Кірк Дуглас

Кірк Дуглас Kirk Douglas
Кірк Дуглас у 2011 годзе
Імя пры нараджэнні:	Ісер Даніелавіч
Дата нараджэння:	9 снежня 1916(1916-12-09) (96 гадоў)
Месца нараджэння:	Амстэрдам(англ.) бел. у штаце Нью-Ёрк, ЗША
Грамадзянства:	ЗША
Прафесія:	акцёр
Кар'ера:	1942—2004
IMDb:	ID 0000018

Кірк Ду́глас (англ.: Kirk Douglas; сапраўднае Ісур Данілавіч Дземскі, нарадзіўся 9 снежня 1916, Амстэрдам, Нью-Ёрк, ЗША) — амерыканскі кінаакцёр і прадзюсар. Амерыканскі Інстытут Кіно прызнаў яго адным з лепшых кінаакцёраў усіх часоў.

Кар’ера

Сын Гершэля Дземскага і Брыны Занглель, гомельскіх яўрэяў, якія ў 1908 годзе эмігравалі ў ЗША. Прафесійна займаўся барацьбой ва Універсітэце Святога Лаўрэнція. Неўзабаве атрымаў адукацыю ў Амерыканскай Акадэміі Драматычнага Мастацтва ў Нью-Ёрку. У 1941—1945 служыў на Флоце. Пасля сканчэння Другой сусветнай вайны працаваў у рэкламнай сферы, у тэатры і на радыё. У 1946 годзе з дапамогай актрысы Лорэн Бекал, сваёй аднакласніцы па Акадэміі Драматычнага Мастацтва, быў упершыню запрошаны ў кіно.

За сваю акцёрскую кар’еру Кірк Дуглас тройчы намінаваўся на «Оскар» (за свае ролі ў фільмах «Чэмпіён», «Злодзей і прыгажуня» і «Прага жыцця»), аднак саму ўзнагароду атрымаў толькі ў 1996 за 50-гадовую працу ў кіно. За свой унёсак у кінаіндустрыю атрымаў шэраг узнагародаў, у тым ліку ў 1984 атрымаў зорку на Галівудскай Алеі Славы, а ў кастрычніку 2004 у гонар яго быў названы праспект у горадзе Палм-Спрынгз, штат Каліфорнія.

Займаецца гуманітарнай дапамогай, за што атрымаў Прэзідэнцкі Медаль за Свабоду ў 1981, Ордэн Французскага Легіёна ў 1985 і Нацыянальны Медаль за дасягненні ў галіне мастацтва ў 2005. Пэўны час быў паслом добрай волі ў Дэпартаменце ЗША.

У 1996 годзе Кірк Дуглас перанёс інфаркт і на пэўны час страціў магчымасць размаўляць.

Асабістае жыццё

Дуглас жанаты двойчы. Першы раз — з Даянай Дыл (ажаніліся 2 лістапада 1943, развяліся ў 1951), ад якой мае двух сыноў — акцёра Майкла Дугласа (нарадзіўся 5 верасня 1944) і прадзюсара Джоэля Дугласа (нарадзіўся 23 студзеня 1947). Другая яго жонка — Энн Буйдэнс (ажаніліся 29 мая 1954), іх дзеці — прадзюсар Пітэр Вінсент Дуглас (нарадзіўся 23 лістапада 1955) і акцёр Эрык Дуглас (чэрвень 1958—6 ліпеня 2004). Мае пяцёх унукаў.

