Exile (песня Тэйлар Свіфт)

З Вікіпедыі, свабоднай энцыклапедыі
«Exile»
Вокладка сінгла «Exile» (P175, 2020)
Сінгл выканаўцы Тэйлар Свіфт
з альбома Folklore
Выпушчаны 3 жніўня 2020
Мова англійская
Фармат CD-сінгл, лічбавая дыстрыбуцыя
Жанр інды-фолк
Працягласць 4:45
Лэйбл Republic
Прадзюсар Ааран Дэснер
Аўтар песні Тэйлар Свіфт, Уільям Баўэры, Джасцін Вернан
Месцы ў чартах
Тэйлар Свіфт, храналогія сінглаў
«Cardigan»
(2020)		 «Exile»
(2020)		 «Betty »
(2020)

«Exile» (бел. «Выгнанне») — песня амерыканскай спявачкі Тэйлар Свіфт і амерыканскага гурта «Bon Iver»[1]. 3 жніўня 2020 года яна была адпраўленая на альтэрнатыўнае радыё ў якасці другога сінгла з восьмага студыйнага альбома артысткі «Folklore»[2]. Кампазіцыя была напісана самой Тэйлар у супрацоўніцтве з Уільямам Баўэрам і Джасцінам Вернанам. Прадзюсарам трэка выступіў Ааран Дэснер.

«Exile» — гэта кінематаграфічная інды-фолкавая балада з евангельскімі і аркестравымі элементамі, лірыка якой адлюстроўвае нявыказаны дыялог паміж двума адчужанымі палюбоўнікамі[3]. Меланхалічны дуэт далікатнага вакалу Свіфта і глыбокага барытона Джасціна Вернана лунае над цяжкім піяніна, вяртлявымі струнамі і трапяткімі гармоніямі[4].

Песня атрымала прызнанне крытыкаў і любоў фанатаў творчасці Свіфт. Сінгл дэбютаваў на шостым месцы ў амерыканскім хіт-парадзе Billboard Hot 100.

Інфармацыя[правіць | правіць зыходнік]

Тэкст «Exile» распавядае гісторыю няўдалага драматычнага кахання з пункту гледжання абодвух палюбоўнікаў. Каб разыграць такую лірычную канцэпцыю, Тэйлар запрасіла Джасціна Вернана, саліста «Bon Iver», паўдзельнічаць у запісе песні. Першапачатковы варыянт кампазіцыі быў напісаны Свіфт і Уільямам Баўэры, але Вернан унёс некаторыя змены, і менавіта гэтая версія стала канчатковай[5]. У якасці прадзюсара выступіў Ааран Дэснер.

Тэйлар Свіфт распявадае пра кампазіцыю:

" Гэта песня пра непаразуменне ў адносінах, якое, як я мяркую, стала прычынай, па якой яны скончыліся. Усе гэтыя рознагалоссі і прывялі да спынення гэтага любоўнага рамана, таму цяпер гэтыя два чалавекі бачаць адзін аднаго, але ўсё яшчэ не могуць адзін аднаго пачуць. Як быццам яны не здольныя патрапіць на адзін і той жа бок. У іх ніколі і не атрымлівалася. Нават пасля таго, як яны ў рэшце рэшт рассталіся, гэтыя двое ўсё яшчэ не чуюць адзін аднаго, і таму мы ўявілі, што пачаткам будзе мужчынская версія гісторыі, другі куплет жаночым бачаннем, а ў канцы ў іх будзе дыялог, у якім яны так і не пачуюць адзін аднаго. Нешта накшталт дыскусіі. Гэта, сапраўды, падобна на трагедыю двух людзей... двух караблёў, што праплываюць у ночы. "

Рэліз песні апынуўся сюрпрызам. 23 ліпеня 2020 года Свіфт абвясціла ў сацыяльных сетках, што заўтра выпускае свой восьмы студыйны альбом «Folklore», і ў яго трэклісце значылася «Exile». Такім чынам, прэм'ера песні адбылася 24 ліпеня 2020 года разам з рэлізам лірык-відэа. 3 жніўня 2020 года трэк адправілі на альтэрнатыўнае радыё ў якасці другога сінгла з «Folklore»[6].

«Exile» — гэта інды-фолк балада з евангельскімі элементамі і аркестравым поп-уплывам. Джасцін Вернан выкарыстоўвае спецыфічны рык у якасці спосаба вакальнага выканання і аплаквае страчанае каханне, у той час як Свіфт спявае далікатна і мякка. Песня напісана ў танальнасці фа-мажор і мае павольны тэмп роўны 76 ударам у хвіліну. Вакальны дыяпазон дуэта ў песні распасціраецца ад C♭3 да E♭5 і лунае над цяжкім піяніна, вяртлявымі струнамі і трапяткімі гармоніямі.

