Крысціна Фернандэс дэ Кіршнер
| Крысціна Элізабет Фернандэс дэ Кіршнер Cristina Elisabet Fernández de Kirchner | |||
 | |||
| |||
|---|---|---|---|
| 10 снежня 2007 — 10 снежня 2015 | |||
| Папярэднік: | Нестар Кіршнер | ||
| Пераемнік: | Маўрысіа Макры | ||
| Партыя: | Хустысіялісцкая партыя Фронт за перамогу | ||
| Адукацыя: | Нацыянальны ўніверсітэт Ла-Платы | ||
| Дзейнасць: | палітык | ||
| Веравызнанне: | каталіцызм | ||
| Нараджэнне: | 19 лютага 1953 (66 гадоў) Ла-Плата, Аргенціна | ||
| Муж: | Нестар Кіршнер | ||
| Дзеці: | Максіма і Фларэнсія | ||
| Сайт: | cfkargentina.com | ||
| Аўтограф: | 
| ||
| Узнагароды: |
замежныя:
| ||
Крысціна Элізабет Фернандэс дэ Кіршнер (ісп.: Cristina Elisabet Fernández de Kirchner /kɾisˈtina eˈlisaβet ferˈnandes ðe ˈkirʃner/; нарадзілася 19 лютага 1953 года, у горадзе Ла-Плата, правінцыі Буэнас-Айрэс, Аргенціна) — 55-ы прэзідэнт Аргенціны (з 10 снежня 2007 г. па 10 снежня 2015). Змяніла на гэтай пасадзе свайго мужа Нестара Кіршнера. Стала другой жанчынай — прэзідэнтам Аргенціны (пасля Ісабель Перон) і першай жанчынай — прэзідэнтам Аргенціны ў выніку выбараў.
Біяграфія[правіць | правіць зыходнік]
Ураджэнка горада Ла-Плата, Фернандэс скончыла Нацыянальны ўніверсітэт Ла-Платы. Падчас вучобы яна пазнаёмілася з будучым мужам, Нестарам Кіршнерам, з якім ажанілася 9 сакавіка 1975 г. Пасля заканчэння навучання яны пераехалі ў правінцыю Санта-Крус. Ад шлюбу мае двое дзяцей: дачку Флорэнс і сына Максіма.
Палітычная дзейнасць[правіць | правіць зыходнік]
Сваю палітычную дзейнасць пачала ў адной з перанісцкай партый у 1970-х гадах. Падчас ваеннай дыктатуры займалася прыватнай практыкай, працавала адвакатам. У 1989 г. абрана ў заканадаўчы сход правінцыі Санта-Крус. Пасля двух тэрмінаў на пасадзе ад гэтай жа правінцыі была абрана ў сената краіны, а пазней і ў Палату Дэпутатаў. Пераабіралася на пасаду ў 2001 г. У 2003 г. адыграла важную ролю ў прэзідэнцкай гонцы мужа Нестара Кіршнера, які перамог у выбарах 27 красавік 2003 г.
23 кастрычніка 2005 г. перамагла ў выбарах на месца ў сенаце краіны ад правінцыі Буэнас-Айрэс. З набліжэннем канца тэрміну прэзідэнцтва мужа, вырашыла балатавацца на прэзідэнцкую пасаду сама. На прэзідэнцкіх выбарах 2007 года Крысціна Кіршнер была кандыдатам ад кіруючай партыі «Фронт за перамогу», яна выйграла іх з 45 % галасоў і з перавагай у 20 % адносна наступнага кандыдата.
Зноскі
Спасылкі[правіць | правіць зыходнік]
На Вікісховішчы ёсць медыяфайлы па тэме Крысціна Фернандэс дэ Кіршнер- Афіцыйны сайт
- Старонка на сайце сената Аргенціны
|
