачоў, Беларусь
Стадыён	ДЮСШ-1; Умяшчальнасць: 7000
Галоўны трэнер	Глеб Кулебін
Чэмпіянат	Першая ліга
2022	4 месца

«Макслайн» — беларускі футбольны клуб з горада Рагачоў, заснаваны ў 1983 годзе. У цяперашні час выступае ў Першай лізе чэмпіянату Беларусі.

Гісторыя[правіць | правіць зыходнік]

Да 1991 года гуляў у Чэмпіянаце БССР, у 1992 годзе трапіў у новаствораную Трэцюю лігу чэмпіянату Беларусі. Пасля паспяховага сезона 1996 клуб перайшоў у Першую лігу, дзе гуляў да 2005 года. У сезоне 2005 страціў месца ў Першай лізе і па фінансавых прычынах спыніў існаванне.

Пасля футбольны клуб з Рагачова ўдзельнічаў у чэмпіянаце Гомельскай вобласці. У красавіку 2014 года клуб пад назвай «МКК-Дняпро» папоўніў склад удзельнікаў Другой лігі^[1], але чэмпіянат клуб пачаў ужо як «Рагачоў-МКК». У выніку клуб апынуўся ў сярэдзіне табліцы, заняўшы 15 месца з 24.

У пачатку 2015 года, дзякуючы намаганням камерцыйнага дырэктара клуба Андрэя Іваненкі, клуб зрабіў значныя крокі для папулярызацыі: быў запушчаны клубны сайт, пачалі праводзіцца забаўляльныя мерапрыемствы на стадыёне. Адной жа з самых громкіх акцый стала заяўка ў склад каманды вядомага беларускага спевака Дзмітрыя Калдуна^[2], які, аднак, так і не з’явіўся на полі. У чэмпіянаце ж справы клуба ішлі не лепшым чынам, ён хутка апынуўся ў канцы табліцы. У маі 2015 года Іваненка пакінуў сваю пасаду ў клубе^[3]. У выніку каманда скончыла сезон на 17-м месцы з 20.

У пачатку 2016 года каманда ўмацавалася шэрагам ігракоў «Жлобіна», які спыніў выступы ў Другой лізе, аднак пасля паспяховага старту (дзве перамогі ў першых двух турах) стала цярпець паражэнне за паражэннем. Так і не здолеўшы істотна палепшыць сітуацыю, «Рагачоў» завяршыў сезон на 11-м месцы з 13.

У пачатку 2017 года стала вядома, што з-за фінансавых праблем каманда можа не заявіцца ў Другую лігу. У красавіку афіцыйна стала вядома, што рагачоўскага клуба не будзе сярод удзельнікаў Другой лігі ў 2017 годзе^[4].

У канцы 2019 года каманда з Рагачова была названа сярод меркаваных удзельнікаў Другой лігі наступнага сезона. У красавіку 2020 года рагачоўскі «Дняпро» афіцыйна вярнуўся на рэспубліканскі ўзровень^[5]. Пачатак сезона 2020 для каманды атрымаўся няўдалым, аднак пасля ўзмацення складу летам пайшлі перамогі, у тым ліку рагачоўская каманда нанесла адзінае ў сезоне паражэнне лідару — магілёўскаму «Дняпру». Тым не меней, гэтага не хапіла для выхаду ў фінальны раўнд.

У пачатку 2021 года клуб канчаткова перайшоў у прыватнае валоданне Андрэя Іваненкі, ад спонсарства змяніў назву на «Макслайн». Яшчэ больш узмацніўшы склад, рагачоўскі клуб у сезоне 2021 упэўнена перамог у Гомельскім дывізіёне, а ў плэй-оф Другой лігі дайшоў да фіналу, дзе ў дадатковы час саступіў «Астраўцу» (1:3). Другое месца дазволіла камандзе выйсці ў Першую лігу.

