Перайсці да зместу

Ігар Мікалаевіч Кавалевіч

З Вікіпедыі, свабоднай энцыклапедыі
У Вікіпедыі ёсць артыкулы пра іншых людзей з прозвішчам Кавалевіч.
Футбол
Ігар Кавалевіч
Агульная інфармацыя
Поўнае імя Ігар Мікалаевіч Кавалевіч
Нарадзіўся 3 лютага 1968(1968-02-03)[1] (56 гадоў)
Грамадзянства  Беларусь
Рост 180 см
Вага 75 кг
Пазіцыя абаронца
Інфармацыя пра клуб
Клуб Беларусь Нёман
Пасада галоўны трэнер
Клубная кар’ера[* 1]
1988—1989 Саюз Савецкіх Сацыялістычных Рэспублік СКІФ (Мінск)
1990 Саюз Савецкіх Сацыялістычных Рэспублік Металург (Маладзечна)
1991 Саюз Савецкіх Сацыялістычных Рэспублік Прамень (Уладзівасток) 4 (0)
1992—1993 Беларусь Дынама (Брэст) 39 (2)
1993 Беларусь Дняпро (Магілёў) 3 (0)
1994—1995 Расія Дынама-Газавік (Цюмень) 25 (0)
1996 Расія Іртыш (Табольск) 25 (3)
1997—1999 Беларусь Белшына (Бабруйск) 68 (6)
2000 Беларусь Гомель 20 (1)
2001—2003 Беларусь Нёман (Гродна) 67 (3)
2004 Беларусь Славія (Мазыр) 14 (0)
2004 Азербайджан Хазар-Ленкарань 15 (0)
2005 Беларусь Славія (Мазыр) 14 (0)
Трэнерская кар’ера
2005—2007 Беларусь Нафтан (Наваполацк) дубль
2007—2012 Беларусь Нафтан (Наваполацк)
2009—2011 Беларусь Беларусь (да 21) трэнер
2011—2012 Беларусь Беларусь (алімпійская) трэнер
2013—2016 Беларусь Беларусь (да 21)
2016— Беларусь Нёман (Гродна)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.

Ігар Кавалевіч (нар. 3 лютага 1968, Іванава, Брэсцкая вобласць) — беларускі футбаліст (абаронца) і трэнер. У цяперашні час з’яўляецца галоўным трэнерам гродзенскага «Нёмана».

Клубная кар’ера

[правіць | правіць зыходнік]

Выхаванец брэсцкага футбола, гуляў у розных беларускіх клубах і ў Расіі, у 2004 годзе правёў палову сезона ў Азербайджане. Найлепшыя сезоны правёў у складзе «Белшыны», дзе стаў двойчы пераможцам Кубка Беларусі і срэбраным прызёрам чэмпіянату. У 2005 годзе завыршыў кар’еру ў складзе мазырскай «Славіі».

Трэнерская кар’ера

[правіць | правіць зыходнік]

У верасні 2005 года прыйшоў у «Нафтан», дзе спачатку ўзначаліў дубль, у красавіку 2007 года стаў выканаўцам абавязкаў галоўнага трэнера, а ў ліпені 2007 года — галоўным трэнерам наваполацкага клуба. Пры Кавалевічу «Нафтан» на працягу 2007—2011 гадоў не апускаўся ніжэй за сёмае месца ў табліцы, а ў 2009 годзе дасягнуў свайго найвышэйшага за гісторыю чацвёртага месца. У тым жа 2009 годзе «Нафтан» выйграў Кубак Беларусі.

У 2012 годзе Кавалевіч паўторна прывёў навапалачан да перамогі ў Кубку, пры гэтым сам трэнер у фінальным матчы быў выдалены на трыбуну[2]. У жніўні 2012 года, пасля шэрагу паражэнняў, Кавалевіч падаў заяву аб адстаўцы[3], але яна была адхілена кіраўніцтвам клуба[4]. У снежні 2012 года, аднак, пакінуў клуб[5].

У 2009 годзе стаў дадаткова трэнерам моладзевай зборнай Беларусі ў якасці асістэнта Георгія Кандрацьева. Потым разам з Кандрацьевым працягваў працу ў алімпійскай зборнай да 2012 года.

У верасні 2013 года быў прызначаны выканаўцам абавязкаў галоўнага трэнера моладзевай зборнай Беларусі пасля адстаўкі Аляксея Вяргеенкі[6]. У кастрычніку 2013 года на пасяджэнні БФФ быў зацвержаны галоўным трэнерам моладзевай зборнай[7].

У красавіку 2016 года, пасля адстаўкі Сяргея Саладоўнікава з пасады галоўнага трэнера гродзенскага «Нёмана», Ігар Кавалевіч стаў адным з асноўных кандыдатаў на вакантнае месца. У чэрвені 2016 года быў зацверджаны галоўным трэнерам «Нёмана», пры гэтым застаўся на працы ў моладзевай зборнай[8]. Пакінуў зборную ў лістападзе 2016 года па заканчэнні кантракта, які ў выніку не быў падоўжаны; у той жа час падпісаў новае пагадненне з гродзенцамі[9]. Па выніках сезона 2017 «Нёман» заняў шостае месца ў чэмпіянаце Беларусі. У кастрычніку 2017 года кантракт Кавалевіча з гродзенскім клубам быў падоўжаны яшчэ на год[10]. У сезонах 2018—2019 «Нёман» заставаўся ў сярэдзіне турнірнай табліцы. У снежні 2019 года падоўжыў кантракт з гродзенскім клубам на наступны сезон[11]. У 2020 годзе «Нёман» пасля няўдалага старту выдаў выдатную серыю і выйшаў у лідары чэмпіянату, доўгі час прэтэндаваў на медалі, але скончыў сезон пятым. Сезон 2021 «Нёман» правёў дрэнна, доўгі час знаходзіўся ўнізе табліцы, пазней здолеў узняцца і фінішаваў адзінаццатым.

