Высокая брама (Гданьск)
Брама | |
Высокая брама | |
---|---|
польск.: Brama Wyżynna | |
![]() | |
54°21′00″ пн. ш. 18°38′47″ у. д.HGЯO | |
Краіна | Польшча |
Горад | Гданьск, вул. Ягелонскія валы, 2 |
Тып будынка | абарончы |
Архітэктурны стыль | рэнесанс |
Дата заснавання | 1574 |
Будаўніцтва | 1574—1575 гады |
![]() |
Высокая брама (польск.: Brama Wyżynna) — рэнесансная гарадская брама ў Гданьску, у цяперашні час на адной з галоўных транспартных магістралей цэнтра горада (вуліцы Акопавая і Ягелонскія валы). Да 1895 года знаходзілася ў межах гарадскіх умацаванняў XVI стагоддзя, паміж бастыёнам Святой Эльжбеты і Карскім бастыёнам і была галоўнай уязной брамай у горад, адкрываючы так званы Каралеўскі шлях.
Гісторыя
[правіць | правіць зыходнік]Праект будаўніцтва быў зацверджаны гарадскім саветам у 1586 годзе. Завершаная ў 1588 годзе, брама заставалася нязменнай на працягу 290 гадоў. У 1861 годзе на фасадзе былі праведзены рэстаўрацыйныя работы (пра гэта сведчыць дата, пастаўленая ў некалькіх месцах). У 1878 годзе было вырашана павялічыць прапускную здольнасць - унутраная брама была знесена, а па баках ад брамы былі прабітыя дадатковыя праходы ў насыпу. Больш за тое, пад'ёмны мост праз роў быў заменены пастаяннай дамбай. У 1884 годзе ўсю браму аздобілі рустыкай (якая раней існавала толькі на заходнім фасадзе), а да ўсходняга фасада быў дададзены фрыз з гербам. У 1895 годзе поўнасцю ліквідавалі валы і засыпалі роў. Брама ператварылася ў асобна стаячы будынак у 1903 годзе, таму праезды праз яе былі зачынены. Пасля дэмілітарызацыі Гданьска ў 1920 годзе памяшканні варты перайшлі да турфірмы «Norddeutscher Lloyd». У 1945 годзе пацярпелі ў асноўным скульптурныя ўпрыгажэнні брамы. Рамонт і тэхнічнае абслугоўванне праводзіліся ў 1946, 1949-1950 і 1964-1965 гадах. Толькі ў 1966 годзе зніклая фігура льва ў аздабленні была рэканструявана. Памяшканнямі карысталася польскае турыстычнае агенцтва «Orbis». У 1952 годзе праход быў зноў адкрыты, пакінуўшы закрытыя бакавыя праходы, у якіх, сярод іншых, размяшчаліся пункты турыстычнай інфармацыі. У 2002 годзе браму пераняў Гістарычны музей горада Гданьска, а 22 мая 2012 года тут быў адкрыты Паморскі турыстычны інфармацыйны цэнтр.