Касцёл Святых Пятра і Паўла (Гданьск)

Касцёл
Касцёл Святых Пятра і Паўла
польск.: Kościół św. Piotra i Pawła
54°20′43″ пн. ш. 18°39′02″ у. д.
Краіна	Польшча
Месцазнаходжанне	Гданьск
Канфесія	каталіцызм
Епархія	Гданьская архідыяцэзія
Благачынне	Парафія Святых Апосталаў Пятра і Паўла ў Гданьску[d]
Тып будынка	базіліка
Архітэктурны стыль	готыка
Дата заснавання	1397
Статус	Фарны касцёл
Матэрыял	цэгла
Сайт	piotripawel.diecezja.gda.pl
Медыяфайлы на Вікісховішчы

Касцёл Святых Пятра і Паўла (польск.: Kościół św. Piotra i Pawła) — старажытны касцёл у Гданьску.

Гэта гістарычны фарны касцёл Старога прадмесця. Адносіцца да найбуйнейшых гатычных храмаў Гданьска. У 1590-1945 гадах гэта была галоўная царква гданьскіх пратэстантаў. Набажэнствы тут адбываліся на польскай, англійскай, французскай і нямецкай мовах. У 1958 годзе па рашэнні ўладаў Польскай Народнай Рэспублікі касцёл перададзены рыма-каталікам.

З-за пажараў і бамбардзіровак, прыстасавання касцёла пад гаспадарчыя мэты значная частка абсталявання не захавалася да сучаснасці.

Тое, што касцёл больш за 300 гадоў быў кальвінісцкім храмам, адлюстравана ў адзінай арыгінальнай частцы інтэр'еру - капліцы Упхагена 1774 года з захаванай эпітафіяй у старажытным выглядзе і драўляным корпусам у стылі ракако. Захаваліся сярэднявечныя каменныя купелі, камін у стылі ракако і надмагілле Пятра Упхагена 1774 года. Каштоўнай з'яўляецца і захаваная ад знішчэння калекцыя люстраў XVII стагоддзя.

Пасля 1958 года было дазволена аднавіць касцёл у выглядзе, які не адлюстроўвае пратэстанцкую гісторыю касцёла, у тым ліку з пункту гледжання планіроўкі храма. У прэзбітэрыі знаходзіцца галоўны алтар у стылі барока, не арыгінальны для інтэр’еру касцёла. У паўночным прыдзеле знаходзіцца рэнесансная спаведальня XVII стагоддзя. На каля 60 надмагільных помніках вядуцца кансервацыйныя работы. Унутры касцёла сабраны элементы барочнай разьбы па дрэве. У паўднёвым прыдзеле плануецца ўзнавіць музычную галерэю з выкарыстаннем часткі аўтэнтычнай драўніны. У канцы паўночнага прыдзелу захавалася гатычная купель XV стагоддзя.

Спасылкі

• На Вікісховішчы ёсць медыяфайлы па тэме Касцёл Святых Пятра і Паўла (Гданьск)