ФК Саўтгемптан

Саўтгемптан
Поўная назва	Southampton Football Club
Мянушкі	Святыя
Заснаваны	21 лістапада 1885
Горад	Саўтгемптан, Англія
Стадыён	Сейнт-Мары Стэдыум Умяшчальнасць: 32 690
Галоўны трэнер	Расел Марцін[d]
Чэмпіянат	Чэмпіёншып
2022/23	▼ 20 месца ў Прэм’ер-лізе
Сайт	southamptonfc.com
Асноўная форма Гасцявая форма Рэзервовая форма

«Саўтгемптан» (англ.: Southampton F.C.) — англійскі футбольны клуб, які размяшчаецца ў горадзе Саўтгемптан, графства Хэмпшыр. На «Сейнт-Мары Стэдыум» клуб пераехаў у 2001 годзе. Клуб мае мянушку «святыя», якая паўстала яшчэ ў часы заснавання клуба ў 1885 годзе ў сувязі з яго гісторыяй, гэта значыць каманда была арганізавана царкоўнымі актывістамі і з тых часоў гуляе традыцыйна ў чырвона-белай форме. Клуб мае сталае суперніцтва з «Портсмутам» з-за блізкасці паміж гарадамі. Матчы паміж гэтымі двума супернікамі вядомыя як Дэрбі паўднёвага берага.

Клуб упершыню атрымаў значны трафей у 1976 годзе, перамогшы ў розыгрышы Кубка Англіі, да гэтага клуб атрымліваў перамогі толькі ў рэгіянальных кубках і чэмпіянатах. Самым значным поспехам у чэмпіянаце Англіі з’яўляецца другое месца ў сезоне 1983/84. «Саўтгемптан» гуляў у Прэм’ер-лізе да сезону 2004/05 (27 сезонаў запар у найвышэйшым дывізіёне), пасля чаго вылецеў у ніжэйшыя лігі. У 2012—2023 гадах «святыя» зноў выступалі ў Прэм’ер-лізе.

Гісторыя

Раннія гады

Клуб быў заснаваны ў 1885 годзе членамі Моладзевай асацыяцыі царквы Святой Дзевы Марыі (англ.: St Mary’s Church of England Young Men’s Association). Цяперашнюю назву «Саўтгемптан» атрымаў у 1897 годзе. Выступаючы пад назвай «Саўтгемптан Святой Марыі» (англ.: Southampton St.Mary’s), клуб далучыўся да Паўднёвай лігі ў 1894 годзе і станавіўся чэмпіёнам лігі шэсць разоў — у 1897, 1898, 1899, 1901, 1903 і 1904 гадах.

«Святыя» ўвайшлі ў Футбольную Лігу ў 1920 годзе, як член-заснавальнік трэцяга дывізіёна. Першы тытул прыйшоў у 1922 годзе, калі «Саўтгемптан» стаў чэмпіёнам дывізіёна. Дагэтуль «святыя» паспелі паўдзельнічаць у двух фіналах Кубка Англіі ў 1900 і 1902 гадах, але трафей абодва разы не скарыўся ім. Падняўшыся ў 1922 годзе ў другі дывізіён, «святыя» гулялі ў ім да 1953 года, калі зноў не апусціліся ў трэці дывізіён.

Пасляваенны час

Легенда «Саўтгемптана» і англійскага футбола Альф Рамсей быў сапраўднай зоркай пасляваеннага перыяду, і, шмат у чым дзякуючы яму, у 1960 годзе «Саўтгемптан» зноў вярнуўся ў другі дывізіён. Пры дапамозе такіх зорак як Марцін Чыверс, Тэры Пейн і Мік Чэнан, «святыя» ўпершыню ў гісторыі выйшлі ў Першы дывізіён у 1966 годзе.

Праз сем гадоў, у 1974 годзе каманда зноў выбыла ў другі дывізіён. Цікава, што кампанію ім тады склаў «Манчэстэр Юнайтэд». Аднак праз два гады «Саўтгемптан» дамогся найбуйнейшага поспеху ў сваёй гісторыі — у 1976 годзе, з’яўляючыся клубам другога дывізіёна, паўднёўцы заваявалі Кубак Англіі, абыграўшы на знакамітым «Уэмблі» на той момант ужо аднаго з лідараў вышэйшага дывізіёна «Манчэстэр Юнайтэд» з лікам 1:0. Пераможцы гол быў забіты Бобі Стоўксам.

Дасягненні

• Кубак Англіі:
  • 1976

Склад

Станам на люты 2024 года.

№ Паз. Імя Нар. 1 Бр Алекс Мак-Карці 1989 2 Аб Кайл Уокер-Пітэрс 1997 3 Аб Раян Мэнінг 1996 4 ПА Флін Даўнс 1999 5 Аб Джэк Стэфенс (капітан) 1991 7 ПА Джо Арыба 1996 9 Нап Адам Армстранг 1997 10 Нап Чэ Адамс 1996 11 Нап Рос Сцюарт 1996 13 Бр Джо Ламлі 1995 14 Аб Джэймс Бры 1997 16 ПА Уіл Смолбан 2000 17 ПА Сцюарт Армстранг 1992 18 ПА Секу Мара 2002

№ Паз. Імя Нар. 19 ПА Джо Ротуэл 1995 20 Нап Камалдын Сулемана 2002 21 Аб Тэйлар Харвуд-Беліс 2002 23 ПА Сэмюэл Эдозі 2003 24 ПА Шы Чарлз 2003 26 ПА Раян Фрэйзер 1994 27 ПА Сэм Амо-Амеяў 2006 28 Аб Хуан Ларыяс 2004 29 Аб Джэйдэн Мегома 2006 31 Бр Гэвін Базуну 2002 35 Аб Ян Бэднарак 1996 36 ПА Дэвід Брукс 1997 38 Аб Дайнел Сімю 2002 Аб Джэйк Вокінс 2000

Спасылкі

• На Вікісховішчы ёсць медыяфайлы па тэме ФК Саўтгемптан
• Афіцыйная старонка (англ.)
• Сайт рускамоўных заўзятараў «Саўтгемптана» (руск.)