Карл Фердынанд Браўн

Карл Фердынанд Браўн
ням.: Karl Ferdinand Braun
Дата нараджэння:	6 чэрвеня 1850(1850-06-06)
Месца нараджэння:	Фульда, Гесэн-Касэль, Германія
Дата смерці:	20 красавіка 1918(1918-04-20) (67 гадоў)
Месца смерці:	Нью-Ёрк, ЗША
Краіна:	Германія
Навуковая сфера:	фізіка
Альма-матэр:	Марбургскі ўніверсітэт Берлінскі ўніверсітэт
Узнагароды і прэміі	Нобелеўская прэмія па фізіцы (1909)

Карл Фердынанд Браўн (ням.: Karl Ferdinand Braun, 6 чэрвеня 1850, Фульда - 20 красавіка 191820 красавіка, Нью-Ёрк) — нямецкі фізік, лаўрэат Нобелеўскай прэміі па фізіцы ў 1909 годзе сумесна з Г. Марконі «за выбітны ўнёсак у стварэнне бяздротавай тэлеграфіі».
Інтэнсіўна удзельнічаў у распрацоўцы тэхнічнага прымянення электрамагнітных хваль. Вынаходнік кінескопа (катодна-прамянёвай трубкі). У нямецкамоўных краінах кінескоп да гэтага часу называюць трубкай Браўна.

Стваральнік навуковай школы па радыёфізіцы.

Біяграфія

Скончыў Берлінскі ўніверсітэт у 1872 годзе. З 1876 года прафесар Марбургскага ўніверсітэта, з 1883 года Вышэйшай тэхнічнай школы ў г.Карлсруэ, з 1885 года Цюбінгенскага ўніверсітэта (заснавальнік і кіраўнік Фізічнага інстытута пры ім). У 1880-1883 гадах і з 1895 года ў Страсбургскім універсітэце (прафесар і дырэктар Фізычнага інстытута). З 1915 года ў ЗША.

Аўтар навуковых прац па радыётэхніцы, радыёфізіцы, бяздротавай телеграфіі. Выявіў аднабаковую праводнасць у крышталях сульфідаў металаў (1874), што прывяло да стварэння крыштальнага дэтэктара. Абгрунтаваў прапанаванае А.Л.Ле Шатэлье правіла зрушэння тэрмадынамічнай раўнавагі (1887). Сканструяваў першую электроннапрамянёвую трубку (трубка Браўна, 1897). Вынайшаў вагальны контур значнай ёмістасці з малым затуханнем (ланцуг Браўна, 1898). Вынайшаў і запатэнтаваў (1899) індуктыўную сувязь паміж раздзеленымі антэнай і іскравым разраднікам праз высокачастотны трансфарматар (перадатчык Браўна), што дазволіла выпрамяняць у прастору значна большую энергію. Прапанаваў некалькі тыпаў антэн, у т.л. рамачную (1913).

Член-карэспандэнт Берлінскай АН (1914).

Гл.таксама

• Прынцып Ле Шатэлье-Браўна

Літаратура

• Беларуская энцыклапедыя: У 18 т. Т. 18. Кн. 1: Дадатак: Шчытнікі - ЯЯ / Рэдкал.: Г.П.Пашкоў і інш. - Мн.: БелЭн, 2004. - 472 с.: іл.

Спасылкі

• А. И. Климин, В. А. Урвалов. Фердынанд Браўн — лаўрэат Нобелеўскай прэміі ў галіне фізікі // «Электросвязь» № 8, 2000 г. (на сайце «Виртуальный компьютерный музей»)(руск.) 
• Інфармацыя з сайта Нобелеўскага камітэту (англ.) 
• Сайт, прысвечаны катода-прамянёвай трубцы (англ.)