У снежні 2021 года пагадненне Кавалевіча з гродзенскім клубам было падоўжана яшчэ на сезон[12]. У снежні 2022 года ў сёмы раз падоўжыў кантракт з «Нёманам»[13]. У сезоне 2023 «Нёман» правёў уверсе табліцы і доўгі час вёў змаганне за першы радок, аднак фінішаваў другім, такім чынам Кавалевіч здабыў свае першыя медалі чэмпіянату Беларусі ў якасці трэнера. Па выніках сезона быў прызнаны найлепшым трэнерам чэмпіянату Беларусі[14] і найлепшым трэнерам Беларусі[15].

У лістападзе 2023 года падоўжыў пагадненне з «Нёманам» да канца 2024 года[16].

Неаднаразова адзначаўся рэзкімі выказваннямі на прэс-канферэнцыях, за што атрымоўваў штрафы і дыскваліфікацыі[17][18][19].

Дасягненні

[правіць | правіць зыходнік]

Як футбаліст

[правіць | правіць зыходнік]

Як трэнер

[правіць | правіць зыходнік]

Палітычныя погляды

[правіць | правіць зыходнік]

Падпісаў адкрыты ліст спартыўных дзеячаў краіны, якія выступаюць за дзеючую ўладу Беларусі пасля жорсткіх падаўленняў народных пратэстаў у 2020 годзе[20][21].

Крыніцы

[правіць | правіць зыходнік]
  1. ↑ Igor Kovalevich // Transfermarkt — 2000. Праверана 9 кастрычніка 2017.
  2. ↑ Ковалевич был удален на трибуну в финале Кубка Беларуси (руск.)(недаступная спасылка). goals.by.
  3. ↑ Игорь Ковалевич: " В моей ситуации я просто обязан написать заявление об уходе. Спасибо всем" (руск.). football.by (26 жніўня 2012). Праверана 11 снежня 2023.
  4. ↑ Игорь Ковалевич остался главным тренером "Нафтана" (руск.). football.by (28 жніўня 2012). Праверана 11 снежня 2023.
  5. ↑ Футбол. Игорь Ковалевич не будет тренировать "Нафтан" в следующем сезоне (руск.)(недаступная спасылка). pressball.by (7 снежня 2012). Архівавана з першакрыніцы 4 сакавіка 2016.
  6. ↑ U-21. Исполняющим обязанности главного тренера сборной назначен Игорь Ковалевич (руск.). football.by (13 верасня 2013). Праверана 11 снежня 2023.
  7. ↑ Игорь Ковалевич утвержден в качестве главного тренера молодежной сборной Беларуси (руск.). football.by (31 кастрычніка 2013). Праверана 11 снежня 2023.
  8. ↑ Игорь Ковалевич возглавил гродненский "Неман" (руск.). football.by (16 чэрвеня 2016). Праверана 11 снежня 2023.
  9. ↑ Футбол. "Неман" продлил контракт с Игорем Ковалевичем (руск.)(недаступная спасылка). pressball.by (30 лістапада 2016). Архівавана з першакрыніцы 3 снежня 2016.
  10. ↑ "Неман" на год продлил контракт с Игорем Ковалевичем (руск.). football.by (31 кастрычніка 2017). Праверана 11 снежня 2023.
  11. ↑ "Неман" продлил соглашение с Ковалевичем (руск.). football.by (8 снежня 2019). Праверана 11 снежня 2023.
  12. ↑ "Неман" пролонгировал соглашение с Игорем Ковалевичем (руск.). football.by (27 снежня 2021). Праверана 11 снежня 2023.
  13. ↑ Футбол. Игорь Ковалевич в седьмой раз продлил контракт с "Неманом" (руск.)(недаступная спасылка). pressball.by (28 снежня 2022). Архівавана з першакрыніцы 30 снежня 2022. Праверана 30 снежня 2022.
  14. ↑ Игнатович стал лучшим вратарем высшей лиги-2023, Карпович - лучшим защитником, Ковалевич - лучшим тренером (руск.). football.by (12 снежня 2023). Праверана 14 лютага 2024.
  15. ↑ Игорь Ковалевич назван лучшим тренером Беларуси - 2023 (руск.). football.by (12 снежня 2023). Праверана 14 лютага 2024.
  16. ↑ "Неман" продлил контракт с Игорем Ковалевичем (руск.). football.by (17 лістапада 2023). Праверана 11 снежня 2023.
  17. ↑ Игорь Ковалевич дисквалифицирован и оштрафован (руск.). football.by (12 кастрычніка 2011). Праверана 11 снежня 2023.
  18. ↑ Игорь Ковалевич дисквалифицирован на 3 матча и оштрафован (руск.). football.by (8 верасня 2020). Праверана 11 снежня 2023.
  19. ↑ КДК АБФФ оштрафовал Ковалевича и дисквалифицировал на пять матчей (руск.). football.by (19 лістапада 2022). Праверана 11 снежня 2023.
  20. ↑ Стало известно, кто подписал открытое письмо спортсменов, выступающих за власть (руск.)(недаступная спасылка) (24 лістапада 2020). Архівавана з першакрыніцы 24 лістапада 2020. Праверана 24 лістапада 2020.
  21. ↑ Подписи. Праверана 8 снежня 2020.
Узята з "https://be.wikipedia.org/w/index.php?title=Ігар_Мікалаевіч_Кавалевіч&oldid=4756614"