Максім Аляксандравіч Яблонскі
 Максім Яблонскі | ||||||||||
|---|---|---|---|---|---|---|---|---|---|---|
| Поўнае імя | Максім Аляксандравіч Яблонскі | |||||||||
| Нарадзіўся |
15 жніўня 1996[1] (28 гадоў) |
|||||||||
| Грамадзянства |
 Беларусь |
|||||||||
| Рост | 172 см | |||||||||
| Вага | 72 кг[2] | |||||||||
| Пазіцыя | абаронца, паўабаронца | |||||||||
| Інфармацыя пра клуб | ||||||||||
| Клуб |
 Нёман |
|||||||||
| Нумар | 78 | |||||||||
| Клубная кар’ера[* 1] | ||||||||||
|
||||||||||
| Нацыянальная зборная[* 2] | ||||||||||
|
||||||||||
Максім Яблонскі (нар. 15 жніўня 1996, Смаргонь) — беларускі футбаліст, паўабаронца клуба «Смаргонь» (у арэндзе з гродзенскага «Нёмана»).
Клубная кар’ера
[правіць | правіць зыходнік]Выхаванец ДЮСШ горада Смаргонь, дарослую кар’еру пачаў у 2013 годзе ў клубе Першай лігі «Смаргонь», дзе неўзабаве стаў іграком асновы. Па выніках сезона 2015 быў прызнаны найлепшым маладым іграком каманды, а ў 2016 годзе — найлепшым іграком клуба.
З пачатку 2017 года праходзіў прагляд у гродзенскім «Нёмане» і ў сакавіку падпісаў кантракт з гэтым клубам[3]. У першай палове сезона 2017 выступаў за дубль гродзенцаў. У асноўнай камандзе дэбютаваў 5 ліпеня 2017 года ў матчы 1/16 фінала Кубка Беларусі супраць гомельскай СДЮШАР-8 (7:0), адзначыўся голам і галявой перадачай. У Вышэйшай лізе першы матч згуляў 12 жніўня 2017 года, выйшаўшы на замену ў другім тайме матча супраць «Слуцка» (2:1). У кастрычніку замацаваўся ў стартавым складзе «Нёмана».
Па заканчэнні сезона ў лістападзе 2017 года падоўжыў кантракт з гродзенцамі на адзін год[4]. У сезоне 2018 замацаваўся ў стартавым складзе каманды, у лістападзе не гуляў з-за траўмы. У студзені 2019 года падпісаў новы двухгадовы кантракт з «Нёманам»[5].
Сезон 2019 пачынаў у стартавым складзе каманды, але пазней шмат прапусціў з-за траўм. У 2020 годзе пераважна выхадзіў на замену, а ў сезоне 2021 стаў часцей з’яўляцца ў аснове. У лютым 2022 года падоўжыў кантракт з «Нёманам»[6]. Значную частку сезона 2023 прапусціў з-за траўмы. У студзені 2024 года зноў падоўжыў пагадненне з гродзенцамі[7].
У сакавіку 2024 года быў аддадзены ў арэнду ў «Смаргонь»[8]. У чэрвені 2024 года быў адкліканы з арэнды і вярнуўся ў «Нёман»[9].
Міжнародная кар’ера
[правіць | правіць зыходнік]1 чэрвеня 2016 года дэбютаваў у моладзевай зборнай Беларусі, адгуляўшы ўсе 90 хвілін у таварыскім матчы з Македоніяй (1:1).
Дасягненні
[правіць | правіць зыходнік]- Срэбраны прызёр чэмпіянату Беларусі: 2023
Статыстыка выступленняў
[правіць | правіць зыходнік]| Сезон | Дывізіён | Клуб | Матчы | Галы |
|---|---|---|---|---|
| 2013 | Д2 | Смаргонь | 12 | 0 |
| 2014 | Д2 | Смаргонь | 15 | 0 |
| 2015 | Д2 | Смаргонь | 27 | 1 |
| 2016 | Д2 | Смаргонь | 21 | 3 |
| 2017 | Д1 | Нёман | 8 | 1 |
| 2018 | Д1 | Нёман | 20 | 2 |
| 2019 | Д1 | Нёман | 16 | 3 |
| 2020 | Д1 | Нёман | 18 | 2 |
| 2021 | Д1 | Нёман | 24 | 1 |
| 2022 | Д1 | Нёман | 24 | 1 |
| 2023 | Д1 | Нёман | 11 | 0 |
| 2024 (1) | Д1 | Смаргонь | 9 | 0 |
Крыніцы
[правіць | правіць зыходнік]- ↑ Maksim Yablonski // Transfermarkt — 2000. Праверана 9 кастрычніка 2017.
- ↑ а б https://www.fcneman.by/by/komanda/main/415.html
- ↑ Максим Яблонский стал игроком "Немана" (руск.). football.by (2 сакавіка 2017). Праверана 30 студзеня 2024.
- ↑ "Неман" на год продлил контракт с Яблонским (руск.). football.by (29 лістапада 2017). Праверана 30 студзеня 2024.
- ↑ "Неман" подписал новый 2-летний контракт с Максимом Яблонским (руск.). football.by (25 студзеня 2019). Праверана 30 студзеня 2024.
- ↑ Максим Яблонский продлил соглашение с "Неманом" (руск.). football.by (19 лютага 2022). Праверана 30 студзеня 2024.
- ↑ Максим Яблонский остается в "Немане" (руск.). football.by (12 студзеня 2024). Праверана 30 студзеня 2024.
- ↑ Полузащитник "Немана" ушел в аренду в "Сморгонь" (руск.). football.by (27 сакавіка 2024). Праверана 28 сакавіка 2024.
- ↑ "Неман" решил отозвать из аренды Максима Яблонского (руск.). football.by (26 чэрвеня 2024). Праверана 5 жніўня 2024.
Спасылкі
[правіць | правіць зыходнік] Тэматычныя сайты |
|---|
 | |
|---|---|
| |