Хросны бацька (фільм)

Хросны бацька
The Godfather
Жанр	драматычны фільм, крымінальны фільм[d], гангстарскі фільм[d], экранізацыя рамана[d], эпічны фільм[d], crime drama film[d], крымінальны трылер[d], трылер, гістарычны фільм і historical drama film[d]
Рэжысёр	Фрэнсіс Форд Копала
Прадзюсар	Альберт Рудзі[d]
Сцэнарыст	Марыа П'юза Фрэнсіс Форд Копала
У галоўных ролях	Марлан Бранда Аль Пачына Джэймс Каан Richard S. Castellano[d] Роберт Дзюваль Стэрлінг Хэйдэн John Cazale[d] Даян Кітан Талія Шайр Abe Vigoda[d] Al Lettieri[d] Gianni Russo[d] Corrado Gaipa[d] Al Martino[d] John Marley[d] Johnny Martino[d] Lenny Montana[d] Richard Conte[d] Alex Rocco[d] Julie Gregg[d] Simonetta Stefanelli[d] Saro Urzì[d] Angelo Infanti[d] Franco Citti[d] Joe Spinell[d] Morgana King[d] Richard Bright[d] Рудзі Бонд[d] Vito Scotti[d] Кармінэ Копала[d] Roman Coppola[d] Сафія Копала Ron Gilbert[d] Tony King[d] Raymond Martino[d] Nick Vallelonga[d] Tony Giorgio[d] Victor Rendina[d] Salvatore Corsitto[d]
Аператар	Гордан Уіліс[d]
Кампазітар	Ніна Рота
Кінакампанія	Paramount Pictures і Alfran Productions[d]
Працягласць	175 хв.
Бюджэт	6-7 млн $
Зборы	268,5 млн $
Краіна	ЗША
Мова	англійская і італьянская мова
Год	15 сакавіка 1972, 27 верасня 1972, 24 жніўня 1972 і 18 кастрычніка 1972
Папярэдні фільм
Наступны фільм	Хросны бацька 2
IMDb	ID 0068646
Афіцыйны сайт (англ.)
Медыяфайлы на Вікісховішчы

«Хросны бацька» (англ.: The Godfather) — гангстарская драма рэжысёра Фрэнсіса Форда Копалы. Экранізацыя аднайменнага рамана Марыа П’юза, выдадзенага ў 1969 годзе. Слоган: «Прапанова, ад якой немагчыма адмовіцца». Лічыцца найлепшым гангстарскім фільмам на думку Амерыканскага інстытута кінамастацтва і адным з найлепшых фільмаў у гісторыі кінематографа. Стабільна ўваходзіць у першую пяцёрку 250 найлепшых фільмаў па версіі аўтарытэтнага вэб-сайта IMDB.

Фільм атрымаў тры прэміі «Оскар»: найлепшы фільм, найлепшы адаптаваны сцэнарый, найлепшая мужчынская роля (Марлан Бранда) — і яшчэ 19 розных узнагарод і 17 намінацый. Таксама займае трэці радок у спісе найлепшых фільмаў за ўсю гісторыю амерыканскага кінематографа, «100 гадоў… 100 фільмаў (10-я юбілейная рэдакцыя)» (англ.: AFI’s 100 Years… 100 Movies (10th Anniversary Edition)), які штогод выдаецца Амерыканскім інстытутам кінамастацтва, саступаючы толькі кінастужцы «Грамадзянін Кейн».

Здымкі фільма праходзілі на працягу чатырох месяцаў у сярэдзіне 1971 года. Прэм’ера адбылася ў сакавіку 1972 года (11 ці 15 сакавіка). Пры невялікім бюджэце ў 6 мільёнаў долараў, фільм сабраў у пракаце 268,5 мільёнаў.

Сюжэт

У 1945 годзе ў Нью-Ёрку на вяселлі сваёй дачкі Коні (Талія Шайр) з Карла Рыцы (Джані Руса) Віта Карлеонэ (Марлан Бранда), дон сям’і злачынцаў Карлеонэ, выслухвае просьбы. Ягоны малодшы сын Майкл (Аль Пачына), які служыў у марской пяхоце падчас Другой сусветнай вайны, знаёміць сваю дзяўчыну Кей Адамс (Даян Кітан) з сям’ёй на прыёме. Джоні Фантэйн (Эл Мартына), папулярны спявак і хроснік Віта, звяртаецца па дапамогу да Віта ў забеспячэнні ролі ў кіно, і Віта адпраўляе свайго кансультанта Тома Хагена (Роберт Дзюваль) у Лос-Анджэлес, каб пераканаць кіраўніка студыі Джэка Вольца (Джон Марлі) даць Джоні ролю. Вольц адмаўляецца, пакуль не прачынаецца ў ложку з адсечанай галавой свайго дарагога жарабца.

