А-100 (кампанія)

З Вікіпедыі, свабоднай энцыклапедыі
У паняцця ёсць і іншыя значэнні, гл. А-100.
«А-100»
Тып Таварыства з абмежаванай адказнасцю
Заснаванне 16 жніўня 1994 (29 гадоў таму) (1994-08-16)[1]
Размяшчэнне Мінскі раён, вёска Баравая, д. 7
Ключавыя постаці Аляксандр Цэнцер, Ірына Валадзько
Галіна Будаўніцтва, гандаль
Прадукцыя Жыллё, крама, склад; збыт бензіну, дызельнага паліва
Колькасць супрацоўнікаў 700 (2014)
Дэвіз Мы стараемся
Даччыныя кампаніі «АСтоТрэйдынг» (А-100 АЗС), «А-100 Дэвелапмент», «Авія-100», «АСтоРэс» (страўні «Sun Café»)
Сайт www.a-100.by

«А-100» — беларускае прадпрыемства, заснаванае ў жніўні 1994 года ў Мінску[2]. На 2015 г. мела найбуйнешую ў краіне прыватную сетку з 35 аўтазаправачных станцый, што належала беларускім уладальнікам. З 1 студзеня 2015 г. сетка АЗС перайшла да абслугоўвання на беларускай мове пасля 4-месячнай падрыхтоўкі супрацоўнікаў на курсах «Мова Нанова»[3]. Таксама перакладчыкі «Мова Нанова» бясплатна пераклалі шыльды і абвесткі на запраўках, звыш 3000 цэтлікаў для тавараў і стварылі размоўнікі для супрацоўнікаў[4]. У выніку ўдалося павялічыць продажы за кошт росту дзелі беларускамоўных пакупнікоў[5], асабліва моладзі[6]. На 2015 г. даччынае будаўнічае прадпрыемства «А-100 Дэвелапмент» ўключала УП «Дамаан», ТДА «Этэрыка», ЗП «АСтоМакс» і УП «Алмары». «А-100 Дэвелапмент» узвяло 22 з 35 заправак «А-100», бізнес-цэнтр «А-100» у Мінску, жылы квартал «Зялёны Бор» (пас. Лясны, Мінскі раён) і шматлікія прыдарожныя і сталічныя крамы.

Сетка аўтазаправак[правіць | правіць зыходнік]

На 2015 г. «А-100» мела 35 аўтазаправак: 17 у Мінску, 5 у Мінскім раёне, 4 у Брэсце, 2 у Магілёве (газазаправачныя), па 1 у Віцебску (газ), Брэсцкім, Віцебскім (газ), Маларыцкім і Смалявіцкім раёнах.

Гісторыя[правіць | правіць зыходнік]

У жніўні 1994 г. былы інжынер канструктарскага бюро Аляксандр Цэнцер за кошт прададзенага аўтамабіля «Масквіч 2141» набыў бензавоз «ГАЗ-53» (4620 літраў) і адчыніў першую ў Мінску кантэйнерную аўтазаправачную станцыю. У 1995 г. адчынілі першую стацыянарную АЗС і павялічылі аўтапарк да 9 бензавозаў. Назву «А-100» прадпрыемства атрымала ад актанавага ліку 100, які мае авіяцыйнае паліва[7]. У 1996 г. «А-100» пачало прымаць да аплаты электронныя карты «Берліо» і выпускаць уласныя паліўныя талоны. У 1997 г. запраўкі «А-100» першымі ў Беларусі абзавяліся пыласосамі для вадзіцелей. У 2000 г. таксама ўпершыню ў краіне «А-100» узвяла газазаправачную станцыю і пачала прапаноўваць паслугі аўтаматычнай мыйкі самаходаў. У 2001 г. АЗС пачалі абсталёўваць аўтаматычнымі мыйнямі, кампрэсарамі для падпампоўвання шынаў і шматхуткаснымі палівараздатачнымі калонкамі. Адначасна стварылі даччынае будаўнічае прадпрыемства «А-100 Дэвелапмент». У 2003 г. на АЗС увялі электронны нагляд за колькасцю паліва ў рэзервуарах. У 2004 г. пачалася разбудова сеткі хуткага харчавання «Sun Café» (бел. Сонечная кавярня), якая на 2009 г. налічвала 7 страўняў з пераважным размяшчэннем пры АЗС. У канцы 2005 г. пачалося будаўніцтва новай галоўнай сядзібы прадпрыемства ў в. Баравая (Мінскі раён), якую ўзвялі ў 2007 годзе. У 2006 г. пачалося ўзвядзенне 15 шматпавярховых дамоў у квартале «Зялёны Бор» (пасёлак Лясны, Мінскі раён), дзе прадалі 4064 кватэры. Тамсама рассялілі 15% супрацоўнікаў. 21% кватэр збылі за першы месяц ад пачатку продажаў.

