Пётр Міхайлавіч Руднік

Пётр Міхайлавіч Руднік
Старшыня Магілёўскага аблвыканкама 29 снежня 2008 — 22 снежня 2014
Прэзідэнт	Аляксандр Лукашэнка
Кіраўнік урада	Сяргей Сідорскі, Міхаіл Мясніковіч
Папярэднік	Барыс Батура
Пераемнік	Уладзімір Даманеўскі
Нараджэнне	14 красавіка 1957(1957-04-14) (67 гадоў) Аляксееўка, Малажынскі сельсавет, Брагінскі раён, Гомельская вобласць, БССР, СССР
Адукацыя	Мінскі радыётэхнікум Дрэздэнскі тэхнічны ўніверсітэт Акадэмія кіравання пры Прэзідэнце Рэспублікі Беларусь
Узнагароды	ганаровая грамата Нацыянальнага сходу Рэспублікі Беларусь

Пётр Міха́йлавіч Ру́днік (нар. 14 красавіка 1957, в. Аляксееўка, Брагінскі раён, Гомельская вобласць) — беларускі дзяржаўны дзеяч, член Савета Рэспублікі IV склікання, старшыня Магілёўскага аблвыканкама (з 29 снежня 2008 па 22 снежня 2014).

Біяграфія

Скончыў Мінскі радыётэхнікум, у 1985 г. скончыў Дрэздэнскі тэхнічны ўніверсітэт, у 2007 г. – Акадэмію кіравання пры Прэзідэнце Рэспублікі Беларусь.

Працаваў тэхнікам канструктарскага бюро дакладнага электроннага машынабудавання, на інжынерных пасадах у канструктарскім бюро тэхналагічнага абсталявання ў Магілёве. Працаваў вядучым інжынерам па замежнагандлёвых адносінах, намеснікам дырэктара па побыце, рэжыму і сацыяльнаму развіццю Магілёўскага ліфтабудаўнічага завода, намеснікам дырэктара, затым дырэктарам рэспубліканскага ўнітарнага прадпрыемства «Магілёўскі завод ліфтавага машынабудавання».

У 2008 годзе абраны ў Савет Рэспублікі ад Магілёўскай вобласці. З 29 снежня 2008 па 22 снежня 2014 — старшыня Магілёўскага аблвыканкама.

З 2014 года ўзначальвае ААТ «Магілёўхімвалакно».

Спасылкі

• Біяграфія на сайце Савета Рэспублікі Архівавана 26 верасня 2020. (руск.)