Незадоўга да калядаў наркабарон Салоца (Альфрэда Лецьеры) пры падтрымцы злачыннай сям’і Таталья просіць Віта інвеставаць у ягоны наркатычны бізнес і абараняць ягонымі палітычнымі сувязямі. Баючыся ўдзельнічаць у новым небяспечным гандлі, які рызыкуе адчужыць сяброў-палітыкаў, Віта адмаўляецца. Падазроны Віта пасылае свайго чалавека Луку Бразі (Лені Мантана) сачыць за Салоца і сям’ёй Таталья. Аднак, падчас першай сустрэчы з Бруна Таталья (Тоні Джорджа) і Салоца Бразі быў задушаны гаротай. Пазней Салоца выкрадае Хагена, пасля чаго ў Віта страляюць на вуліцы. Старэйшы сын Віта, Соні (Джэймс Каан), прымае кіраванне справамі сям’і на сябе, а Салоца аказвае ціск на Хагена, каб пераканаў Соні прыняць здзелку Салоца, а затым адпускае яго. Сям’я атрымлівае рыбу, загорнутую ў бронекамізэльку Бразі, паказваючы, што Лука ўжо нябожчык. Віта выжыў, і ў шпіталі Майкл сарваў чарговы замах на бацьку. Да шпіталю прыбывае капітан паліцыі Макласкі (Стэрлінг Хэйдэн), які з’яўялецца чалавекам Салоца, і ён збівае Майкла, пашкодзіўшы яму сківіцу. Соні помсціць ударам па сыне Татальі. Карлеонэ рыхтуюць забойства Салоца і Макласкі, прыкрываючыся жаданнем урэгуляваць спрэчку. Майкл сустракае іх у рэстарацыі ў Бронксе, у якім, дастаючы пісталет, які папярэдні туды падкінуў Пітэр Клеменца (Рычард Кастэлана), ён забівае абодвух мужчынаў.

Не зважаючы на ціск з боку ўладаў, паміж пяццю італьянска-амерыканскімі крымінальнымі сем’ямі разгараецца вайна, і Віта баіцца за сваю сям’ю. Майкл знаходзіць прытулак на Сіцыліі, а ягонага старэйшага брата Фрэда (Джон Кезэйл) прытуляе Мо Грын (Алекс Рока) у Лас-Вегасе. Соні нападае на Карла на вуліцы за здзекі з Коні, сваёй сястры, і пагражае забіць яго, калі гэта паўторыцца. Калі гэта адбываецца, Соні імкнецца да іхнага дому, але трапляе ў пастку на касе ля шашы і жорстка забіваецца бандытамі з аўтаматамі. Знаходзячыся на Сіцыліі, Майкл сустракае дзяўчыну Апалонію (Сіманэта Стэфанэлі) і пабіраецца з ёй шлюбам, але прызначаная для яго машына з бомбай забірае ейнае жыццё. Спустошаны смерцю Соні і разумеючы, што Таталья кантралюецца дамінуючым донам Барзіні (Рычард Контэ), Віта спрабуе спыніць варожасць. Ён запэўнівае пяць сем’яў, што адмовіцца ад супрацьдзеяння іхнаму гераінаваму бізнесу і адмовіцца ад помсты за забойства Соні. Калі бяспека становіцца гарантаванай, Майкл вяртаецца дадому і ўваходзіць у сямейны бізнес. Таксама ён бярэ Кей за жонку, паабяцаўшы ёй, што бізнес стане законным на працягу наступных пяці гадоў.

Саўндтрэк

Асноўны артыкул: Хросны бацька (саўндтрэк)

Музычнае суправаджэнне да фільма «Хросны бацька» напісаў італьянскі кампазітар Ніна Рота.

Спасылкі

• «Хросны бацька» на сайце «Internet Movie Database» (англ.) (англ.) (Праверана 27 лістапада 2012)
• All Photos from The Godfather (англ.)(недаступная спасылка). Архівавана з першакрыніцы 19 снежня 2011. Праверана 28 мая 2011.
• Трылогія «Хросны бацька» (англ.)