У сезоне 2022 «Макслайн» значна ўзмацніўся, запрасіўшы сярод іншых былога футбаліста зборнай Беларусі Сяргея Балановіча. Галоўным трэнерам каманды стаў малады Піліп Палякоў, але ўжо ў маі ён пакінуў клуб, і яго месца заняў Леанід Лагун. Рагачоўскі клуб добра пачаў сезон, але пазней шэраг няўдач адкінуў каманду ў сярэдзіну табліцы. У ліпені Лагун быў звольнены, а галоўным трэнерам быў прызначаны Юрый Пунтус. Пад яго кіраўніцтвам «Макслайн» здолеў вярнуцца ў барацьбу за выхад у Вышэйшую лігу. Разграміўшы ў перадапошнім туры «Астравец» (5:0), рагачоўская каманда забяспечыла чацвёртае месца і стыкавыя матчы за месца ў Вышэйшай лізе супраць дзяржынскага «Арсенала», дзе перамагла (2:3, 3:1) і выйшла ў элітны дывізіён.

Аднак, 28 лістапада 2022 года на паседжанні Выканкама АБФФ клубу было адмоўлена ў допуску для праходжання ліцэнзавання на ўдзел у Вышэйшай лізе з-за таго, што клуб з’яўляецца членам федэрацыі меней за належныя два гады^[6]. 30 лістапада АБФФ выпусціла афіцыйную заяву наконт адмовы^[7]. 19 снежня 2022 года Арбітраж АБФФ адхіліў апеляцыю «Макслайна» на рашэнне выканкама, такім чынам яно стала канчатковым^[8].

У студзені 2023 года на паседжанні савета фундатараў і спонсараў клуба было вырашана, што «Макслайн» у сезоне 2023 прыме ўдзел у Першай лізе, пры гэтым перабазуецца ў іншы горад^[9]. 2 сакавіка 2023 года клуб афіцыйна абвясціў, што пераязджае ў Віцебск^[10].

Папярэднія назвы[правіць | правіць зыходнік]

1983: «Аўтамабіліст»
1984—1987: КБМ
1988—1997: «Дняпро»
1998—2000: «Рагачоў»
2001: «Рагачоў-ДЮСШ-1»
2002—2006: «Дняпро-ДЮСШ-1»
да 2012: РМКК
2013: «МКК-Дняпро»
2014: «Рагачоў-МКК»
2015—2016: «Рагачоў-МК»
2019—2020: «Дняпро»
з 2021: «Макслайн»

Цяперашні склад[правіць | правіць зыходнік]

Станам на сакавік 2023 года^[11].


№	Паз.	Імя	Нар.
12	Бр	Данііл Шапко (у арэндзе з «Дынама» Мінск)	2001
47	Бр	Раман Андрэенка	2003
50	Бр	Аляксандр Лукаш	1985
69	Бр	Уладзімір Бушма	1983
77	Бр	Максім Азарко	2002
	Бр	Вадзім Юхновіч	2003

4	Аб	Дзяніс Лукашоў	1998
55	Аб	Сяргей Мельнік	1995
88	Аб	Цімафей Лукашэвіч	1997
	Аб	Руслан Башыраў	2000
	Аб	Максім Шыла	1993

1	ПА	Раман Бурэц	1997
7	ПА	Ягор Карцоў (у арэндзе з «Ленінградца»)	2000
8	ПА	Ілья Трачынскі	1989
13	ПА	Мікалай Давыдзенка	2003
16	ПА	Яраслаў Шкурко (капітан)	1991


№	Паз.	Імя	Нар.
23	ПА	Сяргей Балановіч	1987
	ПА	Аляксандр Булычоў	1999
	ПА	Юрый Валовік	1993
	ПА	Дзмітрый Вашкель	1993
	ПА	Мікалай Іваноў	2000
	ПА	Аляксандр Конеў	2004
	ПА	Артур Кузьміч (у арэндзе з «Мінска»)	2003
	ПА	Арцём Міраеўскі	1999
	ПА	Кірыл Пармонаў	2004
	ПА	Міхаіл Сідорын	2003

9	Нап	Даніла Куцэнка	2005
11	Нап	Вадзім Пракапенка	2002
17	Нап	Максім Аліеў	2006
20	Нап	Павел Кляньё	1999
	Нап	Яўген Апанасовіч (у арэндзе са «Слуцка»)	2002
	Нап	Іван Грудзько	2004

Трэнерскі штаб[правіць | правіць зыходнік]

Глеб Кулебін (нар. 1992) — галоўны трэнер
Дзмітрый Клімовіч (нар. 1984) — трэнер
Юрый Мельнікаў (нар. 1977) — трэнер
Міхаіл Ярашэвіч (нар. 1979) — трэнер
Аляксандр Лукаш (нар. 1985) — трэнер брамнікаў

