Марлан Бранда

Марлан Бранда Marlon Brando
Марлан Бранда ў фільме «Трамвай „Жаданне“»
Дата нараджэння:	3 красавіка 1924(1924-04-03)
Месца нараджэння:	Амаха, Небраска, ЗША
Дата смерці:	1 ліпеня 2004(2004-07-01) (80 гадоў)
Месца смерці:	Лос-Анджэлес, ЗША
Грамадзянства:	ЗША
Прафесія:	акцёр
Кар'ера:	1944—2004
IMDb:	ID 0000008
Узнагароды:	Оскар (1954, 1972) Залаты глобус (1954, 1972) BAFTA (1952, 1953, 1954) Эмі (1979)

Ма́рлан Бра́нда (3 красавіка 1924, Амаха, Небраска, ЗША — 1 ліпеня 2004, Лос-Анджэлес, ЗША) — амерыканскі акцёр кіно і тэатра, рэжысёр. Адзін з найвыбітнейшых амерыканскіх акцёраў.

Вучыўся ў ваеннай акадэміі, у тэатральным класе школы сацыяльных даследаванняў, а потым у Акцёрскай студыі Лі Страсберга. У 1944. дэбютаваў у тэатры на Брадвеі ў п'есе «Я памятаю маму», а ў 1950 — у кіно (фільм «Мужчыны»).

Для акцёрскай манеры Б. уласцівы непасрэдная эмацыйнасць, імправізацыйны талент, прыцягальнасць і г.д. Свой уласны стыль ён распрацаваў па сістэме Станіслаўскага. Яго ігра мела уплыў на такіх актораў як Джэймс Дін, Роберт Дэ Ніро, Пол Ньюман. Дыяпазон яго акцёрскіх здольнасцей надзвычай шырокі — ад псіхалагічных драм да лёгкіх камедый. Найбольш удалыя і складаныя ролі сыграў у фільмах «Пагоня» (1965), «Хросны бацька» (1972; прэмія «Оскар»), «Апошняе танга ў Парыжы» (1972), «Апакаліпсіс сёння» (1979), «Дон Жуан дэ Марка» (1995). Здымаўся ў кінастужках вядомых амерыканскіх і еўрапейскіх рэжысёраў — Ф. Ф. Копалы, Э.Казана, Б.Берталучы і інш. Неаднаразовы лаўрэат міжнародных кінафестываляў, прэмій Брытанскай кінаакадэміі. У 1994 апублікаваў мемуары пад назвай «Песні, якім навучыла мяне маці».

Спасылкі

• Марлан Бранда(англ.)  на сайце Internet Movie Database