Джордж Ванкувер

З пляцоўкі Вікіпедыя
Перайсці да: рух, знайсці
Джордж Ванкувер
George Vancouver
Probably George Vancouver from NPG.jpg
Джордж Ванкувер у 1792 годзе
Дата нараджэння: 22 чэрвеня 1757
Месца нараджэння: Кінгс-Лін, графства Графства Норфалк, Вялікабрытанія
Дата смерці: 12 мая 1798(1798-05-12) (40 гадоў)
Месца смерці: Рычманд-апан-Тэмз, Вялікабрытанія
Род дзейнасці: мараплавец
Лагатып ВікіСховішча Джордж Ванкувер на Вікісховішчы

Джордж Ванкувер (англ.: George Vancouver; 22 чэрвеня 1757 (па некаторых даных — 1758), Кінгс-Лін — май 1798, Рычманд-апан-Тэмз) — англійскі мараплавец і даследчык.

Ва ўзросце 14 ці 15 лёт уладкаваўся ў англійскі ваенны флот на карабель капітана Джэймса Кука, прыняўшы ўдзел у другім (17721775) і трэцім (17761780) кругасветных падарожжах знакамітага мараплаўца. Удзельнічаў у апошняй высадцы Кука на Гавайскія астравы.

У 1791 годзе быў прызначаны начальнікам вялікай марской экспедыцыі на барк «Дыскаверы», які праводзіў картаграфічныя і даследчыя працы ў Ціхім акіяне. Пад камандаваннем Ванкувера былі даследаваны заходні бераг Паўднёвай Амерыкі, Сандвічавы астравы, але найбольш прыкметныя яго даследаванні ціхаакіанскага ўзбярэжжа Паўночнай Амерыкі і на суседніх астравах паміж 39° і 51° паўночнай шыраты на месцы сучасных штатаў Каліфорнія (паўночная частка), Арэгон і Вашынгтон, а таксама паўднёвай часткі канадскай правінцыі Брытанская Калумбія.

У 1792 годзе Джордж Ванкувер даследаваў узбярэжжа ад мыса Мендасіна (39°20’ з.ш.) да праліва Хуан-дэ-Фука (48°30’ з.ш.), а таксама пабываў у вусце невядомай еўрапейцам да таго часу вялікай ракі (сучасная рака Калумбія). Пазней ён падрабязна картаграфаваў востраў, названы пазней яго імем.

Вярнуўшыся ў Англію, з 1795 года да сваёй смерці быў заняты апісаннем свайго падарожжа, якое выйшла пад назвай: «Voyage of Discovery to the North Pacific Ocean» (Лондан, 1798).

Пасля смерці Джорджа Ванкувера ў 1798 годзе гэта справаздача была істотна дапоўнены лейтэнантам Пітэрам П'юджэтам.

Імем Джорджа Ванкувера названы гарады ў Канадзе і ЗША, а таксама вялікі востраў каля заходняга ўзбярэжжа Канады.

Літаратура[правіць | правіць зыходнік]

  • Ванкувер Д. Путешествие в северную часть Тихого океана и вокруг света, совершённое в 1790,1791,1792,1793,1794 и 1795 годах капитаном Георгием Ванкувером. Кн.1-6. СПб. 1827—1838.
  • Малаховский К. В. В новом Альбионе. О путешествии мореплавателя XVII века капитана Д. Ванкувера. М., 1990

Спасылкі[правіць | правіць зыходнік]