Фільмаграфія

• Дзіўнае каханне Марты Іверс (1946) у ролі Уолтэра О’Ніла
• Па-за мінулым (1947) у ролі Уіта Стэрлінга
• Смутак стаў Электрай (1947) у ролі Пітэра Найлза
• Я іду адзін (1948) у ролі Нола «Піжона» Тэрнера
• Сцены Джэрыкі (1948) у ролі Такера Уэджа
• Мая любая сакратарка (1949) у ролі Оўэна Уотэрберы
• Ліст да трох жонак (1949)
• Чэмпіён (1949) у ролі Майкла «Камара» Келі
• Юнак з рогам (1950) у ролі Рыка Марціна
• Шкляная клетка (1950) у ролі Джыма О’Конара
• На мяжы жыцця і смерці (1951) у ролі шэрыфа Лена Мерыка
• Ас у даліне (1951) у ролі Чарльза «Кураня» Тэтума
• Дэтэктыўная гісторыя (1951) у ролі дэтэктыва Джэймса «Джыма» Маклаўда
• Вялікія дрэвы (1952) у ролі Джыма Фэлана
• Высокае неба (1952) у ролі Джыма Дыкінса
• Злодзей і прыгажуня (1952) у ролі Джонатана Шыльдза
• Гісторыя трох каханняў (1953) у ролі П’ера Нарваля
• Фокуснік (1953) у ролі Ганса Мюллера
• Каханне (1953)
• 20 000 лье пад вадой (1954) у ролі Неда Ленда
• Гоншчыкі (1955)
• Уліс (1955) у ролі Уліса (Адысея)
• Чалавек без зоркі (1955) у ролі Дэмпсі Рэя
• Індыйскі змагар (1955) у ролі Джоні Хокса
• Ван Гог: цемра ў святле (1956)
• Прага жыцця (1956) у ролі Вінцэнта ван Гога
• Абсалютна Сакрэтна (1957) у ролі генерала Мэлвіла Гудвіна
• Перастрэлка ў О. К. Корала (1957) у ролі «Дока» Халідэя
• Сцяжыны Славы (1957) (адначасова і прадзюсар), у ролі палкоўніка Дакса
• Вікінгі (1958) у ролі Эйнара
• Апошні Цягнік з Хан Гілю (1959) у ролі шэрыфа Мэта Моргана
• Д’яблавы правілы (1959) у ролі Дыка Даджэна
• Калі сустрэнемся, мы незнаёмыя (1960) у ролі Леры Коў
• Спартак (1960) (таксама і прадзюсар) у ролі Спартака
• Горад без літасці (1961) у ролі мэра Стыва Гарэта
• Апошні заход Сонца (1961) у ролі Брэндана О’Мэйлі
• Апошні Каўбой (1962) у ролі Джэка Борнса
• Два тыдні ў іншым горадзе (1962) у ролі Джэка Эндруса
• Крук (1963) у ролі сяржанта П.Дж. Брыскоў
• Спіс Адрыяна Месенджэра (1963) у ролі Джорджа Броэма, ксяндза Этлі, Пэна Пітыяна, Артура Гендэрсана
• Па каханні ці па разліку (1963) у ролі Дэка Джэнтры
• Сем майскіх дзён (1964) у ролі палкоўніка Мартына «Мурына» Кейсы
• Шкодным шляхам (1965)
• Героі Тэлемарку (1965) у ролі доктара Рольфа Педэрсана
• У цені волата (1966)
• Ці гарыць Парыж? (1966) у ролі генерала Джорджа С. Петана Малодшага
• Шлях на Захад (1967) у ролі сенатара Уільяма Тэдлака
• Бронецягнік (1967) у ролі Ломакса
• Аднойчы за рулём (1968) (дакументальны)
• Роўэн і Марты ў кіно (1968)
• Выдатны спосаб памерці (1968)
• Братэрства (1968) (таксама прадзюсар) у ролі Фрэнка Джынеты
• Пагадненне (1969)
• Жыў сабе лайдак (1970) у ролі Перыса Пітмана Малодшага
• Злавіць шпіка (1971)
• Святло на краі свету (1971) (таксама прадзюсар)
• Перастрэлка (1971)
• Чалавек варты павагі (1972) у ролі Стыва Уолеса
• Дотык Майстра (1972)
• Доктар Джэкіл і Спадар Гайд (1972)
• Нягоднік (1973) (таксама рэжысёр) у ролі Пэга
• Аддзел (1975) у ролі Гаварда Найтынгейла (таксама рэжысёр і прадзюсар)
• Без абавязкаў (1975) у ролі Майка Уэйна
• Бітва пры Энтэбэ (1976) у ролі Гершэля Вільнофскага
• Халакост 2000 (1977) у ролі Роберта Кейна
• Фурыя (1978) у ролі Пітэра
• Злыдзень (1979) у ролі Джэка Кактуса
• Сатурн-3 (1980) у ролі Эдама
• Хатняе Відэа (1980) у ролі доктара Татла
• Зваротны адлік (1980) у ролі капітана Мэт’ю Елянда
• Чалавек з-над Снежнай Ракі (1982) у ролі Гарысана/Спора
• Уцёкі Эды Мэкана (1983) у ролі Карла Марзака
• Агонь! (1984) у ролі Гары
• Амас (1985) у ролі Амаса Лешэра
• Крутыя хлопцы (1986) у ролі Арчы Лонга
• Хто сее вецер... (1986) у ролі Мецью Гарысана Брэды
• Квіні (мінісерыял) у ролі Дэвіда Коніга
• Оскар (1991) у ролі Правоўна
• Вераз (1991)
• Мужчынскія казкі (1991) у ролі генерала
• Таямніца (1992) у ролі Майка Данмора
• Стагоддзе кіно (1994) (дакументальны)
• Сквапнасць (1994) у ролі Джо МакТыгі
• Брыліянты (1999) у ролі Гары Агенскага
• Усялякае ў сям’і (2003) у ролі Мічэла Громберга
• Ілюзія (2004) у ролі Донала Бэйнса

Бібліяграфія

• Мудрасць старэйшых (1986)
• Сын стар’ёўшчыка (1988)
• Танцы з д’яблам (1991)
• Падарунак (1992)
• Апошняе танга ў Брукліне (1994)
• Пабітае люстэрка (1997)
• Юныя героі Бібліі (1999)
• Узлязанне на гару: Мой пошук сэнсу (2000)
• Равіны: Агляд 100 найбольш уплывовых равінаў ХХІ стагоддзя (2002)
• Утрыманне шчасця (2003)
• Сустрэньма гэта (2007)

Вонкавыя спасылкі

• На ВікіСховішчы ёсць медыяфайлы па тэме Кірк Дуглас
• Архіў Керка Дугласа, 1945—1978 (на англійскай мове)
• Кірк Дуглас(англ.)  на сайце Internet Movie Database