У 2007 г. на АЗС з’явілася паслуга арэнды прычэпа. У 2008 г. — паслуга афармлення аўтастрахоўкі. У 2009 г. сетка АЗС займела ўласную бонусную карту «А-100+» і запусціла платны пракат ровараў[8]. За 2010—2014 гг. на АЗС «А-100» прадалі 492,4 млн літраў бензіну. У 2011 г. 175 тыс. аўтамабілістаў Мінска з 600 тыс. (29%) карысталіся аўтамыйкамі на АЗС «А-100». У 2013 г. колькасць карыстальнікаў аўтамыек у Мінску вырасла да 350 тыс. з 1 млн аўтамабілістаў (35%). У красавіку «А-100» набыў брэсцкую сетку «Галон» у складзе 4 АЗС. На 2014 г. сетка АЗС мела 4 млн пакупнікоў (42% ад насельніцтва Беларусі). Тады ж адчынілі ўласны верталётны клуб «Авія-100» і прадставілі першы ў Беларусі электрамабіль. На 2014 г. 90% плошчаў будынкаў, якія толькі будаваліся «А-100 Дэвелапмент», ужо загадзя выкупілі ў арэнду. 98% плошчаў узведзеных будынкаў здаваліся ў арэнду. Агулам на 2014 г. узвялі 7 гандлёвых і бізнес-цэнтраў, з іх 2 найбольшыя ў сталіцы (пад назвай All) на 10,8 тыс кв.м (верасень 2012 г.; Даўгінаўскі тракт, д. 178; 500 месцаў стаянкі, гіпермаркет і 30 крамаў) і 12,8 тыс. кв.м. (Даўгінаўскі тракт, 178) былі ў складзе «А-100» праз даччыннае таварыства з дадатковай адказнасцю «Этэрыка». 30 студзеня «А-100» падарыла Выканаўчаму камітэту Мінскага раёна ўзведзены ў жылым квартале «Зялёны Бор» (пас. Лясны) за €3 млн дзіцячы сад № 4 на 150 выхаванцаў і 23 выхавальнікі[9]. Улетку пачалася забудова аэрадрома «Баравая» (146 га) жытлом на 12 тыс. кватэр (1 млн кв.м., 12 кварталаў) разам з 12 дзіцячымі садамі і 4 школамі[10]. 9 кастрычніка 2014 г. адбыўся запуск першай у Беларусі станцыі зарадкі электрамабіляў. Таксама ў 2014 г. «А-100 АЗС» набыў уласны склад захоўвання нафтапрадуктаў.

Зноскі

  1. ↑ "А-100 усталявала мемарыяльную дошку на месцы першай грамадскай АЗС". «А-100». 16 жніўня 2013. Праверана 12 мая 2016.(недаступная спасылка)
  2. ↑ Алена Анкуда, «Штодзённік» (15 верасня 2014). "Чэмпіянат Беларусі па паветраплаванні абышоўся дорага". Газета «Наша ніва». Архівавана з арыгінала 5 сакавіка 2016. Праверана 13 жніўня 2015. {{cite news}}: Невядомы параметр |deadurl= ігнараваны (прапануецца |url-status=) (даведка) Архіўная копія(недаступная спасылка). Архівавана з першакрыніцы 5 сакавіка 2016. Праверана 31 ліпеня 2018.Архіўная копія. Архівавана з першакрыніцы 5 сакавіка 2016. Праверана 31 ліпеня 2018.
  3. ↑ "Кліентаў аўтазаправачных станцый «А-100» будуць абслугоўваць па-беларуску". Tut.by. 8 студзеня 2015. Праверана 13 жніўня 2015.(недаступная спасылка)
  4. ↑ "Сетка заправак «А-100» афіцыйна пацвердзіла пераход на беларускую мову". Еўрарадыё. 8 студзеня 2015. Праверана 13 жніўня 2015.(недаступная спасылка)
  5. ↑ Дзмітрый Корсак (22 студзеня 2015). "Пасля таго, як на нашых станцыях пачалі размаўляць па-беларуску, кліентаў стала больш". Onliner.by. Архівавана з арыгінала 27 студзеня 2015. Праверана 13 жніўня 2015. {{cite news}}: Невядомы параметр |deadurl= ігнараваны (прапануецца |url-status=) (даведка) Архіўная копія(недаступная спасылка). Архівавана з першакрыніцы 27 студзеня 2015. Праверана 31 ліпеня 2018.Архіўная копія(недаступная спасылка). Архівавана з першакрыніцы 27 студзеня 2015. Праверана 31 ліпеня 2018.
  6. ↑ Мікалай Левертаў (16 красавіка 2015). "Куды крочыць рэкламіст". Агенцтва «Таранціна і сыны». Праверана 13 жніўня 2015.
  7. ↑ Алена Анкуда, «Штодзённік». «Я ежджу на працу на ровары» // Наша ніва : газета. — 25 верасня 2013. — № 36 (825). — С. 9. — ISSN 1819-1614.(недаступная спасылка)
  8. ↑ БелаПАН (15 ліпеня 2014). "Будучыня транспарта - за роварамі і электрамабілямі". Хартыя'97. Праверана 13 жніўня 2015.
  9. ↑ Андрэй Корсак (30 студзеня 2014). "Група кампаній «А-100» падарыла Мінскаму раёну новы дзіцячы садок". БелаПАН. Праверана 13 жніўня 2015.(недаступная спасылка)
  10. ↑ Мікалай Градзюшка, Onliner.by (14 красавіка 2014). "Улетку пад Мінскам пачнуць будаваць новы мікрараён". Хартыя’97. Праверана 13 жніўня 2015.

Спасылкі[правіць | правіць зыходнік]

Узята з "https://be.wikipedia.org/w/index.php?title=А-100_(кампанія)&oldid=4639677"