Бяроза павіслая
| Бяроза | ||||||||||||||
 |
||||||||||||||
| Навуковая класіфікацыя | ||||||||||||||
|---|---|---|---|---|---|---|---|---|---|---|---|---|---|---|
| Царства: | ||||||||||||||
| Аддзел: | ||||||||||||||
| Клас: | ||||||||||||||
| Парадак: | ||||||||||||||
| Сямейства: | ||||||||||||||
| Род: | ||||||||||||||
| Від: |
Бяроза павіслая |
|||||||||||||
| Навуковая назва | ||||||||||||||
|
Betula pendula |
||||||||||||||
|
||||||||||||||
Бяроза павіслая, або паніклая, або бародаўчатая (Betula pendula) — лістападнае дрэва роду бяроза сямейства бярозавых.
Дрэвы вышынёй да 30 м. Ствол у ніжняй частцы рабрысты. Кара белая, з чорным рысункам. Лісце суцэльнае, зубчастае. Кветкі ў каташках, цвіце ў красавіку-маі. Плод — дробны арэх з крыльцамі.
На Беларусі бяроза павіслая з'яўляецца характэрнай лесаўтваральнай пародай. Светлалюбнае, хуткарослае дрэва. Расце пераважна на сухадолах, у маладых лясных пасадках, на ўзлесках. Распаўсюджваецца ў працэсе зарастання лугоў і палёў.
Бяроза павіслая выкарыстоўваецца для азелянення населеных пунктаў, прысаду ля дарог, у полеахоўных палосах. З драўніны вырабляюць фанеру, мэблю, цэлюлозу. Пупыршкі і маладое лісце выкарыстоўваецца ў медыцыне. Нарыхтоўваецца бярозавы сок, які ўтрымлівае да 20 % цукру.