Статыстыка выступленняў[правіць | правіць зыходнік]

Чэмпіянат і Кубак Беларусі[правіць | правіць зыходнік]

Сезон	Ліга	М	Г	В	Н	П	Галы	Ачкі	Кубак	Заўвагі
1992	Трэцяя (Д3)	15	15	1	6	8	13–31	8	1/8 фіналу
1992-93	Трэцяя (Д3)	16	30	4	5	21	28–77	13
1993-94	Трэцяя (Д3)	10	34	13	6	15	45–65	32
1994-95	Трэцяя — Б (Д3)	5	22	9	6	7	39–33	24	1/32 фіналу
1995	Трэцяя — Б (Д3)	3	12	7	3	2	29–13	24
1996	Трэцяя — Б (Д3)	2	26	19	1	6	65–29	58		Стыкавыя матчы
1996	Стыкавыя матчы^[A]		2	1	0	1	2–1			Выхад у Другую лігу
1997	Другая (Д2)	13	30	6	8	16	30–63	26	1/16 фіналу
1998	Першая (Д2)	10	30	8	11	11	26–42	35	1/16 фіналу	Змена назваў ліг
1999	Першая (Д2)	10	30	9	11	10	49–44	38	1/16 фіналу
2000	Першая (Д2)	10	30	10	11	9	40–43	41	1/16 фіналу
2001	Першая (Д2)	15	28	3	8	17	27–67	17	1/32 фіналу	Вылет у Другую лігу
2002	Першая (Д2)	12	30	8	7	15	35–49	31		Захаванне месца^[B]
2003	Першая (Д2)	11	30	8	5	17	32–52	29	1/32 фіналу
2004	Першая (Д2)	14	30	9	3	18	27–54	30	1/16 фіналу
2005	Першая (Д2)	16	30	4	4	22	22–70	16	1/32 фіналу	Вылет у Другую лігу, спыненне існавання

2014	Другая — А (Д3)	8	22	7	6	9	40–41	27	1/64 фіналу
2014	Матчы за 15 месца^[C]	15	2	1	0	1	5–4		1/64 фіналу
2015	Другая — А (Д3)	9	18	1	4	13	12–36	7	1/64 фіналу
2015	Матчы за 17 месца^[D]	17	2	0	2	0	4–4		1/64 фіналу
2016	Другая (Д3)	11	24	7	4	13	26–49	25	1/32 фіналу

2019	Чэмпіянат Гомельскай вобласці (Д4)	4	12	4	3	5	32–41	15
2020	Другая — Група B (Д3)	6	20	9	3	8	46–45	30	1/64 фіналу
2020	Матчы за 11 месца	11	2	1	1	0	5–3		1/64 фіналу
2021	Другая — Гомельскі дывізіён (Д3)	1	14	12	1	1	62–11	37	1/32 фіналу
2021	Другая — плэй-оф (Д3)	2	7	4	1	2	18–10		1/32 фіналу	Выхад у Першую лігу
2022	Першая (Д2)	4	24	12	5	7	45–34	41	1/16 фіналу
2022	Пераходныя матчы^[E]		2	1	0	1	5–4		1/16 фіналу	Выхад у Вышэйшую лігу

↑ Стыкавыя матчы паміж другімі месцамі падгруп А і Б за права гуляць у Другой лізе.
↑ Захаванне месца дзякуючы адмове «Оршы» працягваць выступленні ў Першай лізе.
↑ Стыкавыя матчы супраць клуба «Маладзечна-2013», які заняў 8 месца ў групе Б (2:3, 3:1).
↑ Стыкавыя матчы супраць клуба «Крутагор’е» (Дзяржынск), які заняў 8 месца ў групе Б (1:1, 3:3 — перамога па большай колькасці выязных галоў).
↑ Пераходныя матчы за месца ў Вышэйшай лізе супраць дзяржынскага «Арсенала», 14-й каманды Вышэйшай лігі 2022 (2:3, 3:1).

