Беларуска-ўсходнегерманскія адносіны
Беларуска-ўсходнегерманскія адносіны — двухбаковыя кантакты паміж БССР і ГДР.
Гісторыя[правіць | правіць зыходнік]
У перыяд летніх канікул 1958 года паміж Мінскім дзяржаўным інстытутам замежных моў і Енскім універсітэтам праведзены абмен студэнтамі. 40 беларускіх і нямецкіх студэнтаў атрымалі магчымасць прайсці трохтыднёвую моўную стажыроўку ў партнёрскім ВНУ.
У 1964 годзе 6 студэнтаў БДУ выехалі на вучобу ў ГДР.
У 1965 годзе ў БССР прайшоў Дзень культуры ГДР.
У 1967 годзе паміж БДУ і Енскім універсітэтам падпісана пагадненне аб супрацоўніцтве. Адначасова пастаянныя кантакты ўсталявалі БПІ і вышэйшая тэхнічная школа ў Ільменаў.
У 1968 Мінская вобласць падпісала пагадненне аб супрацоўніцтва з Патсдамскай акругай. У наступным годзе аналагічны дакумент падпісаны Віцебскай вобласцю і акругай Франкфурт-на-Одэры.
У 1972 годзе ў Мінску адкрылася генеральнага консульства ГДР.
Студэнты-русісты[правіць | правіць зыходнік]
Студэнты з ГДР ездзілі ў БССР вывучаць рускую мову. Усе дысцыпліны былі арыентаваны на шырокае выкарыстанне матэрыялаў беларускай культуры. У асобных выпадках усходнегерманскія студэнты азнаёміліся з беларускай лексікай — назвы некаторых прадметаў побыту, гістарычныя паняцці, фразеалагізмы і іншае. У курс рускай літаратуры ўводзіліся творы рускамоўных беларускіх аўтараў альбо пераклады беларускамоўных літаратараў. Усё гэта прывяло да таго, што ў рускай мове студэнтаў з’явіліся беларусізмы[1].
Заўвагі[правіць | правіць зыходнік]
- ↑ Гируцкий, А. А. Роль и место национальной специфики БССР в лингвострановедческой подготовке студентов из ГДР // Теория и практика преподавания русской и советской литературы студентам из ГДР : материалы научно-методической конференции. — 1983. — С. 104 – 106.
Літаратура[правіць | правіць зыходнік]
- Виктор Шадурский Культурное сотрудничество Беларуси со странами Центральной и Восточной Европы // Белорусский журнал международного права и международных отношений. — 1998. — № 3.