Крытычныя водгукі[правіць | правіць зыходнік]

Кампазіцыя, у цэлым, была ўхвальна сустрэтая музычнымі экспертамі і аглядальнікамі. Часопіс «Under the Radar» назваў яе адной з лепшых песень «Folklore» і заўважыў, што галасы Свіфт і Вернана добра спалучаюцца адзін з адным[7]. Выданне «Consequence of Sound» выбрала «Exile» песняй тыдня і назвала дуэт «маленькім цудам 2020 года»[8]. «Vulture» заявілі, што «Exile» — гэта галоўны вынік усяго альбома[9].

Камерцыйны поспех[правіць | правіць зыходнік]

Сінгл дэбютаваў на шостым месцы ў амерыканскім хіт-парадзе Billboard Hot 100 і ў чарце Канады, на трэцім — у хіт-парадах Аўстраліі і Ірландыі, на пятым — у Новай Зеландыі, на восьмым — у Вялікабрытаніі.

Удзельнікі запісу[правіць | правіць зыходнік]

  • Тэйлар Свіфт — вакал, аўтар;
  • Джасцін Вернан — вакал, аўтар, гуказапіс;
  • Уільямам Баўэрам — аўтар;
  • Ааран Дэснер — прадзюсар, гуказапіс;
  • Роб Муз — альт, скрыпка;
  • Лаура Сіск — гуказапіс;
  • Джонатан Лоў — гуказапіс, міксаванне;
  • Рэндзі Мерыл — звядзенне.

Чарты[правіць | правіць зыходнік]

Штотыднёвыя чарты[правіць | правіць зыходнік]

Чарт (2020) Вышэйшая

пазіцыя

Сцяг Аўстраліі ARIA 3
Сцяг Аўстрыі Ö3 Austria Top 75 56
Сцяг Бельгіі Ultratip Flanders 46
Сцяг Бельгіі Ultratip Wallonia 21
Сцяг Канады Canadian Hot 100 6
Сцяг Чэхіі Singles Digitál Top 100 68
Сцяг Даніі Tracklisten 32
Сцяг Малайзіі RIM 3
Сцяг Ірландыі IRMA 3
Сцяг Нідэрландаў Single Top 100 84
Сцяг Новай Зеландыі RIANZ 5
Сцяг Сінгапура RIAS 3
Сцяг Шатландыі Official Charts Company 17
Сцяг Швецыі Sverigetopplistan 38
Сцяг Швейцарыі Schweizer Hitparade 48
Сцяг Вялікабрытаніі UK Singles Chart 8
Сцяг ЗША Billboard Hot 100 6
Сцяг ЗША Billboard Hot Rock Songs 2
Сцяг ЗША Rolling Stone Top 100 3

Зноскі

  1. ↑ Reilly, Nick (2020-07-23). "Taylor Swift to release surprise eighth album 'Folklore' tonight". NME. Праверана 2020-07-23.
  2. ↑ Triple A Future Releases. All Access. Архівавана з першакрыніцы 29 ліпеня 2020. Праверана 27 ліпеня 2020.
  3. ↑ Roberts, Christopher. 9 Best Songs of the Week: Madeline Kenney, METZ, Bartees Strange, Taylor Swift, and More. Under the Radar (24 ліпеня 2020). Праверана 25 ліпеня 2020.
  4. ↑ Nilles, Billy. The MixtapE! Presents Taylor Swift, Brandy and More New Music Musts. E! Online (25 ліпеня 2020). Праверана 25 ліпеня 2020.
  5. ↑ Folklore by Taylor Swift. Tidal. Праверана 24 ліпеня 2020.
  6. ↑ Triple A Future Releases. All Access. Архівавана з першакрыніцы 29 ліпеня 2020. Праверана 27 ліпеня 2020.
  7. ↑ Roberts, Christopher. 9 Best Songs of the Week: Madeline Kenney, METZ, Bartees Strange, Taylor Swift, and More. Under the Radar (24 ліпеня 2020). Праверана 25 ліпеня 2020.
  8. ↑ Song of the Week: Taylor Swift's "exile" Reminds Us That We're Not Alone (англ.). Consequence of Sound (25 ліпеня 2020). Архівавана з першакрыніцы 26 ліпеня 2020. Праверана 26 ліпеня 2020.
  9. ↑ Curto, Justin. Taylor Swift and Bon Iver Find Perfect Harmony on 'exile'. Vulture (24 ліпеня 2020). Архівавана з першакрыніцы 25 ліпеня 2020. Праверана 25 ліпеня 2020.
Узята з "https://be.wikipedia.org/w/index.php?title=Exile_(песня_Тэйлар_Свіфт)&oldid=3707037"