Галоўныя трэнеры[правіць | правіць зыходнік]

Віктар Барухоў (1993—1995)
Уладзімір Сіманенка (да 2001)
Віталь Паўлаў (2002—2003)
Уладзімір Грышчанка (2004—2005)
Уладзімір Сіманенка (2014—2016)
Юрый Мельнікаў (2020 — снежань 2021)
Піліп Палякоў (снежань 2021 — май 2022)
Леанід Лагун (май — ліпень 2022)
Юрый Пунтус (ліпень — снежань 2022)
Глеб Кулебін (з сакавіка 2023)

Зноскі

↑ Бюро исполкома БФФ утвердило состав участников и календарь второй лиги
↑ 2-лига. Анонс сезона. Побьет ли Колдун рекорд Хоттабыча?. pressball.by
↑ Иваненко покинул пост коммерческого директора рогачевского «Днепра». by.tribuna.com
↑ Вторая лига Беларусь. Турнир пройдет с 22 апреля по 28 октября, участие примут 14 команд. by.tribuna.com
↑ Утвержден формат проведения чемпионата страны во второй лиге. football.by
↑ "Макслайн" не может играть в высшей лиге в сезоне-2023. Зачем было проводить "стыки"? (руск.). football.by (28 лістапада 2022). Праверана 27 лютага 2023.
↑ АБФФ о "Макслайне": "Данный клуб полностью не соответствует требованиям, предъявляемым к клубам высшей лиги" (руск.). football.by (30 лістапада 2022). Праверана 27 лютага 2023.
↑ "Макслайн" VS арбитраж — 0:1. Хроника борьбы Рогачева за элитную прописку (руск.). football.by (19 снежня 2022). Праверана 27 лютага 2023.
↑ "Макслайн" остается в первой лиге и переезжает в другой город (руск.). football.by (10 студзеня 2023). Праверана 27 лютага 2023.
↑ https://football.by/news/172461 (руск.). football.by (2 сакавіка 2023). Праверана 25 сакавіка 2023.
↑ От "Сморгони" и "Волны" до "Осиповичей" и "Молодечно". Заявки команд первой лиги

[12] Стыкавыя матчы паміж другімі месцамі падгруп А і Б за права гуляць у Другой лізе.

[13] Захаванне месца дзякуючы адмове «Оршы» працягваць выступленні ў Першай лізе.

[14] Стыкавыя матчы супраць клуба «Маладзечна-2013», які заняў 8 месца ў групе Б (2:3, 3:1).

[15] Стыкавыя матчы супраць клуба «Крутагор’е» (Дзяржынск), які заняў 8 месца ў групе Б (1:1, 3:3 — перамога па большай колькасці выязных галоў).

[16] Пераходныя матчы за месца ў Вышэйшай лізе супраць дзяржынскага «Арсенала», 14-й каманды Вышэйшай лігі 2022 (2:3, 3:1).

[1] Бюро исполкома БФФ утвердило состав участников и календарь второй лиги

[2] 2-лига. Анонс сезона. Побьет ли Колдун рекорд Хоттабыча?. pressball.by

[3] Иваненко покинул пост коммерческого директора рогачевского «Днепра». by.tribuna.com

[4] Вторая лига Беларусь. Турнир пройдет с 22 апреля по 28 октября, участие примут 14 команд. by.tribuna.com

[5] Утвержден формат проведения чемпионата страны во второй лиге. football.by

[6] "Макслайн" не может играть в высшей лиге в сезоне-2023. Зачем было проводить "стыки"? (руск.). football.by (28 лістапада 2022). Праверана 27 лютага 2023.

[7] АБФФ о "Макслайне": "Данный клуб полностью не соответствует требованиям, предъявляемым к клубам высшей лиги" (руск.). football.by (30 лістапада 2022). Праверана 27 лютага 2023.

[8] "Макслайн" VS арбитраж — 0:1. Хроника борьбы Рогачева за элитную прописку (руск.). football.by (19 снежня 2022). Праверана 27 лютага 2023.

[9] "Макслайн" остается в первой лиге и переезжает в другой город (руск.). football.by (10 студзеня 2023). Праверана 27 лютага 2023.

[10] ttps://football.by/news/172461 (руск.). football.by (2 сакавіка 2023). Праверана 25 сакавіка 2023.

[11] От "Сморгони" и "Волны" до "Осиповичей" и "Молодечно". Заявки команд первой лиги

[1]

[2]

[3]

[4]

[5]

[6]

[7]

[8]

[9]

[10]

[11]

[A]

[B]

[C]

[D]

[E]